I Ho 3:15 - Sơ̆p Hlabơar Nơ̆r 'Bok Kei-Dei

¹⁵ Kon drŏ-nglo Jôsia: Kon drŏ-nglo kơdră sư Jôhanan; kon mă 'bar noh Jêhôiakim, mă pêng noh Sêđekia, kon mă puăn noh Sallum.

I Ho 3:15 ပူးပေါင်းရင်းမြစ်များ

II Pot 23:31

Kơplah Jêhôahas tŏk pơm pơtao, sư 'bar-jĭt pêng sơnăm; sư pơgơ̆r pêng khei lăm Pơlei Jêrusalem. Mĕ sư anăn Hamuta, kon drŏ-kăn Jêrêmi oei tơ pơlei Lipna.

II Pot 23:34

Na Pharaôn Nêkô pôk Êliakim kon drŏ-nglo Jôsia, pơm pơtao tơplih Jôsia 'bă sư. Păng tơplih Êliakim anăn sư jing Jêhôiakim. Na Jêhôahas pơtao Pharaôn Nekô rôp ba sư tơ Êyiptơ păng sư lôch tơ noh.

II Pot 24:17

Na pơtao Babilôn pôk ăn kơ Mathania tŏk pơm pơtao tơplih Jêhôiachin. Mathania noh sư ma Jêhôiachin, tơplih ăn kơ sư anăn plơ̆ng krao Sêđekia dơ̆ng.

I Ho 3:14

kon drŏ-nglo Manase noh Ammôn, kon drŏ-nglo Ammôn noh Jôsia.

I Ho 3:16

Kon drŏ-nglo Jêhôiakim noh: Jêkônia, păng Sêđekia.

II Ho 36:1

Kon pơlei tơring ei, pôk Jêhôahas, kon drŏ-nglo Jôsia pơm pơtao pơtrơp đơ̆ng 'bă sư tơ pơlei Jêrusalem.

II Ho 36:10

Truh lăm bơyan puih, pơtao Nebukatnessar wơh đe năm rôp chông ba sư tơ dêh char Babilôn, kư̆m iŏk dôm tơmam 'lơ̆ng gĭt đơ̆ng lăm Hnam Kră Yang, na pôk Sêdêkia ma sư pơm pơtao pơgơ̆r dêh char Juđa păng pơlei Jêrusalem.

Je 1:3

Kră Yang đei khan kơ sư dơ̆ng lăm chăl Jêhôiakim kon drŏ-nglo Jôsia pơm pơtao đe Juđa, dĭng truh tơ khei pơđăm sơnăm mơjĭt-mônh chăl pơtao Sêđekia kon drŏ-nglo Jôsia pơm pơtao đe Juđa, kơplah noh mă đe rôp kon pơlei Jêrusalem pơm bơnă.

Je 22:11

Yua kơ Kră Yang khan thoi âu gah Salum pơtao đe Juđa kon drŏ-nglo Jôsia, pơgơ̆r tơplih 'bă sư Jôsia păng kư̆m weh boih đơ̆ng anih âu: “Sư ưh pă đei chuêt brŏk tơ âu dơ̆ng.

Je 22:18

Thoi noh, 'nâu Kră Yang khan gah Jêhôiakim, kon drŏ-nglo Jôsia pơtao đe Juđa: Ưh kơ đei bu nhơ̆m hmoi kơ sư khan: Hô̆ lah 'nhŏng inh! Hô̆ lah mŏ inh! Ưh kơ đei bu nhơ̆m hmoi kơ sư khan: Hô̆ lah yŏng inh kah, hô̆ lah pơtao 'lơ̆ng rŏ inh kah!

Je 24:8

Kră Yang khan: Bĕ lu plei hơra kơnê̆ dêh noh mah pă gơh sa, kư̆m thoi noh mơ̆n Inh gô pơm kơ Sêđekia pơtao đe Juđa, lu yŏng pơgơ̆r, lu bơngai oei arih đơ̆ng lăm pơlei Jêrusalem mă oei oei lăm char 'nâu, dah oei lăm char Êyiptơ.

Je 26:1

Kơplah Jêhôiakim, kon drŏ-nglo Jôsia, pơtao đe Juđa, pơtơm pơgơ̆r, Kră Yang khan kơ Jêrêmi nơ̆r 'nâu.

Je 37:1

Sêđekia kon drŏ-nglo Jôsia, pơgơ̆r tơplih Jêhôiachin, kon drŏ-nglo Jêhôiakim, yua kơ đơ̆ng Nebukatnessar pơtao Babilôn pôk sư pơm pơtao đe Juđa.