I Ho 28:9 - Sơ̆p Hlabơar Nơ̆r 'Bok Kei-Dei

⁹ Bĕ ih, ơ! Sôlômôn, kon drŏ-nglo inh, athei băt kơ Sư Kră Yang 'Bok Kei-Dei inh 'bă ih, athei đĭ jơhngơ̆m đĭ bơhngol bơ̆jang kơ Kră Yang yua kơ Kră Yang băt hlôh 'bôh nhen lăm jơhngơ̆m klơm klak, păng băt dôm đon tơchĕng. Tơdah ih chă Kră Yang, kon gô tơ'bơ̆p; mă-lei tơdah ih achăng lê̆ Kră Yang, sĭt Kră Yang gô achăng lê̆ ih ling-lang.

I Ho 28:9 ပူးပေါင်းရင်းမြစ်များ

Bl 28:13

Na âu, 'bôh Kră Yang hơ-oei 'bơ̆t kơ̆l kung noh păng khan thoi âu: Inh boih Kră Yang Kră Yang 'Bok Kei-Dei Abraham, 'bok ih kư̆m Kră Yang 'Bok Kei-Dei Isăk 'bă ih. Inh gô ăn kơ ih păng adrĕch adrung ih teh đak mă ih oei 'bĭch âu.

Bl 6:5

Kră Yang 'bôh kon bơngai kơpal teh âu pơm kơnê̆ dêh păng jơhngơ̆m lu sư tơchĕng kơnê̆ ling-lang.

Bl 8:21

Kră Yang 'bâu phu păng tơchĕng khan: “Inh ưh pă hiap teh yua kơ kon bơngai dơ̆ng, yua kơ jơhngơ̆m kon bơngai yoch kơnê̆ tơpă đơ̆ng sơ̆, đơ̆ng oei 'lơ̆p.c Inh kư̆m ưh kơ wă pơrăm lu kon sem arih thoi Inh đei pơm.

I Pot 3:6

Sôlômôn tơl: “Ih đei tơ'bôh bơih tơdrong 'mêm mơnat tih kơ đĭch đam ih Đawit, 'bă inh, yua kơ sư đei đon lui păng jơhngơ̆m đon tơpăt 'bơ̆t anăp Ih: Ih oei tơ'bôh tơdrong 'mêm mơnat tih, na ăn kơ sư đei minh 'nu kon drŏ-nglo hơ-oei kơpal tang-dŏ pơtao sư truh năr 'nâu.

I Pot 8:39

apinh Ih đơ̆ng kơpal plĕnh ti, anih mă Ih oei Ih mơ̆ng păng mơnat ăn kơ yoch lu sư, tơgŭm rim 'nu kơ lu sư kiơ̆ kơ tơdrong jang sư pơm, yua kơ Ih băt jơhngơ̆m lu sư, lăp minh 'nu Ih đĕch băt lăm jơhngơ̆m kon bơngai.

I Pot 8:43

Apinh Ih đơ̆ng kơpal plĕnh anih Ih oei mơ̆ng păng tơl tơwih nơ̆r lu sư krao apinh, wă kơ đĭ-đăng bơngai jơ̆p teh đak, băt kơ anăn ih, hli yom kơ anăn Ih, lei-lăi thoi lu kon pơlei Isơrael wă kơ Ih tơbăt tơ'bôh ăn kơ lu bơngai krao apinh lăm hnam âu, đơ̆ng Inh pơm.

I Pot 8:61

Thoi noh lu iĕm athei iŏk jơhngơ̆m đon 'lơ̆ng, chu yom pơm kiơ̆ Kră Yang 'Bok Kei-Dei lu bơ̆n pơkă, tơdrong juăt sư păng nơ̆r sư tơtă kư̆m thoi lu iĕm oei pơm dang ei.”

II Pot 20:3

“Ơ Kră Yang! Apinh Ih 'blŏk kơ inh, đêl inh yak kiơ̆ Ih tơnăp tơpăt păng đĭ jơhngơ̆m pơm 'lơ̆ng 'bơ̆t anăp Ih.” Đơ̆ng noh Hesekia nhơ̆m hơdrĭ hơdrôi đĭ jơhngơ̆m.

II Pot 21:22

Sư achăng lê̆ Kră Yang 'Bok Kei-Dei lu yă 'bok sư, sư ưh kơ năm kiơ̆ trong Kră Yang ôh.

