I Ho 28:5 - Sơ̆p Hlabơar Nơ̆r 'Bok Kei-Dei

⁵ Lăm lu kon drŏ-nglo inh, tơpă Kră Yang ăn kơ inh đei lơ kon drŏ-nglo Sư rơih iŏk Sôlômôn, kon drŏ-nglo inh, pơm pơtao lăm dêh char pơtao Kră Yang pơgơ̆r wei-lăng Isơrael.

I Ho 28:5 ပူးပေါင်းရင်းမြစ်များ

I Pot 1:13

Ih năm hloi bĕ tơ pơtao Đawit păng khan kơ sư: Ơ pơtao, yŏng inh! Ih hăm pơkă pơkăm hăm đam drŏ-kăn ih khan: Sôlômôn kon drŏ-nglo inh, ih gô pơtrơp pơm pơtao tơplih inh, sư oei kơpal tang-dŏ pơtao dah kiơ? Liơ dang ei tă tơ Adonija pơm pơtao?

I Pot 1:20

Ơ pơtao yŏng inh, dang ei măt bơngai Isơrael oei lăng tơ ih ngăl wă răp gô ih roi ăn kơ lu sư băt bơngai bu wă hơ-oei kơpal tang-dŏ pơtao tơplih ih.

I Pot 1:30

Thoi inh đei pơkă pơkăm boih hăm ih hăm anăn Kră Yang 'Bok Kei-Dei Isơrael tơpă: Sôlômôn kon drŏ-nglo ih gô pơm pơtao pơgơ̆r pơtrơp inh, sư gô hơ-oei kơpal tang-dŏ tơplih inh, năr 'nâu boih inh gô pơm pơkeh tơdrong noh.”

I Pot 1:35

Iĕm năm kiơ̆ đơ̆ng rŏng sư tŏk truh tơ anih pơtao, sư gô hơ-oei kơpal tang-dŏ pơtao pơgơ̆r pơtrơp inh. Inh pơjao ăn kơ sư pơm pơtao lu bơngai Isơrael păng lu bơngai Juđa.”

I Pot 2:15

Sư pơma: “Ih băt boih dêh char pơtao 'nâu trŏ kơ inh pơgơ̆r ră păng đĭ-đăng bơngai Isơrael chang wă kơ 'bôh inh pơgơ̆r ngăl, mă-lei dang ei dêh char âu jing oh inh pơgơ̆r, yua kơ đơ̆ng Kră Yang ăn kơ sư.

I Pot 8:20

“Dang ei Kră Yang, pơsĭt bơih kơ đêl nơ̆r Sư pơkă. Inh tơplih kơ 'bă inh wă pơgơ̆r hơ-oei kơpal tang-dŏ pơtao wei-lăng lu bơngai Isơrael. 'Blep thoi đơ̆ng nơ̆r Kră Yang pơkă, Inh pơm keh bơih Hnam akŭm kơ anăn Kră Yang, 'Bok Kei-Dei Isơrael.

I Ho 17:14

Inh gô pơm kơ sư kơjăp lăm hnam Inh hăm lăm dêh char pơtao Inh ling-lang, tang-dŏ pơtao sư gô kơjăp ling-lang.”

I Ho 23:1

Đawit đĭ kră, sơnăm sư đĭ sot bơih, na sư pơchĕp ăn kơ kon drŏ-nglo sư Sôlômôn pơm pơtao Isơrael.

I Ho 29:1

Đawit khan kơ đĭ-đăng tơpôl akŭm: “Sôlômôn, kon drŏ-nglo inh mă Kră Yang 'Bok Kei-Dei đei rơih iŏk, oei hơ'lơ̆p, sư tam mă biơh băt tơdrong jang âu tih dêh, yua kơ pơm hnam ưh kơ trŏ pơm kơ bơngai ôh, mă-lei hnam 'noh pơm ăn kơ Kră Yang 'Bok Kei-Dei.

I Ho 29:23

Sôlômôn iung pơm pơtao Kră Yang pơtrơp kơ Đawit, 'bă Sư mơdrŏng tih; đĭ-đăng Isơrael chu kiơ̆ nơ̆r sư.

I Ho 29:28

Sư lôch, sơnăm sư đĭ kơjung, sư arih hrăp jơnap mơdrŏng tih păng đe pơyom. Sôlômôn, kon drŏ-nglo sư, pơtrơp sư pơm pơtao.

II Ho 9:8

Trŏ bơnê ư-ang tơpă kơ Kră Yang 'Bok Kei-Dei ih, Sư lăp đon kơ ih, ăn kơ ih pơm pơtao hơ-oei 'bơ̆t tang-dŏ pơtao Sư wă pơm pơtao ăn kơ Kră Yang 'Bok Kei-Dei ih! Yua kơ Kră Yang 'Bok Kei-Dei ih 'mêm kơ bơngai Isơrael, wă pơm ăn kơ lu sư kơjăp ling-lang, lei na ăn kơ ih pơm pơtao lu sư wă pơm tơdrong 'lơ̆ng păng tơdrong tơpăt.

Both 17:15

Iĕm gơh chă rơih bơngai pơm pơtao, mă-lei bơngai đơ̆ng Kră Yang gô rơih, athei rơih chă minh 'nu pơtao đơ̆ng lu 'nhŏng oh iĕm; 'nĕ kơ chă rơih bơngai tơmoi ưh kơ trŏ bơngai Isơrael pơm pơtao pơgơ̆r iĕm.