I Ho 26:17 - Sơ̆p Hlabơar Nơ̆r 'Bok Kei-Dei

¹⁷ Rim năr 'măng jang Hơlĕch đei tơdrâu 'nu bơngai Lêwi gak 'măng jang gah yă-nơ̆m đei puăn 'nu bơngai Lêwi gak, 'măng jang Gơal đei puăn 'nu bơngai gak, păng hnam 'măn tơmam, rim 'măng đei 'bar 'nu bơngai.

I Ho 26:17 ပူးပေါင်းရင်းမြစ်များ

I Ho 26:16

Suppim păng Hôsa hlang lăng trŏ 'măng jang Bơmơ̆t, 'măng jang Salêket, 'bơ̆t trong suăn năm tơ 'bar tŏ anih gak.

I Ho 26:18

Tơ 'bar tŏ anih gah Bơmơ̆t đei puăn 'nu 'bơ̆t 'nguaih kơ trong păng đei 'bar 'nu bơngai 'bơ̆t lăm cham.

I Ho 9:24

Lu bơngai gak 'măng jang puăn pah, gah hơlĕch, gah bơmơ̆t, gơal păng gah yă-nơ̆m.

II Ho 31:14

Kôrê kon drŏ-nglo Imna, bơngai Lêwi bơngai wei 'Măng Jang Hơlĕch, sư yŏng wei-lăng tơmam đe pơyơ̆r kơ Kră Yang 'Bok Kei-Dei hăm jơhngơ̆m hiôk păng lu tơmam 'lơ̆ng rơgoh.

II Ho 8:14

Kiơ̆ thoi Đawit 'bă sư, tơtă, sư asong tơdrong jang ăn kơ lu 'bok soi kiơ̆ kơ tơdrong jang khŭl lu sư, jao kơ khŭl bơngai Lêwi hat hơri ư-ang păng bơ̆jang tơgŭm lu 'bok soi, jang kiơ̆ tơdrong jang rim năr; tơ rim kơ 'măng jang Sư kư̆m đei ăn kơ khŭl bơngai gak 'măng jang, yua kơ 'nâu nơ̆r Đawit tơtă, bơngai Kră Yang 'Bok Kei-Dei.

Ne 12:25

Matinia Bakbukia, Ôbađia, Mêsulam, Tamôn păng Akup, lu bơngai gak 'măng jang wei-lăng gah lu hnam mong tơmam.