II Pot 22:2

Sư pơm 'lơ̆ng 'bơ̆t anăp Kră Yang, năm kiơ̆ tôm tơdrong Đawit, 'bok kơdră sư sơ̆, sư ưh kơ weh gah 'ma dah gah 'ngiĕo ôh.

I Ho 22:19

Dang ei đĭ jơhngơ̆m, đĭ bơhngol chơchă bĕ Kră Yang 'Bok Kei-Dei lu iĕm; iung bĕ păng pơm minh pôm anih 'lơ̆ng rơgoh kơ Kră Yang 'Bok Kei-Dei, lu iĕm tung ba bĕ Hom pơgơ̆p Kră Yang păng lu tơmam rơgoh 'lơ̆ng Kră Yang 'Bok Kei-Dei tơmơ̆t lăm hnam mă lu iĕm pơm boih hăm Anăn Kră Yang.”

I Ho 28:8

Na dang ei, 'bơ̆t anăp đĭ-đăng bơngai Isơrael kon pơlei Kră Yang păng đei Kră Yang 'Bok Kei-Dei lu bơ̆n mơ̆ng, lu iĕm wei răk bĕ dôm khôi juăt nơ̆r tơtă Kră Yang 'Bok Kei-Dei lu iĕm lei na lu iĕm gơh đei iŏk dêh char 'lơ̆ng rŏ 'nâu păng 'măn ăn kơ kon sâu đơ̆ng rŏng bơ̆jang sa ling-lang.

I Ho 29:9

Kon pơlei chơt hiôk gah tơdrong lu sư kơdih akâu đei pơyơ̆r, lu sư đĭ jơhngơ̆m pơyơ̆r kơ Kră Yang; păng pơtao Đawit kư̆m chơt hiôk dêh.

II Ho 12:5

Sêmaia 'bok khan lê̆ adrol năm tơ Rêhôbôam păng lu bơngai pơgơ̆r char Juđa oei akŭm lăm pơlei Jêrusalem wă kơdâu ôn hli kơ Sisăk păng khan: Kră Yang khan thoi âu: “Lu iĕm achăng lê̆ Inh, lei na Inh kư̆m achăng lê̆ lu iĕm lăm ti Sisăk,”

II Ho 15:2

Sư năm tơ'bơ̆p Asa păng khan: “Ơ Asa, păng đĭ bơngai Juđa hăm bơngai Bênjamin, mơ̆ng bĕ nơ̆r inh; lu iĕm oei hơdai hăm Kră Yang dang yơ, Kră Yang oei hơdai iĕm dang noh. Tơdah lu iĕm chă Sư lu iĕm gô tơ'bơ̆p, mă-lei tơdah lu iĕm achăng lê̆ Sư, na Sư kư̆m gô achăng lê̆ lu iĕm.

II Ho 6:30

apinh Kră Yang đơ̆ng kơpal plĕnh anih Ih oei, mơ̆ng, mơnat ăn păng pơdrâu tơwih kơ lu sư rim 'nu kiơ̆ thoi lu sư đei tơbral Ih băt nhen kơ jơhngơ̆m klơm klak lu sư; tơpă lăp minh 'nu Ih đĕch băt hơđăl kơ jơhngơ̆m klơm klak kon bơngai

Esơra 8:22

Mă-lei inh, mơlâu, ưh kơ pơ̆n apinh pơtao ăn minh grŭp linh păng linh hao seh, dŏng tơgŭm lu bơ̆n đơ̆ng ayăt kơplah lu bơ̆n năm rok trong; yua kơ lu bơ̆n đei khan kơ pơtao thoi âu: Ti Kră Yang 'Bok Kei-Dei lu nhôn wei-lăng tơgŭm lu bơngai băt krao chă Sư; mă-lei tơdrong mơsêh păng tơdrong hil mĭl Sư blah lu bơngai bu mă blah Sư.

Horiso 101:2

Inh gô kơchăng oei arih sa trŏ 'lơ̆ng. Dang yơ Ih wă truh tơ inh? Inh gô iŏk jơhngơ̆m tơpăt na oei sa lăm hnam inh.

Horiso 139:2

Ih băt 'bơ̆t inh hơ-oei, kơplah inh iung. Mă đơ̆ng ataih Ih băt đĭ tơdrong inh tơchĕng.

