I Ho 9:17 - Sơ̆p Hlabơar Nơ̆r 'Bok Kei-Dei

¹⁷ Lu bơngai gak 'măng jang: Sallum, Akup, Tanmôn, Ahiman, păng 'nhŏng oh lu sư Sallum pơm kơ̆l.

I Ho 9:17 ပူးပေါင်းရင်းမြစ်များ

II Pot 7:10

Na lu sư năm hloi, krao lu linh gak 'măng dur pơlei, roi kơ lu sư: “Nhôn năm truh tơ kơđông linh Aram, rơhiăng ưh kơ 'bôh bơngai bu, kư̆m ưh kơ đei kơtơ̆ng 'bơ̆r bu mơ̆n, 'bôh lăp lu aseh, lu aseh iĕ oei chô̆ păng lu bơsŭn achăng lê̆ thoi so.”

I Ho 23:5

Na puăn-rơbâu 'nu bơngai jang gak wei-lăng 'măng jang; păng puăn-rơbâu 'nu bơngai hơri ư-ang kơ Kră Yang păng brŏ inh ăn kơ bơngai hơri bơnê ư-ang.

I Ho 9:16

Ôbađia, kon drŏ-nglo Sêmaia, sâu Galal, sâu i Jêđuthun; Bêrekia, kon drŏ-nglo Asa, sâu Êlkana, bơngai mă oei lăm pơlei Nêtôphathit.

I Ho 9:18

Lu sư gak 'Măng Jang Pơtao gah hơlĕch truh tơ dang ei lu sư wei gak 'măng jang kơđông bơngai Lêwi.

II Ho 8:14

Kiơ̆ thoi Đawit 'bă sư, tơtă, sư asong tơdrong jang ăn kơ lu 'bok soi kiơ̆ kơ tơdrong jang khŭl lu sư, jao kơ khŭl bơngai Lêwi hat hơri ư-ang păng bơ̆jang tơgŭm lu 'bok soi, jang kiơ̆ tơdrong jang rim năr; tơ rim kơ 'măng jang Sư kư̆m đei ăn kơ khŭl bơngai gak 'măng jang, yua kơ 'nâu nơ̆r Đawit tơtă, bơngai Kră Yang 'Bok Kei-Dei.

Esơra 2:42

Lu bơngai wei 'măng jang Hnam akŭm. Noh kon sâu Sallum, kon sâu Ater, kon sâu Tamôn, kon sâu Akup, kon sâu Hatita, kon sâu Sôbai, akŭm đĭ-đăng minh-hrĕng pêng-jĭt tơsĭn 'nu.

Ne 11:19

Lu bơngai wei 'măng jang Akup, Tamôn păng 'nhŏng oh lu sư, lu bơngai gak 'măng jang đei minh-hrĕng tơpơh-jĭt 'bar 'nu.