I Ho 29:3 - Sơ̆p Hlabơar Nơ̆r 'Bok Kei-Dei

³ Yua kơ đei jơhngơ̆m 'mêm kơ hnam Kră Yang 'Bok Kei-Dei bơ̆n, na 'nguaih kơ dôm tơmam inh ăn wă pơm hnam 'lơ̆ng rơgoh, inh kư̆m pơyơ̆r ăn kơ pơm hnam Kră Yang 'Bok Kei-Dei inh lu tơmam maih hu đơ̆ng hnam tah tơmam inh kơdih.

I Ho 29:3 ပူးပေါင်းရင်းမြစ်များ

II Pot 12:4

Jôas khan kơ lu 'bok soi: “Dôm jên tơmam 'lơ̆ng rơgoh đe juăt kơ ba 'măn tơ Hnam Akŭm kơkuh kơ Kră Yang, mă jên thuê̆ đêl hơgăt kơ rim kơ̆l kon bơngai mă jên đơ̆ng rim 'nu đei pơyơ̆r lăm năr akŭm kiơ̆ kơ jơhngơ̆m hiôk,

I Ho 21:24

Pơtao Đawit tơl Ôrnan. “Ưh ôh inh ưh kơ wă ôh iŏk tơmam ih wă pơyơ̆r kơ Kră Yang inh gô ăn jên tôm, inh ưh kơ gơh ôh gô pơyơ̆r tơmam soi 'buh mă ưh kơ huach kiơ.”

I Ho 29:2

Inh đĭ jơhngơ̆m klơm klak hơmet tơmam wă pơm hnam Kră Yang 'Bok Kei-Dei bơ̆n, maih kơ tơmam kiơ pơm hăm maih, hu kơ tơmam kiơ pơm hăm hu, kong kơ tơmam kiơ pơm hăm kong, bơsei kơ tơmam kiơ pơm hăm bơsei 'long kơ tơmam păng 'long tơmo rang păng lu tơmo gĭt hăm tơmo kok jơk tôm tĕch đak gôh găm.

I Ho 29:4

Inh đei pơyơ̆r boih minh-hrĕng tân maih Ôphir păng 'bar-hrĕng puăn-jĭt tân hu rơgoh, wă lom klơ̆p kơ tơnăr hnam akŭm wă pơm.

Horiso 26:8

Ơ Kră Yang, inh 'mêm kơ hnam Ih oei păng anih ư-ang mă Ih oei.

Horiso 27:4

Inh đei apinh boih Kră Yang minh tơdrong, Tơdrong mă inh chơchă, Noh inh wă kơ đĭ chăl arih inh oei lăm hnam Kră Yang. Wă kơ lăng dôm tơdrong 'lơ̆ng tơpăt Kră Yang păng wă chă Sư tơ lăm Hnam Sư.

Horiso 84:1

Ơ Kră Yang 'Bok Kei-Dei Tih Hloh. Anih Ih oei trŏ kơ 'mêm dêh hloh:

Horiso 84:10

Minh năr lăm cham hnam akŭm Ih gĭt hloh kơ minh-rơbâu năr tơ anih nai. Lê̆ inh jing bơngai wei 'măng dur lăm hnam Ih, Hloh kơ oei lăm hnam lu bơngai pơm kơnê̆.

Le 25:2

Athei khan kơ bơngai Isơrael pơyơ̆r tơmam ăn kơ Inh; ih athei iŏk tơmam đơ̆ng bơngai bu đei jơhngơ̆m hiôk pơyơ̆r ăn kơ Inh noh.