Horiso 17:3

Kră Yang lăng boih jơhngơ̆m inh, năm lăng inh kiơ̆ kơmăng;a Đei pơlong inh, mă-lei ưh kơ đei 'bôh kiơ; Inh đei pơkă 'bơ̆r inh ưh kơ pơm yoch.b

Horiso 18:2

Kră Yang thoi tơmo pĕng inh, jing kơđông inh, Kră Yang dŏng pơklaih inh; Kră Yang 'Bok Kei-Dei thoi tơmo pĕng inh, inh gô kơ'nơp tơ lăm Sư; khêl inh, hơke dŏng pơklaih inh păng anih kơjăp inh.

Horiso 7:10

Kră Yang 'Bok Kei-Dei jơ̆ khêl inh, Sư dŏng pơklaih lu bơngai đei jơhngơ̆m tơpăt.

Horiso 7:9

Ơ Kră Yang 'Bok Kei-Dei tơpăt! Ih boih Kră Yang lăng lăm jơhngơ̆m kon bơngai, Apinh Ih pơtôch lê̆ dôm tơdrong kơnê̆ lu bơngai kơnê̆ wă pơm. Mă-lei pơm bĕ kơ lu bơngai tơpăt mă kơjăp.

Horiso 89:26

Sư gô krao Inh: Ih boih 'Bă Inh. Kră Yang 'Bok Kei-Dei inh păng Tơmo Tih tơdrong dŏng pơklaih inh.

Horiso 89:38

Mă-lei Ih sơngah păng achăng lê̆ sư. Ih hil mĭl bơngai mă Ih đei hling đak rơmă.

Horiso 9:10

Bơngai bu băt anăn Ih gô gơnang kơ Ih; Yua kơ Ih ưh kơ achăng lê̆ ôh, bơngai bu chơchă Ih.

Le 15:2

Kră Yang bơih jơhngơ̆m pran kơtang inh păng tơdrong hơri inh: Sư bơih tơ'ngla pơklaih inh. Sư Kră Yang 'Bok Kei-Dei inh, inh wă hơri ư-ang kơ Sư; Sư jơ̆ Kră Yang 'Bok Kei-Dei kơ 'bok yă inh, na inh đĭ jơhngơ̆m gô kơkuh pơyom kơ sư.

Le 3:16

Ih năm akŭm pơpôi bĕ lu kră bơngai Isơrael, khan kơ lu sư: Kră Yang 'Bok Kei-Dei 'bok lu iĕm, Kră Yang 'Bok Kei-Dei Abraham, Kră Yang 'Bok Kei-Dei Isăk, Kră Yang 'Bok Kei-Dei Jakôp, tơ'bôh boih kơ inh păng khan: Tơpă Inh năm tơmang lu iĕm, 'bôh dôm tơdrong lu sư pơm kơ lu iĕm lăm dêh Êyiptơ;

Tơdrông Pơđơk 17:3

Gŏ pơtŏ rơ̆ hu, lu tơnuh ŭnh 'buh pơlong maih; Mă-lei đei Kră Yang pơlong lăng jơhngơ̆m.

Tơdrông Pơđơk 3:6

'Blŏk băt bĕ kơ Kră Yang lăm rim trong ih pơm, Na sư gô pơm kơ trong ih tơpăt.

Tơdrông Pơđơk 4:4

'Bă inh đei bơtho inh: Wei răk bĕ lăm jơhngơ̆m nơ̆r inh pơma. Chu kơ nơ̆r inh tơtă, na ih gơh arih.

Êsai 1:28

Mă-lei lu bơngai blơ̆ blĕch păng lu bơngai yoch lu sư gô lôch hiong lu đe bu mă achăng tŭk Kră Yang lu sư gô hiong răm.

Êsai 38:3

“Ơ Kră Yang apinh ih 'blŏk kơ inh, tơdrong inh arih tơnăp đĭ jơhngơ̆m kiơ̆ ih păng pơm 'lơ̆ng tơpăt 'bơ̆t anăp Ih” đơ̆ng noh pơtao Hesekia nhơ̆m ôr.

Êsai 45:19

Inh ưh kơ đei pơma hăm lu iĕm lăm tơdrong hlơp ôh păng kư̆m ưh kơ pơma đơ̆ng lăm char măng mu, Inh ưh tam đei pơma kơ adrĕch adrung Jakôp khan: ‘Lu iĕm chă Inh tơdrong ưh kơ đei Inh jơ̆ Kră Yang pơma tơpăt, roi tơdrong trŏ sĭt.’

Je 11:20

Ơ Kră Yang Tih Hloh, Tơ'ngla sek tơlang tơpăt, Tơ'ngla mă băt, lăm jơhngơ̆m păng lăm kơ̆l 'ngok tơchĕng, Ăn kơ inh 'bôh tơdrong Ih iung kơting kơ lu sư. Yua kơ inh jao boih tơdrong inh kơ Ih.

