I Kor 1:13 - Sơ̆p Hlabơar Nơ̆r 'Bok Kei-Dei

¹³ Lu bơngai lui kơ Yêsu Krist wă tơklah jing lơ khŭl boih hă? Pôl dah bu lôch tang iĕm tơ 'long pơglang 'noh? Đe iŏk 'batem hăm anăn inh mơ̆n dah kiơ? Ưh ôh.

I Kor 1:13 ပူးပေါင်းရင်းမြစ်များ

Mathiơ 28:19

Thoi noh năm bĕ lu iĕm, bơtho kơ đĭ-đăng lu khŭl bơngai jơ̆p kơ teh đak, athei lu sư lui kiơ̆ kơ Inh, pơm 'batem kơ lu sư krao anăn Yang 'Bă, Yang Kon, hăm Yang Bơhngol 'Lơ̆ng wă kơ đe nai băt kơ lu sư lui boih.

Mathiơ 3:6

Lu sư roi tơdrong yoch lu sư kơ 'Bok Kei-Dei, na Yôhan pơm kơ lu sư 'batem tơ krong Jôrđăn.

Jang 10:48

Đơ̆ng noh na Pêtrôs athei lu sư iŏk 'batem hăm anăn Yêsu Krist. Klaih kơ noh lu đe Kôrnei apinh Pêtrôs oei hăm sư 'bar pêng năr dơ̆ng.

Jang 19:5

Lu bơngai Pôl tơ'bơ̆p ei kơtơ̆ng thoi noh na sư iŏk 'batem hăm anăn Kră Yang Yêsu.

Jang 2:38

Pêtrôs khan: “Iĕm athei tơbral kơdih tơdrong yoch iĕm. Iĕm athei iŏk 'batem hăm anăn Yêsu Krist wă kơ Sư pơklaih tơdrong yoch iĕm, Sư ăn kơ iĕm Yang Bơhngol 'Lơ̆ng.

Jang 8:16

yua kơ Yang Bơhngol 'Lơ̆ng tam mă oei păng lu sư. Lu sư iŏk 'batem hăm anăn Kră Yang Yêsu đĕch.

Rom 14:9

Truh trong tơdrong lôch, tơdrong arih, pôm Yêsu Krist đĕch truh, pôm Sư đĕch gơh pơgơ̆r bơngai lôch, bơngai arih.

I Kor 1:15

Thoi noh na inh ưh kơ wă ôh iĕm pơm khan iĕm iŏk 'batem hăm anăn inh.

I Kor 10:2

Đak dơsĭ păng hơmơ̆l 'noh pơtih gia dang lu sư iŏk 'batem, wă tơbăt kơ đe tơdrong lu sư kiơ̆ Môis tơpă.

II Kor 11:4

Yua kơ inh băt kơ iĕm bơngai 'bônh kơ put đe, inh hli kơ đe bơtho iĕm tơdrong Yêsu Krist ưh pă thoi inh bơtho, mă iĕm wă lui hloi; đe bơtho iĕm tơdrong nai, ưh kơ thoi tơdrong Yang Bơhngol 'Lơ̆ng bơtho mă iĕm sơng iŏk sơ̆, mă iĕm wă mơ̆ng hloi; đe khan wă bơtho iĕm tơdrong 'nao 'lơ̆ng mă tơdrong noh ưh pă thoi iĕm lui sơ̆, mă iĕm wă chu hloi.

Galati 1:7

Mă tơpă đei minh tơdrong 'nao 'lơ̆ng đĕch, ưh kơ đei tơdrong 'nao 'lơ̆ng nai dơ̆ng ôh. Inh khan kơ iĕm thoi noh yua kơ đei lu bơngai nai pơtuah iĕm, lu sư wă hơmet ming pơthim tơdrong 'nao 'lơ̆ng Yêsu Krist.

Êphêsô 4:5

Bơ̆n kư̆m đei lăp minh 'nu Yŏng Tơ'ngla đĕch, na minh tơdrong lui bơ̆n, lui lei-lăi ngăl. Tơdrong bơ̆n iŏk 'batem kư̆m lei-lăi mơ̆n.

Tit 2:14

Kră Yang Yêsu Krist ăn akâu Sư kơdih chu lôch tang kon bơngai bơ̆n. Sư huai iŏk bơ̆n wă kơ bơ̆n huay pă pơm yoch dơ̆ng. Sư ăn kơ bơ̆n jing kon 'lơ̆ng Sư păng Sư ăn kơ jơhngơ̆m bơ̆n wă pơm 'lơ̆ng hăm đe ling-lang.