I Ho 26:30 - Sơ̆p Hlabơar Nơ̆r 'Bok Kei-Dei

³⁰ Đơ̆ng lăm bơngai Hêbrôn đei Hasabia păng 'nhŏng oh sư, tă kơ bơngai nuih gơh hơgei ngăl, lu sư đei minh-rơbâu tơpơh-hrĕng 'nu; lu sư wei-lăng pơgơ̆r kon pơlei Isơrael gah bơmơ̆t kơ đak Krong Jôrđăn, wei-lăng tơdrong jang Kră Yang kư̆m bơ̆jang tơgŭm pơtao.

I Ho 26:30 ပူးပေါင်းရင်းမြစ်များ

I Ho 23:12

Kon sâu Kôhat kon drŏ-nglo Kôhat noh: Amram, Ishar, Hêbrôn, Usiet, đei puăn 'nu.

I Ho 23:19

Kon drŏ-nglo Hêbrôn noh: Jêria kon kơdră, Amaria kon mă 'bar, Jahasiêl mă pêng; păng Jêkamêam mă puăn.

I Ho 27:17

Hasabia kon drŏ-nglo Kêmuel bơngai wei-lăng adrĕch adrung Lêwi: Sađôk sư wei-lăng kon sâu Arôn;

II Ho 19:11

Pơtao pôk ăn Amaria 'bok soi tơm pơm yŏng sek tơlang kơ tơdrong pơm glăi hăm khôi juăt Kră Yang păng Sêbadia kon drŏ-nglo Ismael, pơm yŏng kơdră bơngai Juđa, Sư pơm yŏng sek tơlang tơdrong glăi hăm teh đak pơtao păng kư̆m iŏk lu bơngai Lêwi pơm 'bok sek tơlang tơgŭm.” Pơtao kư̆m đei pơkă dơ̆ng: “Lu iĕm athei mă nuih na bơ̆jang! Kră Yang oei hơdai hăm lu bơngai pơm 'lơ̆ng tơpăt.”

Jo 3:27

Adrĕch Amram, adrĕch Ishar adrĕch Hêbrôn păng adrĕch Usiêl, lu đe âu jing kon sâu adrĕch Kôhat.