I Ho 3:11 - Sơ̆p Hlabơar Nơ̆r 'Bok Kei-Dei

¹¹ kon drŏ-nglo Jêhôsaphat noh Jêhôram, kon drŏ-nglo Jêhôram noh Ahasia, kon drŏ-nglo Ahasia noh Jôas;

I Ho 3:11 ပူးပေါင်းရင်းမြစ်များ

I Pot 22:50

Kơplah noh Ahasia kon drŏ-nglo Ahap khan kơ Jêhôsaphat: “Apinh ih song đĭch đam inh tŏk duk năm hơdai hăm đĭch đam ih,” mă-lei Jêhôsaphat ưh kơ ăn.

I Pot 22:51

Jêhôsaphat lôch năm oei hơdai hăm lu 'bok kơdră sư, đe 'bŭ sư hơdai hăm lu 'bok kơdră sư tơ pơlei Đawit 'bok sư, Jêhôram kon drŏ-nglo sư pơgơ̆r pơtrơp đơ̆ng sư.

II Pot 11:2

Mă-lei Jêhôseba kon drŏ-kăn pơtao Jêhôram, sư noh mŏ Ahasia, rôp tơtông Jôas, kon drŏ-nglo Ahasia đơ̆ng lăm lu kon tơdăm pơtao mă yă Athalia wă pơlôch, đơ̆ng noh ôn lê̆ sư lăm anih tep, oei hăm yă mă rong sư păng ôn lê̆ sư wă kơ Athalia chă ưh kơ 'bôh; yua kơ thoi noh na đe huay kơ đei pơlôch sư.

II Pot 11:21

Jôas, sư 'nao tơpơh sơnăm kơplah sư tŏk pơm pơtao.

II Pot 12:1

Sơnăm mă tơpơh, chăl Jêhu pơgơ̆r, Jôas tŏk pơm pơtao păng pơgơ̆r puăn-jĭt sơnăm lăm Pơlei Jêrusalem. Mĕ sư yă Sibia, Pơlei Bêrsêba.

II Pot 8:16

Lăm sơnăm mă pơđăm, chăl Jôram, kon drŏ-nglo Ahap, pơgơ̆r dêh Isơrael, na Jêhôram kon drŏ-nglo Jêhôsaphat pơgơ̆r dêh Juđa.

II Pot 8:24

Jêhôram lôch, brŏk pơdơh tơ yă 'bok sư, đe 'bŭ hơdai hăm yă 'bok sư tơ Pơlei Đawit. Đơ̆ng noh, Ahasia kon drŏ-nglo sư pơtrơp đêl anih sư.

II Pot 8:25

Lăm sơnăm mă mơjĭt-'bar, chăl Jôram kon drŏ-nglo Ahap pơtao đe Isơrael pơgơ̆r, na Ahasia kon drŏ-nglo Jêhôram pơtao đe Juđa tŏk pơm pơtao.

I Ho 3:10

Kon drŏ-nglo Sôlômôn noh Rêhôbôam; kon drŏ-nglo Rêhôbôam noh Abija, kon drŏ-nglo Abija noh Asa, kon drŏ-nglo Asa noh Jêhôsaphat,

I Ho 3:12

kon drŏ-nglo Jôas noh Amasia, kon drŏ-nglo Amasia noh Asaria,

II Ho 21:1

Jêhôsaphat lôch năm oei hơdai hăm lu 'bok sư, đe 'bŭ sư hơdai hăm lu 'bok sư lăm Pơlei Đawit; Jêhôram kon drŏ-nglo sư iung pơgơ̆r pơtrơp sư.

II Ho 21:17

Lu sư wang blah iŏk char Juđa, blah iŏk đĭ hloi mŭk tơmam lăm hnam pơtao, rôp ba pơm bơnă đĭ lu kon drŏ-nglo lu akăn sư, oei lê̆ pă minh 'nu kon hơdruch sư Ahasia.

II Ho 22:6

Na sư wih brŏk tơ pơlei Jesreel, wă ming rơka sư đơ̆ng tơblah 'bơ̆t pơlei Rama, tơblah hăm Hasael, pơtao Siri, Ahasia kon drŏ-nglo Jêhôram pơtao Juđa jur tơ Jêsreel wă năm lăng Jôram kon drŏ-nglo Ahap.

II Ho 24:1

Jôas 'nao tơpơh sơnăm năr sư pơm pơtao; sư pơgơ̆r puăn-jĭt sơnăm lăm pơlei tih Jêrusalem; mĕ sư anăn Sibia đơ̆ng pơlei Bêrsêba,