I Ho 26:5 - Sơ̆p Hlabơar Nơ̆r 'Bok Kei-Dei

⁵ Ammiel mă tơdrâu, Isakar mă tơpơh păng Phêulêthai mă tơhngam yua kơ Kră Yang 'Bok Kei-Dei đei tuh tơdrong pŭn hiôk kơ Ôbêt Eđôm ăn đei kon lơ.

I Ho 26:5 ပူးပေါင်းရင်းမြစ်များ

II Sam 6:12

Đe năm roi ăn kơ pơtao Đawit: “Kră Yang đei tuh pŭn hiôk kơ hnam dơnŏ Ôbêt Eđôm păng dôm tơmam sư đei, yua kơ Hom pơgơ̆p Kră Yang 'Bok Kei-Dei.” Đawit hloi năm iŏk anhăk hloi Hom pơgơ̆p Kră Yang 'Bok Kei-Dei đơ̆ng hnam Ôbêt Eđôm ba tơ pơlei Đawit hăm tơdrong chơt hiôk dêh.

I Ho 13:14

Hom pơgơ̆p Kră Yang 'Bok Kei-Dei lăm hnam Ôbêt Eđôm pêng khei Kră Yang tuh tơdrong pŭn hiôk lăm hnam Ôbêt Eđôm păng dôm tơmam sư đei.

I Ho 26:4

Lu kon drŏ-nglo Ôbêt Eđôm: Sêmaia kon kơdră sư, Jêhôsabat kon mă 'bar, Jôa kon mă pêng, Sakar kon mă puăn, Nêthanel kon mă pơđăm.

I Ho 26:6

Sêmêia, kon drŏ-nglo Ôbêt Eđôm, kư̆m pơjing lu kon drŏ-nglo, đei wei-lăng adrĕch 'bă yua kơ lu sư tă kơ bơngai gơh hơgei ngăl.

Horiso 128:1

Pŭn dêh kơ bơngai bu mă hli yom kơ Kră Yang. Yak năm lăm trong sư!