I Ho 5:2 - Sơ̆p Hlabơar Nơ̆r 'Bok Kei-Dei

² Mă Juđa pran kơtang hloh kơ lu 'nhŏng oh sư păng đơ̆ng sư na đei pơtao pơgơ̆r; mă-lei jing kon kơdră noh tơ Jôsep.

I Ho 5:2 ပူးပေါင်းရင်းမြစ်များ

Bl 25:31

Jakôp tơl sư thoi âu: “'Nhŏng tĕch ăn kơ inh tơdrong gơh jing 'nhŏng kơdră bĕ.”

Bl 35:23

'Nâu Jakôp sư đei mơjĭt-'bar 'nu kon drŏ-nglo: Kon Lêa: Rubên, sư kon kơdră Jakôp, đơ̆ng noh Simêôn, Lêwi, Juđa, Isakar păng Sabulôn.

Bl 48:5

Dang ei, 'bar 'nu kon drŏ-nglo kon đei pơjing lăm dêh char Êyiptơ adrol kơ inh truh noh, Êphraim păng Manase, kư̆m dang hơ'lơ̆p inh thoi Rubên păng Simêôn mơ̆n.

Bl 49:26

Pŭn hiôk đơ̆ng 'bă sơkat rai tŏk. Kơjung hloh kơ pŭn hiôk mă đơ̆ng 'bok yă 'bă, Dĭng truh tơ wĕch kông ling-lang khŏm khŏm hloi: Dôm lu pŭn hiôk 'nâu gô oei tơ kơpal kơ̆l Jôsep, 'Bơ̆t klĕng bơngai mă pơm yŏng kơ lu 'nhŏng oh sư kơdih.

II Sam 8:15

Đawit pơm pơtao pơgơ̆r kơ đĭ-đăng dêh char Isơrael, pơgơ̆r kon pơlei sư hăm tơdrong juăt trŏ tơpăt.

I Ho 28:4

Kră Yang 'Bok Kei-Dei Isơrael đei rơih boih inh đơ̆ng lăm hnam dơnŏ 'bă inh, wă pơm pơtao Isơrael ling-lang. Tơpă sư đei rơih boih adrĕch Juđa pơgơ̆r wei-lăng; đơ̆ng lăm adrĕch Juđa sư rơih iŏk hnam dơnŏ 'bă inh; lăm lu kon drŏ-nglo 'bă inh, Kră Yang lăp đon rơih iŏk inh, pôk inh pơm pơtao kơ đĭ-đăng lu bơngai Isơrael.

Horiso 108:8

Gileat gah Inh, Manase kư̆m lei-lăi; Êphraim jơ̆ môk pĕng kơ̆l inh; Juđa jơ̆ 'long jra pơtao inh.

Horiso 60:7

Gileat gah inh, Manase kư̆m lei lai; Êphraim môk kơlăm pĕng kơ̆l inh. Juđa jơ̆ 'long jra pơtao inh.

Mi 5:2

Thoi noh Sư gô jao lu đe noh kơ lu bơngai ayăt kơ Sư dĭng tơ bơngai drŏ-kăn tơpŭ kơ Sư, tơpŭ boih păng lu bơngai Isơrael mă oei oei đơ̆ng lu 'nhŏng oh Sư, lu sư gô wih brŏk tơ kon sâu bơngai Isơrael.

Jo 2:3

Kơđông linh Juđa oei tơ gah hơlĕch gah măt 'năr lĕch, đei hla-kơ khŭl lu sư. Yŏng kơdră adrĕch bơngai Juđa noh Nahsôn, kon drŏ-nglo Minađap.

Jo 7:12

Nahsôn kon drŏ-nglo Aminađap, adrĕch Juđa pơyơ̆r năr blŭng-a adrol kơ pơkeh.