Je 17:10

Inh boih Kră Yang, Inh lăng 'bôh lăm jơhngơ̆m, pơlong lăng jơhngơ̆m đon tơchĕng, wă pơm tơwih kơ rim 'nu kiơ̆ thoi trong lu sư arih, kiơ̆ 'blep thoi đêl tơdrong lu sư pơm.

Je 20:12

Ơ Kră Yang Tih Hloh! Ih boih Tơ'ngla pơlong lăng lu bơngai tơpăt, lăng 'bôh đĭ lăm jơhngơ̆m klơm klak lăm kơ̆l 'ngok, Ăn bĕ kơ inh 'bôh tơdrong Ih wă pơm 'mong kơ lu sư, Yua kơ inh jao boih tơdrong inh kơ Ih.

Je 22:16

Sư sek tơdrong tơpăt kơ lu bơngai dơnuh hin hăm lu bơngai pơmat-tat, na sư đei tơdrong pŭn hiôk. Hăm trŏ sư pơm thoi noh wă khan sư băt kơ Inh? Noh Kră Yang khan:

Je 24:7

Inh gô ăn kơ lu sư đei jơhngơ̆m băt kơ Inh boih Kră Yang. Lu sư gô jing kon pơlei Inh, Inh boih Kră Yang 'Bok Kei-Dei lu sư, yua kơ lu sư gô đĭ jơhngơ̆m wih brŏk tơ Inh.’ ”

Je 29:13

Lu iĕm gô chă Inh păng gơh tơ'bơ̆p tơdah lu iĕm chă Inh hăm đĭ jơhngơ̆m.”

Je 29:14

Kră Yang khan: “Inh gô ăn kơ lu iĕm tơ'bơ̆p Inh păng Inh gô iŏk chông anhăk pơdrâu lu iĕm brŏk đơ̆ng pơm bơnă.” Kră Yang khan: “Inh gô akŭm pơđĭ lu iĕm đơ̆ng jơ̆p kơ dêh char, đơ̆ng rim pơlei pơla mă Inh đei puh lu iĕm tơ noh păng gô iŏk anhăk lu iĕm wih brŏk tơ teh đak mă đêl Inh puh iĕm đơ̆ng noh sơ̆.”

Je 31:34

Ưh pă đei pơhrăm băl boih lu rông 'bôt sư; păng lu 'nhŏng oh sư khan: Athei băt kơ Kră Yang! Yua kơ đĭ-đăng lu sư gô băt kơ Inh, bơngai pơm iĕ truh tơ bơngai pơm tih Kră Yang khan: “Inh ưh pă jô̆ yo kơ tơdrong lu sư pơm kơnê̆, păng kư̆m ưh pă 'blŏk kơ yoch glăi đêl lu sư pơm.”

Je 9:24

Mă-lei bơngai bu wă pơang, pơang bĕ kơ kơdih tơdrong 'nâu, pơang kơ tơdrong sư đei đon hơgei băt kơ Inh. Băt Inh boih Kră Yang, Tơ'ngla 'mêm mơnat ưh kơ tơplih, Tơ'ngla mă pơm tơdrong tơpăt, tơdrong trŏ lăm teh đak âu; na Inh hiôk lăm tơdrong noh,” noh Kră Yang khan.

Êsêkiên 11:5

Đei Yang Bơhngol Kră Yang jur tơ inh. Sư khan kơ inh; “'Nâu nơ̆r Kră Yang khan: 'Nâu tơdrong lu iĕm tơchĕng, ơ kon pơlei Isơrael, Inh băt tơdrong jơhngơ̆m đon lu iĕm tơchĕng.

Êsêkiên 38:10

Kră Yang khan: “Lăm năr noh ih đei tơchĕng ih wă chă đon pơm kơnê̆.

Hôsia 4:1

“Ơ lu kon sâu Isơrael, mơ̆ng bĕ nơ̆r Kră Yang khan yua kơ Kră Yang đei jô̆ hil boih kơ kon bơngai mă oei lăm teh đak âu. Ưh kơ đei bu tơpăt, ưh kơ đei bu băt 'mêm mơnat, păng ưh kơ đei bu băt hlôh kơ Kră Yang 'Bok Kei-Dei.

