I Ho 28:6 - Sơ̆p Hlabơar Nơ̆r 'Bok Kei-Dei

⁶ Sư khan kơ Inh: Sôlômôn kon drŏ-nglo ih, gô pơm hnam păng cham Inh yua kơ Inh rơih iŏk boih sư pơm kon drŏ-nglo Inh, păng Inh gô pơm 'bă sư.

I Ho 28:6 ပူးပေါင်းရင်းမြစ်များ

I Pot 5:5

Thoi noh na inh wă pơm Hnam Akŭm ăn kơ anăn Kră Yang 'Bok Kei-Dei inh kiơ̆ thoi Kră Yang khan kơ 'bă inh Đawit sơ̆: Inh gô ăn kơ kon drŏ-nglo ih pơm pơtao pơtrơp đơ̆ng ih, sư gô pơm Hnam Akŭm kơ anăn Inh.

I Pot 8:20

“Dang ei Kră Yang, pơsĭt bơih kơ đêl nơ̆r Sư pơkă. Inh tơplih kơ 'bă inh wă pơgơ̆r hơ-oei kơpal tang-dŏ pơtao wei-lăng lu bơngai Isơrael. 'Blep thoi đơ̆ng nơ̆r Kră Yang pơkă, Inh pơm keh bơih Hnam akŭm kơ anăn Kră Yang, 'Bok Kei-Dei Isơrael.

II Ho 1:9

Ơ Kră Yang 'Bok Kei-Dei, apinh Ih pơsĭt bĕ nơ̆r Ih đei pơkă pơ'ngam hăm 'bă inh Đawit, gơh jing yua kơ Ih đei pôk inh pơm pơtao boih wă wei pơgơ̆r lu adrĕch adrung lơ kơdrâ̆m thoi 'mui teh âu.

Êsêkiên 40:14

Sư pơtŏ lu jrăng gah cheng đei tơdrâu-jĭt hơgăt. Puăn pah 'măng jang đei cham tăp dăr.

Hêbrơ 3:3

Mă-lei gah Yêsu đe ư-ang hloh kơ Môis, yua kơ Sư tơ'ngla mă pơjing hnam dơnŏ noh. Gah Môis sư minh 'nu bơngai lơ̆m hnam noh đĕch.

Hêbrơ 3:6

Mă Yêsu Krist Sư kư̆m jang trŏ thoi 'Bok Kei-Dei pơkă mơ̆n, mă Sư jang wei-lăng đĭ-đăng kơ hnam dơnŏ 'Bok Kei-Dei hloi, yua kơ Sư Kon 'Bok Kei-Dei. Lu bơ̆n, tơ̆ng bơ̆n oei lui kơjăp, bơ̆n kư̆m hnam dơnŏ Sư mơ̆n, dah bơ̆n oei gơnang kơ Sư tơgŭm bơ̆n khŏm khŏm.

Hêbrơ 4:5

Na 'Bok Kei-Dei khan lu bơngai noh ưh kơ layơ gơh mơ̆t pơdơh hăm Sư tơ dêh char Sư, bơ̆n băt kơ Sư pơdơh boih gô kon bơngai pơdơh hơdai hăm Sư.