I Ho 27:34 - Sơ̆p Hlabơar Nơ̆r 'Bok Kei-Dei

³⁴ Ahithôphel, Jêhôiada, kon drŏ-nglo Bênaia păng Abiathar pơtrơp đơ̆ng Ahithôphel. Jôap pơm yŏng tih hloh pơgơ̆r linh pơtao.

I Ho 27:34 ပူးပေါင်းရင်းမြစ်များ

II Sam 8:18

Bênaia kon tơdăm Jêhôiada pơm yŏng pơgơ̆r linh wei pơtao, lu kon pơlei Kêrêthit păng kon pơlei Pêlithit; gah lu kon drŏ-nglo Đawit tơgŭm sư chă đon.

I Pot 1:7

Sư pơđâu băl hăm Jôap kon drŏ-nglo Sêruia păng hăm 'bok soi Abiathar. Lu sư kiơ̆ Adonija păng tơgŭm sư.

I Ho 11:6

Đawit khan: “Bơngai bu blah kon pơlei Jêbus adrol, sư gô pơm yŏng pơm bơngai pơgơ̆r.” Na Jôap, kon drŏ-nglo Sêruia, năm tŏk blah adrol, na sư pơm yŏng pơgơ̆r.

I Ho 18:15

Jôap kon drŏ-nglo Sêruia yŏng kơ đĭ-đăng lu linh, păng Jêhôsaphat, kon drŏ-nglo Ahilut jing tơ'ngla chih răk dôm tơdrong truh.

I Ho 27:5

Yŏng pơgơ̆r khŭl linh mă pêng, lăm khei pêng, noh Bênaia, kon drŏ-nglo 'bok soi Jêhôiada; lăm khŭl sư đei 'bar-jĭt rơbâu 'nu bơngai.