I Ho 25:6 - Sơ̆p Hlabơar Nơ̆r 'Bok Kei-Dei

⁶ Đĭ-đăng lu bơngai noh tă kơ bơngai Jang ala kơ 'bă lu sư kơdih wei-lăng gah tơdrong hơri wă hơri lăm hnam Kră Yang, hăm chhar brŏ dung păng tĭng-nĭng bơ̆jang tơ lăm hnam Kră Yang 'Bok Kei-Dei. Asap, Jêđuthun păng Hêman kiơ̆ kơ pơtao athei.

I Ho 25:6 ပူးပေါင်းရင်းမြစ်များ

II Sam 6:5

Đawit hăm đĭ-đăng bơngai Isơrael hơri ư-ang 'bơ̆t anăp Kră Yang hăm dôm tơmam brŏ reh pơm păng 'long dơnơ̆ng, thoi brŏ tĭng-nĭng, hơgơ̆r iĕ chhar, huan lak.

I Pot 10:12

Pơtao yua 'long kơte pơm jrăng tơm Hnam Kră Yang păng hnam pơtao, păng lu brŏ dung, tĭng-nĭng ăn kơ lu bơngai hơri. Đơ̆ng năr noh truh dang ei ưh kơ đei bu chơ ba 'long kơte lơ dang noh.

I Ho 15:16

Đawit pơkă ăn kơ lu bơngai pơgơ̆r lăm lu bơngai Lêwi, athei rơih iŏk lăm 'nhŏng oh lu sư, lu bơngai hơri, reh brŏ dung, tĭng-nĭng, preh chhar hơri chơt hiôk.

I Ho 15:19

Lu bơngai hơri, Hêman, Asap păng Êthan, preh chhar kong.

I Ho 15:22

Kênania yŏng pơgơ̆r bơngai Lêwi, wei-lăng tơdrong hơri păng noh tơdrong jang sư, yua kơ sư gơh hơgei gah tơdrong noh.

I Ho 23:5

Na puăn-rơbâu 'nu bơngai jang gak wei-lăng 'măng jang; păng puăn-rơbâu 'nu bơngai hơri ư-ang kơ Kră Yang păng brŏ inh ăn kơ bơngai hơri bơnê ư-ang.

II Ho 20:28

Lu sư brŏk truh mơ̆t lăm pơlei Jêrusalem, năm truh tơ hnam akŭm tơm Kră Yang reh brŏ dung, tĭng-nĭng păng hlôm keng.

II Ho 23:13

Sư 'bôh pơtao dơ̆ng jê̆ jrăng 'bơ̆t trong wă mơ̆t; lu yŏng linh păng lu bơngai hlôm keng dơ̆ng jê̆ pơtao; đĭ-đăng kon pơlei oei lăm char chơt hiôk 'nă hal hlôm keng, kư̆m đei lu bơngai hơri pơtơm pôk pơư reh brŏ, na kơkuh bơnê ư-ang kơ pơtao. Athalia hơloh hek ao sư kơdih na ôr re khan: Blah blơ̆, blơ̆ boih.

II Ho 29:13

đơ̆ng adrĕch Êlisaphan đei: Simri păng Jêuel, đơ̆ng adrĕch Asap đei: Sachari păng Matania.

II Ho 29:25

Pơtao sư dan 'măn lê̆ lu bơngai Lêwi lăm Hnam Kră Yang chĕp chhar, brŏ dung, tĭng-nĭng kiơ̆ kơ Đawit, Gat 'bok 'bôh adrol, jang kơ pơtao păng Nathan 'bok khan lê̆ adrol, pơkă noh đơ̆ng Kră Yang ăn kơ lu 'bok khan lê̆ adrol tơbăt.

Ne 11:17

gah Matiana, kon drŏ-nglo Mika, sâu tơm Sapđi, sâu Asap, pơgơ̆r gah tơdrong jang hơri ư-ang lăm kơplah krao khan, hăm Bakbukia, bơngai mă 'bar lăm lu 'nhŏng oh sư păng Apđa kon drŏ-nglo Sumua, sâu tơm Galal, sâu Jêđuthun.

Ne 12:24

Lu kră kơdră lăm bơngai Lêwi: Đei Hasabia, Serêbia păng Jêsua kon drŏ-nglo Katmiel, hơdai hăm 'nhŏng oh lu sư dơ̆ng tơklă băl pơrĕng kiơ̆ khŭl, wă kơkuh bơnê pơm kiơ̆ thoi nơ̆r Đawit bơngai Kră Yang 'Bok Kei-Dei.

Ne 12:46

Yua kơ lăm chăl Đawit păng Asap sơ̆, đei minh 'nu kră pơgơ̆r wei-lăng lu bơngai hơri, đei 'bai hơri bơnê kơkuh ư-ang kơ Kră Yang 'Bok Kei-Dei.

Horiso 68:25

Lu bơngai hơri yak adrol lu brŏ reh kiơ̆ đơ̆ng rŏng. Tŏk-bŏk đei lu adruh teh hơgơ̆r.

Êphêsô 5:19

Păng bơ̆n athei hơri bơnê kơ Kră Yang hăm đĭ jơhngơ̆m, mă bơ̆n hơri tơdrong 'Bok Kei-Dei hơdai hăm bơngai tơpôl, mă bơ̆n hơri tơdrong lu bơngai kră sơ̆, mă bơ̆n hơri tơdrong lu bơngai dang ei, mă bơ̆n hơri kiơ̆ kơ đon bơ̆n tơchĕng kơdih.

Kôlôsê 3:16

Bơ̆n athei pơm kiơ̆ dôm nơ̆r Yêsu Krist ling-lang wă kơ bơ̆n bơtho dih băl hơgei 'blep trŏ thoi Sư wă. Mă tơdrong hơri kư̆m lei-lăi wă kơ bơtho dih băl tơdrong Sư, wă kơ bơ̆n hơri bơnê kơ 'Bok Kei-Dei, mă hơri tơdrong kră sơ̆, mă hơri tơdrong lu bơngai dang ei, mă hơri kiơ̆ kơ đon bơ̆n tơchĕng, mă tôm kơ tơdrong hơri nai wă kơ bơ̆n hơri bơnê kơ 'Bok Kei-Dei ngăl.