Hôsia 4:6

Kon pơlei Inh răm boih yua kơ lu sư ưh kơ hlôh wao. Yua kơ ih sơngah boih kơ tơdrong băt hlôh, Inh kư̆m lei-lăi gô sơngah kơ ih na ih ưh pă jing bơngai khan lê̆ adrol dơ̆ng. Yua kơ ih hiơt boih tơdrong juăt Inh Kră Yang 'Bok Kei-Dei ih, kư̆m lei-lăi thoi noh mơ̆n Inh kư̆m gô hiơt kơ kon sâu ih.

Yo 1:47

Lăp Yêsu 'bôh Nathanel năm tơ Sư, na Sư khan: “Ih boih bơngai Isơrael tơpă. Ih đei đon 'lơ̆ng tơpăt ưh kơ đei layơ hơlĕnh kơ đe.”

Yo 17:3

Lu sư đei tơdrong arih ling-lang yua kơ lu sư lui kơ Ih Kră Yang 'Bă Tơm kơpal plĕnh păng băt kơ Inh Yêsu Krist mă Ih wơh jur tơ ala teh âu.

Yo 2:25

yua kơ Sư băt rim 'nu lăm jơhngơ̆m kon bơngai lăm to sư thoi yơ. Na Sư huay kơ kăl kơ đe roi ăn kơ Sư bơngai âu thoi yơ, bơngai 'noh thoi yơ ôh.

Yo 21:17

Yêsu jet truh pêng 'măng khan: “Ơ Simôn, kon Yôhan, ih hăm 'mêm kơ Inh?” Thoi noh Pêtrôs jing sơ'ngon kơlih kơ Yêsu jet sư pêng 'măng boih, na Pêtrôs khan: “Ơ Kră Yang, Ih băt tôm tơdrong, tơdrong inh 'mêm kơ Ih, Ih băt mơ̆n.” Yêsu khan kơ sư: “Lei ih rong triu Inh.

Yo 4:24

'Bok Kei-Dei Sư Yang tơpă na lu bơngai mă kơkuh kơ Sư athei kơkuh mă tơpă hăm đĭ jơhngơ̆m đon sư.”

Yo 8:55

mă-lei iĕm ưh kơ băt kơ Sư ôh. Inh băt kơ Sư tơpă. Dah Inh khan Inh ưh kơ băt kơ Sư, lei Inh bơngai hơlĕnh thoi iĕm mơ̆n. Inh băt kơ Sư tơpă, na Inh băt kơ răk nơ̆r Sư.

Jang 1:24

Na lu sư krao khan kơ Kră Yang thoi âu: “Kră Yang, Ih băt đĭ lăm jơhngơ̆m đon kon bơngai. Apinh Ih tơ'bôh kơ nhôn bơngai ayơ Ih rơih boih wă pơm jơ̆ng 'bang Yêsu wă păl Juđa. Juđa tŭk tơdrong jang âu năm tơ anih sư trŏ dang noh boih.”

Jang 17:23

Hơtai inh brŏk năm chă lăng pơlei iĕm, inh 'bôh lu anih iĕm kơkuh kơ yang păng inh 'bôh minh anih iĕm chih thoi âu: ‘Anih âu bơ̆n kơkuh kơ yang bơ̆n ưh tam kơnăl.’ Yang iĕm kơkuh noh iĕm khan ưh tam kơnăl, mă yang noh boih inh bơtho kơ iĕm dang ei.

Jang 17:30

Sơ̆ Kră Yang 'Bok Kei-Dei huay kơ jô̆ kơ kon bơngai yua kơ kon bơngai ưh kơ băt kơ Sư. Mă-lei dang ei Sư athei đĭ-đăng bơngai jơ̆p kơ teh đak tơbral dôm tơdrong yoch sư kơdih,

I Kor 15:34

Iĕm athei tơbral tơdrong yoch na jing 'lơ̆ng 'nĕ pă pơm tơdrong yoch đơ̆ng âu tơ anăp. Lu iĕm mơ'nah ưh kơ hlôh wao tơdrong 'Bok Kei-Dei thoi yơ na iĕm mơlâu ưh?

II Kor 4:6

Kơplah 'Bok Kei-Dei pơjing plĕnh teh sơ̆ Sư khan kơ măng mu athei đei hơdah na đei hloi. Na Sư kư̆m pơchrang tơdrong hơdah Sư tơ jơhngơ̆m đon nhôn, tơ muh măt Yêsu Krist, wă tơbăt kơ nhôn Sư Kră Yang 'Bok Kei-Dei mơsêh tơpă.

