I Ho 28:10 - Sơ̆p Hlabơar Nơ̆r 'Bok Kei-Dei

¹⁰ Dang ei, lăng bĕ yua kơ Kră Yang rơih iŏk ih boih wă pơm tơiung minh pôm hnam 'măn anih 'lơ̆ng rơgoh. Nuih pran kơtang bĕ na pơm.”

I Ho 28:10 ပူးပေါင်းရင်းမြစ်များ

I Pot 1:20

Ơ pơtao yŏng inh, dang ei măt bơngai Isơrael oei lăng tơ ih ngăl wă răp gô ih roi ăn kơ lu sư băt bơngai bu wă hơ-oei kơpal tang-dŏ pơtao tơplih ih.

I Pot 2:2

“Inh wă jê̆ năm boih tơ trong mă đĭ-đăng kon bơngai ala teh âu gô năm, ih athei pran kơtang bĕ păng pơdah ih jing minh 'nu bơngai yŏng nuih.

I Ho 22:13

Thoi noh ih gô đei tơdrong kĕ jei, tơdah ih pơ'lơ̆ng wei răk pơm kiơ̆ tơdrong juăt păng nơ̆r tơtă Kră Yang athei Môis khan ăn kơ lu bơngai Isơrael. Pran kơjăp, păng nuih kơtang bĕ 'nĕ kơ hli, 'nĕ kơ tơrơ.

I Ho 28:20

Đawit khan kơ Sôlômôn kon drŏ-nglo sư: “Mă pran kơjăp jơhngơ̆m đon na bơ̆jang; 'nĕ kơ hli, 'nĕ kơ bơ̆l hăl, yua kơ Kră Yang 'Bok Kei-Dei 'bă oei hơdai hăm kon; Sư ưh kơ đei layơ achăng hŭt kon, dĭng truh tơ tơiung hnam Kră Yang keh đang.

I Ho 28:6

Sư khan kơ Inh: Sôlômôn kon drŏ-nglo ih, gô pơm hnam păng cham Inh yua kơ Inh rơih iŏk boih sư pơm kon drŏ-nglo Inh, păng Inh gô pơm 'bă sư.

Esơra 10:4

Ih athei iung bĕ, yua kơ tơdrong âu 'bơm hăm ih păng lu nhôn gô tơgŭm; ih athei đei jơhngơ̆m pơ̆n nuih na pơm tơdrong 'nâu.

I Tim 4:16

Ih athei kơchăng gah akâu ih kơdih păng gah tơdrong ih bơtho mơ̆n. Ih kư̆ kơ adrin pơm khŏm khŏm kiơ̆ thoi inh pơkă na ih gô klaih đơ̆ng tơdrong yoch păng lu bơngai mơ̆ng ih kư̆m klaih mơ̆n.