Mathiơ 2:6

‘Ơ Pơlei Betlehem lăm dêh Juđê! Pơlei iĕm ưh kơ sĭ iĕ hloh kơ pơlei đe ôh, Yua kơ đơ̆ng pơlei iĕm gô đei minh 'nu 'Bok tih tơpă, Sư wă pơgơ̆r lu bơngai Isơrael.’ ”

Rom 8:29

Lu bơngai thoi noh, hơdrol kơ đe tam mă tơpŭ kơ sư sơ̆, 'Bok Kei-Dei băt kơ lu sư hơdrol boih. Lu bơngai thoi noh 'Bok Kei-Dei pơkă wă ăn jing kon Sư thoi Yêsu Krist; Yêsu Krist jing 'Nhŏng Kơdră lu sư, lu sư jing oh Yêsu.

Both 21:17

Bơngai noh athei iŏk kon drŏ-nglo akăn mă sư areh noh pơm kon kơdră, klah asong 'bar gah dôm tơmam sư đei hloh kơ lu kon nai. Kon kơdră drŏ-nglo noh đơ̆ng jơhngơ̆m pran 'bă, na jing kon kơdră noh sư boih.

Both 33:17

Rơmo tơno kơdră sư 'lơ̆ng rŏ pran kơtang. Ake sư noh ake rơmo tơno bri. Ake noh boih sư tơ̆m kon pơlei pơla. Dĭng truh tơ kon pơlei oei tôch teh đak, noh boih rơbâu hơngan 'nu bơngai Êphraim, kư̆m thoi dôm rơbâu 'nu bơngai Manase.

Hêbrơ 7:14

Sư adrĕch adrung Juđa. Adrĕch adrung Juđa, Môis ưh kơ đei roi bu lơ̆m lu sư pơm 'bok soi ôh. Thoi noh tam mă đei bu đơ̆ng adrĕch lu sư pơm 'bok soi.

Jôsuê 14:6

Kon sâu Juđa năm tơ Jôsuê tơ Gilgal păng Kalep kon drŏ-nglo Jêphunê, kon pơlei Kênisit khan: Ih băt tơdrong mă Kră Yang khan kơ Môis bơngai Kră Yang 'Bok Kei-Dei tơ char Kades Barnêa tơdrong ih hăm inh.

Tơdrông Tơ'bôh 5:5

Mă-lei đei minh 'nu lăm lu đe kră noh khan kơ inh thoi âu: “Ih 'nĕ pă nhơ̆m, to gô dăm-brang adrĕch adrung Juđa păng Đawit hek lăng hla bơar noh. Pôm Sư đĕch trŏ kơ hek lăng hla bơar noh, yua kơ Sư tơblah păng yang kơnê̆ jei Sư boih.”

Lu 1:2

Kră Yang tơl: Lu bơngai Juđa iĕm boih athei năm adrol; to Inh pơjao boih, dêh char lăm ti lu sư.

I Sam 16:1

Kră Yang khan kơ Samuel: Ih oei sơ'ngon kơ Sôl dĭng truh dang yơ? Inh achăng lê̆ sư boih, ưh pă ăn sư pơm pơtao bơngai Isơrael dơ̆ng. Tuh bĕ đak rơmă 'bĕnh kơ trôm hơke na ih năm; Inh wơh ih năm tơ'bơ̆p 'bok Jese Betlehem; yua lăm lu kon sư, Inh đei rơih iŏk minh 'nu wă pơm pơtao.

I Sam 16:10

Jese athei tơpơh 'nu kon drŏ-nglo sư kơdih năm 'bơ̆t anăp Samuel lei-lăi thoi noh; na Samuel khan kơ Jese thoi âu: Kră Yang ưh kơ rơih iŏk minh 'nu bơngai bu lăm đe noh.

I Sam 16:12

Na, Jese năm wơh bơngai năm krao iŏk sư. Muh măt akâu jăn sư hơbŏ 'lơ̆ng. Kră Yang khan kơ Samuel: 'Nâu boih; iung bĕ tuh đak rơmă kơ sư.