I Kor 1:24 - Sơ̆p Hlabơar Nơ̆r 'Bok Kei-Dei

²⁴ Mă-lei gah bơ̆n mă 'Bok Kei-Dei rơih iŏk boih, mă bơngai Juđê mă bơngai nai, tơdrong Yêsu Krist lôch tơ 'long pơglang 'noh, bơ̆n băt tơdrong Yêsu Krist tơgŭm bơ̆n tôch bơneh tơpă păng 'Bok Kei-Dei mơsêh mơyang tơpă, hơgei tôm tơdrong, na Sư mah ăn Yêsu lôch tang bơ̆n.

I Kor 1:24 ပူးပေါင်းရင်းမြစ်များ

Tơdrông Pơđơk 8:1

Tơdrong gơh hơgei ưh kơ oei krao? Tơdrong hlôh wao ưh kơ oei ôr hă?

Luka 11:49

Thoi noh na 'Bok Kei-Dei mă hơgei tôm tơdrong khan thoi âu: ‘Inh gô wơh lu bơngai pơtruh nơ̆r Inh păng lu bơngai jơ̆ng 'bang Inh năm bơtho lu sư, na 'blep kơ lu sư areh pơm kơnê̆ kơ lu sư phŏ kư̆m pơlôch.’

Luka 7:35

Mă-lei dôm lu bơngai kiơ̆ tơdrong 'Bok Kei-Dei tơpă, sư băt kơ 'Bok Kei-Dei pơm trŏ ngăl.”

Rom 1:16

Tơdrong 'nao 'lơ̆ng Yêsu Krist kăl tơpă na inh bơtho đe ưh kơ mơlâu. Tơdrong noh tơbăt ăn kơ bơ̆n 'Bok Kei-Dei mơsêh mơyang tơpă pơklaih bơ̆n đơ̆ng tơdrong yoch na ăn kơ bơ̆n oei hiôk hăm Sư. Thoi noh dôm lu bơngai lui kơ tơdrong noh 'Bok Kei-Dei pơklaih ngăl. Lu bơngai Juđê lui hơdrol, đơ̆ng noh lu bơngai nai lui.

Rom 1:4

Yang Bơhngol 'Lơ̆ng tơbăt ăn kơ bơ̆n Yêsu Yang, Kon 'Bok Kei-Dei. Sư tơbăt ăn kơ bơ̆n tơdrong Yêsu Kon 'Bok Kei-Dei, Sư tơ'bôh kơ bơ̆n 'bôh Sư mơsêh mơyang gơh iung arih đơ̆ng lôch. 'Noh bơ̆n băt kơ Yêsu Sư Yang tơpă.

Rom 1:7

Na dang ei inh chih kơthơ ăn kơ iĕm bơngai Rôm mă 'Bok Kei-Dei 'mêm kơeng. Iĕm boih 'Bok Kei-Dei krao wă kơ iĕm jing kon Sư. Inh krao khan apinh Sư 'Bă tơm bơ̆n hăm Kră Yang bơ̆n Yêsu Krist wei-lăng iĕm tôm tơdrong wă kơ Sư ăn kơ iĕm hiôk-hian ling-lang.

Rom 9:24

Lu bơngai noh wă khan lu bơ̆n âu boih Sư rơih iŏk. Ưh kơ sĭ Sư rơih iŏk pôm lu bơngai Isơrael đĕch ôh, Sư rơih iŏk lu bơngai nai hai.

I Kor 1:18

Lu bơngai wă hiong răm, lu sư lăng tơdrong bơ̆n bơtho gah tơdrong Yêsu Krist lôch tơ 'long pơglang, lu sư lăng dang tơdrong kơtul đĕch. Mă-lei gah bơ̆n, bơ̆n băt tơpă tơdrong Yêsu lôch tơ 'long pơglang kăl dêh, noh tơdrong mơsêh mơyang 'Bok Kei-Dei pơklaih bơ̆n.

I Kor 1:2

chih hơpong kơ lu 'nhŏng oh bơngai lui tơ pơlei iĕm Kôrintô. 'Bok Kei-Dei rơih iŏk iĕm jing kon Sư, iĕm jing bơngai tơpăt yua kơ iĕm lui kơ Yêsu Krist, noh kư̆m thoi lĕ đĭ-đăng bơngai mă krao khan kơ Yŏng bơ̆n Yêsu Krist jơ̆p kơ anih; Sư Kră Yang đĭ-đăng kơ bơ̆n.

I Kor 1:30

'Bok Kei-Dei ăn kơ bơ̆n oei hơdai minh jơhngơ̆m minh đon hăm Yêsu Krist. 'Bok Kei-Dei ăn kơ Kon Sư Yêsu Krist tơbăt ăn kơ bơ̆n gơh tơchĕng hơgei gah tơdrong Sư. Yua kơ đơ̆ng Yêsu Krist na 'Bok Kei-Dei huai iŏk bơ̆n đơ̆ng tơdrong yoch, Sư jô̆ bơ̆n jing bơngai tơpăt hăm Sư păng Sư ăn kơ bơ̆n jing bơngai 'lơ̆ng.

I Kor 1:9

'Bok Kei-Dei ling-lang pơm trŏ thoi Sư pơkă, na Sư gô tơgŭm iĕm tơpă păng Sư boih rơih iŏk iĕm pơgơ̆p hăm Kon Sư Yêsu Krist Kră Yang bơ̆n.

Kôlôsê 2:3

Yua kơ bơ̆n lui kơ Yêsu Krist, na Yêsu Krist tơbăt ăn kơ bơ̆n tôm tơdrong noh mă tam mă tơbăt kơ đe đơ̆ng sơ̆.