I Ho 26:20 - Sơ̆p Hlabơar Nơ̆r 'Bok Kei-Dei

²⁰ Lăm lu bơngai Lêwi mơ'nah wei-lăng hnam 'măn tơmam, hnam Kră Yang 'Bok Kei-Dei păng anih tah lu tơmam rơgoh.

I Ho 26:20 ပူးပေါင်းရင်းမြစ်များ

I Pot 14:26

Pơtao noh blah iŏk đĭ tơmam yua đơ̆ng lăm hnam Kră Yang păng đơ̆ng lăm hnam pơtao. Sư kư̆m chĕp ba pơđĭ lu khêl mă Sôlômôn pơm păng maih 'noh.

I Pot 15:18

Kơplah noh, Asa iŏk đĭ hu, maih đơ̆ng lăm Hnam Kră Yang păng đơ̆ng hnam pơtao, pơjao ăn kơ đĭch đam sư păng wơh lu sư năm tơ Ben Hadat kon drŏ-nglo Tabrimmôn, sâu Hêsiôn, pơtao Siri, oei pơgơ̆r tơ pơlei Đamas păng khan:

I Pot 7:51

Đĭ-đăng dôm tơdrong jang pơtao Sôlômôn pơm Hnam akŭm Kră Yang pơm keh đĭ, đang kơ 'noh pơtao Sôlômôn wơh đe chĕp đĭ dôm tơmam 'bă sư Đawit pơyơ̆r sư 'măn lê̆ lăm hnam mong tơmam, lu hu, maih păng dôm tơmam yua nai dơ̆ng mơ̆n, tah lăm Hnam Kră Yang.

I Ho 18:11

Pơtao Đawit pơyơ̆r lu tơmam noh kơ Kră Yang hơdai hăm hu, maih mă sư đei blah iŏk đơ̆ng char Eđôm, char Môap char Ammôn, char Philistin, hăm char Amalek.

I Ho 26:19

'Noh lu bơngai gak 'măng jang, kon sâu Kôra păng kon sâu Mêrari.

I Ho 26:21

Kon sâu Lađan lăm bơngai Gersôn pơm yŏng kơdră lăm bơngai Gersôn noh Jehieli.

I Ho 26:22

Lu kon drŏ-nglo Jehieli noh Sêtham, păng Jôel oh sư đĭ-đăng lu sư jang wei-lăng hnam tah tơmam lăm hnam Kră Yang.

I Ho 26:24

Noh Subael, kon sâu Gersôm, kon drŏ-nglo Môis, pơm yŏng wei-lăng hnam tah tơmam gĭt.

II Ho 8:15

Nơ̆r pơtao đei tơtă kơ lu 'bok soi bơngai Lêwi gah tôm tơdrong jang mă khan tơ hnam mong mŭk tơmam athei jang mă 'lơ̆ng.

Esơra 2:69

Kiơ̆ kơ kĕ đei lu sư kơdih pơyơ̆r 'măn tơ lăm hnam mong tơmam wă pơm hnam akŭm đei tơdrâu-jĭt mônh rơbâu đariêka maih pơđăm-rơbâu minab hu păng minh-hrĕng blah hơbĕn ao 'bok soi.

Esơra 8:28

Na inh khan kơ lu sư thoi âu: Lu iĕm jơ̆ bơngai 'lơ̆ng rơgoh Kră Yang păng lu tơmam yua lăm hnam Kră Yang 'Bok Kei-Dei noh kư̆m 'lơ̆ng rơgoh mơ̆n. Hu păng maih âu jơ̆ tơmam soi pơyơ̆r lăp đon Kră Yang Kră Yang 'Bok Kei-Dei 'bok lu iĕm.

Ne 12:44

Lăm năr noh, đe rơih chă bơngai wei-lăng lu hnam mong tơmam pơyơ̆r plei blŭng-a lăm bơyan iŏk minh lăm mơjĭt, wă tah mong lăm noh, đei pơkă boih kiơ̆ kơ lu 'bok soi păng bơngai Lêwi, kư̆m đei pơkă kiơ̆ kơ đei chŭn mir tăp dăr kơ pơlei; yua kơ lu bơngai Juđa hiôk chơt yua kơ lu 'bok soi păng bơngai Lêwi oei bơ̆jang awih awăn.

Malachi 3:10

Lu iĕm athei pơyơ̆r iŏk minh lăm mơjĭt tah tơ lăm pơk Inh, wă kơ đei tơmam sa lăm hnam Inh; păng đơ̆ng năr âu lu iĕm athei pơlong lăng Inh, Kră Yang Tih Hloh khan, lăng Inh hăm pơih lu 'măng-'mŏk tơ kơpal plĕnh ti tuh ăn tơdrong pŭn hiôk kơ lu iĕm dĭng truh anih mong pă đei!

Jo 8:26

Mă-lei kư̆m oei tơgŭm lu 'nhŏng oh lu sư lăm Bơsŭn Anih Akŭm, wă jang wei-lăng dôm lu tơmam mă đei pơjao boih kơ lu sư bơngai Lêwi, mă-lei lu sư ưh pă đei bơ̆jang boih. Ăn kơ ih athei pơm kiơ̆ tơdrong juăt noh kơ bơngai Lêwi kơplah ih pơjao ăn kơ lu sư tơdrong jang.