I Ho 9:1 - Sơ̆p Hlabơar Nơ̆r 'Bok Kei-Dei

¹ Đĭ-đăng bơngai Isơrael đei năm chih anăn lăm Sơ̆p hla bơar kiơ̆ kơ adrĕch adrung đei chih tơmơ̆t lăm sơ̆p hla bơar tơm lu pơtao Isơrael. Bơngai Juđa, yua kơ đơ̆ng pơm yoch na đe rôp anhăk lu sư tơ char Babilôn.

I Ho 9:1 ပူးပေါင်းရင်းမြစ်များ

I Pot 14:19

Dôm tơdrong jang nai mă Jêrôbôam đei pơm, tơdrong sư tơblah păng tơdrong sư pơgơ̆r, đei chih bơih lăm sơ̆p hla bơar hơ'mon lu pơtao Isơrael.

II Pot 24:14

Pơtao chông ba đĭ-đăng lu bơngai gơh hơgei lăm Pơlei Jêrusalem, sư kư̆m rôp đĭ-đăng lu thơ̆ hơgei gơh hơjơ̆m đĭ-đăng lu 'bok tih păng lu linh tơblah nuih kơtang, đĭ-đăng lu sư mơjĭt-rơbâu 'nu. Lê̆ lăi lu kon pơlei dơnuh hin đĕch.

II Pot 24:15

Sư, chông ba Jêhôiachin tơ Babilôn; sư kư̆m rôp ba mĕ pơtao lu akăn pơtao lu kuan tih, lu bơngai yŏng mơng lăm char, sư chông ba đơ̆ng Pơlei Jêrusalem năm pơm bơnă tơ Pơlei Babilôn.

II Pot 24:16

Pơtao Nebukatnessar chông ba lu linh tơblah nuih kơtang, đĭ-đăng lu sư tơpơh-rơbâu 'nu păng minh-rơbâu lu thơ̆ hơgei gơh pơm.

I Ho 8:40

Kon drŏ-nglo Ulam tă kơ bơngai nuih kơtang ngăl, prah hră đam. Lu sư đei kon sâu lơ, đei minh-hrĕng pơđăm-jĭt 'nu. Đĭ-đăng lu sư noh kon sâu Bênjamin ngăl.

II Ho 33:11

Na Kră Yang ăn kơ lu yŏng linh, pơtao Asiri năm wang rôp Manase, chô̆ sư hăm tơlei glang păng tôt muh sư, na chông ba tơ dêh char Babilôn.

Esơra 2:1

Lăm lu kon sâu tơring Juđa mă pơtao Nebukatnessar rôp chông ba tơ dêh char Babilôn, lu bơngai đe chông ei wih brŏk tơ pơlei Jêrusalem păng dêh Juđa, rim 'nu brŏk tơ pơlei sư kơdih,

Esơra 2:59

'Nâu jơ̆ lu bơngai oei tơ lăm pơlei Tênmêla. Têlatsa, Kêrup, Ađôn păng Immer wih brŏk tơ pơlei Jêrusalem, ưh pă đei roi hơđăl lu oei lăm adrĕch bơngai Isơrael dah ưh:

Ne 11:1

Lu kră pơgơ̆r kon pơlei tă kơ oei lăm pơlei Jêrusalem: Gah lu kon pơlei nai đe hlang rơih iŏk minh lăm mơjĭt đơ̆ng lu bơngai noh, năm oei tơ pơlei Jêrusalem, pơlei 'lơ̆ng rơgoh păng lu tơsĭn 'nu noh oei tơ pơlei nai;

Ne 7:5

Kră Yang 'Bok Kei-Dei pơtrŭt jơhngơ̆m krao pơpôi dôm lu bơngai mơdrŏng, lu pơm kuan păng kon pơlei wă chih tơmơ̆t lăm sơ̆p hla bơar kiơ̆ kơ adrĕch, inh đei chă 'bôh minh sơ̆p hla bơar chih gah adrĕch lu bơngai Juđa brŏk mă tăl blŭng-a păng lăm noh inh 'bôh đei chih thoi âu:

Ne 7:64

Dôm lu bơngai noh chơchă adrĕch adrung lu sư kơdih. Mă-lei ưh kơ 'bôh, đơ̆ng noh ưh kơ gơh pơm 'bok soi, jô̆ khan 'mê̆-'mach.

Êsai 3:2

Sư gô iŏk lê̆ lu bơngai pran kơtang, lu linh, lu kră sek tơlang, lu 'bok khan lê̆ adrol, lu pơjâu, lu bơngai kră.

Je 13:19

Đĭ-đăng pơlei lăm tơring Negewơ đe gô wang tăp, ưh kơ đei bu pơih gơh lĕch. Đĭ-đăng adrĕch Juđa đe gô rôp pơđĭ ưh pă đei bu klaih.

Je 39:9

Nebusaradan yŏng lu linh gak pơtao, athei rôp lu kon pơlei mă oei oei lăm pơlei păng lu bơngai lĕch yơ̆r ti kiơ̆ sư păng lu thơ̆ tuh hling, hơjơ̆m chông ba pơm bơnă tơ char Babilôn.

Da 1:2

Kră Yang 'Bok Kei-Dei jao Jêhôiakim, pơtao đe Juđa păng đei tơmam đơ̆ng hnam Kră Yang 'Bok Kei-Dei lăm ti Nebukatnessar. Sư anhăk ba tơmam noh brŏk tơ dêh Babilôn, tơmơ̆t lăm rông yang sư păng 'măn lê̆ tơ lăm hnam mong tơmam ăn kơ yang sư kơdih.