I Ho 6:32 - Sơ̆p Hlabơar Nơ̆r 'Bok Kei-Dei

³² Lu sư bơ̆jang hơri bơnê 'bơ̆t anăp anih akŭm dĭng truh tơ pơtao Sôlômôn man keh, hnam akŭm kơkuh Kră Yang tơ Jêrusalem: Rim 'nu kơ lu sư bơ̆jang kiơ̆ tơdrong jang mă đei pơjao.

I Ho 6:32 ပူးပေါင်းရင်းမြစ်များ

I Ho 6:10

Jôhanan pơjing Asaria, bơngai mă pơm 'bok soi lăm hnam akŭm Sôlômôn man tơ pơlei Jêrusalem.

I Ho 6:31

'Nâu lu khŭl bơngai hơri mă pơtao Đawit đei pôk dan wă hơri bơnê lăm hnam akŭm Kră Yang đơ̆ng rŏng kơ hom pơgơ̆p đe dan lăm noh.

I Ho 6:33

'Nâu lu bơngai bơ̆jang hơdai hăm kon drŏ-nglo lu sư: Lăm kon sâu Kôhat: Đei Hêman bơngai gơh hơri, kon drŏ-nglo Jôel, Jôel kon drŏ-nglo Samuel,

I Ho 9:33

'Nâu lu bơngai hơri, lu yŏng kơdră lăm adrĕch bơngai Lêwi lu sư oei rim anih lăm anih akŭm, yua kơ lu sư bơ̆jang măng păng năr na pơdơh tơdrong jang nai.

II Ho 31:2

Hesekia klah asong lu 'bok soi păng lu bơngai Lêwi, kiơ̆ kơ khŭl tơdrong jang lu sư, wă pơyơ̆r tơmam soi 'buh păng tơmam soi pơyơ̆r kơ 'blŏk bơnê, wă kơkuh bơnê păng hơri ư-ang tơ anih lu 'măng jang cham Hnam Kră Yang.

II Ho 35:15

Lu bơngai hơri, kon sâu Asap; Hêman păng Jêđuthun, 'bok 'bôh lê̆ adrol pơtao, kư̆m oei dơ̆ng lăm anih lu sư kơdih, kiơ̆ thoi tơdrong juăt Đawit tơtă; lu bơngai gak wei 'măng jang kư̆m ngôi tơ rim 'măng, ưh kơ weh đơ̆ng tơdrong jang sư kơdih, yua kơ 'nhŏng oh lu sư bơngai Lêwi đei hơmet ăn boih tơmam sa kơ lu sư.

Esơra 6:18

Lu 'bok soi păng lu bơngai Lêwi kiơ̆ kơ khŭl lu sư klah asong wă bơ̆jang kơ Kră Yang 'Bok Kei-Dei tơ Pơlei Jêrusalem, kiơ̆ thoi lăm sơ̆p hla bơar Môis đei chih.

Êsêkiên 40:44

Tơ cham lăm đei 'bar anih, minh gah cheng kơ 'măng jang yă-nơ̆m, tơklă tơ gah gơal păng đei minh anih dơ̆ng gah 'măng jang hơlĕch, tơklă tơ gah yă-nơ̆m.