II Kor 8:12

Mă tơ̆ng iĕm 'maih ra jên hơdai bôl ră, mă iĕm ưh kơ đei, noh huay ôh, 'Bok Kei-Dei kư̆m hiôk mơ̆n.

II Kor 9:7

Rim 'nu athei ăn kiơ̆ kơ đon sư 'maih kơdih, ăn athei ăn kiơ̆ kơ jơhngơ̆m mă hiôk, 'nĕ kơ ăn thoi đe pơgŏ, yua kơ 'Bok Kei-Dei 'mêm kơ lu bơngai mă ăn hiôk kơ jơhngơ̆m.

Both 10:12

Ơ bơngai Isơrael, dang ei Kră Yang 'Bok Kei-Dei iĕm tơtă athei pơm kiơ? Athei băt hli yom kơ Kră Yang 'Bok Kei-Dei iĕm, yak kiơ̆ đĭ trong Sư, 'mêm kơ Sư păng bơ̆jang kơ Kră Yang 'Bok Kei-Dei iĕm hăm đĭ jơhngơ̆m, đĭ bơhngol iĕm,

Both 31:21

Lăp lu sư đei tơdrong pơmat-tat anat anot tơdrong kơnê̆ truh kơ lu sư, tơdrong hơri 'nâu gô roi tơbăt tơ'blŏk kơ lu sư, yua kơ tơdrong hơri 'nâu ưh kơ hiơt ôh, gô oei ling-lang lăm 'bơ̆r lu kon sâu lu sư. Inh băt lăm kơ̆l đon lu sư tơchĕng wă pơm hơmet boih, adrol kơ Inh wă chông ba lu sư mơ̆t lăm dêh char mă Inh đei pơkă wă ăn.

Both 4:35

Đei tơ'bôh boih kơ lu iĕm dôm tơdrong noh, wă băt kơ Kră Yang 'noh boih Kră Yang 'Bok Kei-Dei, ưh kơ bu nai dơ̆ng.

Hêbrơ 12:28

Thoi noh na bĕ bơ̆n bơnê kơ Sư, yua kơ Sư wă ăn kơ bơ̆n oei tơ minh pôm teh đak mă ưh kơ gơh pơchah răm. Bơ̆n athei kơkuh kơ Sư kiơ̆ thoi Sư lăp đon. Bơ̆n athei băt hli chu kơ Sư mă tơpă, hli kơ bơ̆n pơm ưh kơ trŏ thoi Sư lăp đon,

Hêbrơ 4:13

Ưh kơ đei tơdrong kiơ mă hlơp kơ 'Bok Kei-Dei tơ'ngla mă sek tơlang bơ̆n, Sư 'bôh nhên tôm tơdrong kon bơngai pơm.

I Pet 5:2

Iĕm athei wei-lăng kơ lu bơngai mă 'Bok Kei-Dei pơjao kơ iĕm mă 'lơ̆ng, thoi tơ'ngla triu wei-lăng triu sư. Iĕm jang 'nĕ gô đe bơtho, gô đe khan, iĕm athei jang kơdih mă tơnăp kiơ̆ thoi 'Bok Kei-Dei lăp đon; 'nĕ kơ jang pơtrŏ wă kơ gơh sa jên đĕch ôh, athei tơgŭm lu sư mă tơpă.

Tơdrông Tơ'bôh 2:23

Păng lu bơngai mă pơm jơ̆ng 'bang sư mă lăng dang kon sư kơdih noh, Inh kư̆m pơlôch mơ̆n. Tơdrong noh wă tơbăt kơ đĭ-đăng lu bơngai lui wă lu bơngai lui băt kơ Inh sek tơlang lăm jơhngơ̆m đon lu sư tơpăt noh na inh gô apah lu sư kiơ̆ thoi lu sư đêl pơm.

I Sam 12:20

Samuel tơl kon pơlei: 'Nĕ kơ hli. Tơpă iĕm đei pơm dôm tơdrong yoch âu; mă-lei 'nĕ kơ achăng Kră Yang, athei đĭ jơhngơ̆m chu kiơ̆ kơ Kră Yang.

I Sam 16:7

Mă-lei Kră Yang khan kơ Samuel; 'Nĕ kơ lăng akâu rŏ hơbŏ tih bơngai noh, Inh ưh kơ iŏk sư. Inh ưh kơ lăng kiơ thoi kon bơngai lăng, kon bơngai lăng gah 'nguaih; mă-lei Kră Yang lăng 'bôh lăm jơhngơ̆m.