I Ho 28:1 - Sơ̆p Hlabơar Nơ̆r 'Bok Kei-Dei

¹ Đawit krao akŭm đĭ-đăng lu bơngai pơgơ̆r Isơrael, brŏk tơ pơlei Jêrusalem. Lu bơngai yŏng kơdră lăm adrĕch adrung, lu bơngai pơgơ̆r lăm khŭl mă bơ̆jang kơ pơtao, lu yŏng wei-lăng minh-rơbâu păng minh-hrĕng linh, lu bơngai wei-lăng mŭk tơmam lu sem dơrong pơtao hăm lu kon drŏ-nglo sư, hơdai hăm lu bơngai bơ̆jang lăm hnam pơtao păng đĭ-đăng lu bơngai gơh hơgei nuih pran kơtang.

I Ho 28:1 ပူးပေါင်းရင်းမြစ်များ

I Ho 22:17

Đawit khan pơkă kơ đĭ-đăng lu kră pơgơ̆r Isơrael athei tơgŭm kon drŏ-nglo sư Sôlômôn.

I Ho 23:2

Sư krao akŭm đĭ lu kră pơgơ̆r bơngai Isơrael, lu 'bok soi păng bơngai Lêwi.

I Ho 29:1

Đawit khan kơ đĭ-đăng tơpôl akŭm: “Sôlômôn, kon drŏ-nglo inh mă Kră Yang 'Bok Kei-Dei đei rơih iŏk, oei hơ'lơ̆p, sư tam mă biơh băt tơdrong jang âu tih dêh, yua kơ pơm hnam ưh kơ trŏ pơm kơ bơngai ôh, mă-lei hnam 'noh pơm ăn kơ Kră Yang 'Bok Kei-Dei.

I Ho 29:6

Thoi noh lu bơngai pơgơ̆r lăm adrĕch adrung, lu bơngai pơgơ̆r lăm adrĕch adrung Isơrael, lu yŏng pơgơ̆r minh-rơbâu linh păng minh-hrĕng linh, lu bơngai pơgơ̆r lăm tơdrong jang hnam pơtao lăp đon kơ pơyơ̆r.

II Ho 1:2

Sôlômôn pơma hăm đĭ-đăng bơngai Isơrael: Lu yŏng pơgơ̆r minh-rơbâu 'nu linh yŏng pơgơ̆r minh-hrĕng 'nu linh, lu 'bok sek tơlang păng lu yŏng kơdră lăm adrĕch bơngai Isơrael,

Jôsuê 23:2

Jôsuê krao akŭm đĭ-đăng lu kră pơlei Isơrael, lu kră pơgơ̆r, lu kră sek tơlang păng lu yŏng pơgơ̆r linh na khan: Inh đĭ kră boih, arih sot, sơnăm đĭ lơ.

Jôsuê 24:1

Jôsuê krao akŭm đĭ adrĕch adrung Isơrael tơ Sichem. Sư krao akŭm đĭ lu kră pơgơ̆r, lu kră sek tơlang păng lu yŏng pơgơ̆r linh; lu sư akŭm đĭ 'bơ̆t anăp Kră Yang 'Bok Kei-Dei.