I Ho 24:6 - Sơ̆p Hlabơar Nơ̆r 'Bok Kei-Dei

⁶ Sêmaia bơngai chih hla bơar, kon drŏ-nglo Nethanel, sư lăm adrĕch adrung Lêwi, chih anăn lu sư tơmơ̆t lăm sơ̆p hla bơar 'bơ̆t anăp pơtao, lu yŏng pơgơ̆r noh 'bok soi Sađôk, Ahimelek, kon drŏ-nglo Abiathar, lu bơngai yŏng kơdră lăm adrĕch 'bă 'bok soi păng bơngai Lêwi; kư̆ rim adrĕch kon sâu Êlêasar hlang iŏk minh 'nu, đơ̆ng adrĕch kon sâu Ithamar kư̆m hlang iŏk minh 'nu.

I Ho 24:6 ပူးပေါင်းရင်းမြစ်များ

I Pot 4:3

Êlihôrep păng Ahija kon drŏ-nglo Sisa pơm yŏng lu bơngai chih hla bơar; Jêhôsaphat kon drŏ-nglo Ahilut, bơngai chih răk dôm tơdrong truh.

I Ho 18:16

Sadok kon drŏ-nglo Ahitup păng Ahimalek kon drŏ-nglo Abiathar pơm 'bok soi, Sausa jing kră tơm chih hla bơar.

I Ho 23:24

Noh lu kon sâu Lêwi kiơ̆ kơ adrĕch 'bă lu sư đe đei chih anăn lu yŏng kơdră păng rim 'nu kiơ̆ kơ adrĕch 'bă lu sư, bơngai drŏ-nglo iŏk đơ̆ng 'bar-jĭt sơnăm tơ kơpal, bơ̆jang lăm hnam Kră Yang.

I Ho 24:31

Lu sư kư̆m hlang iŏk thoi lĕ kơ 'nhŏng oh lu sư, kon sâu Arôn đei hlang lăng 'bơ̆t anăp pơtao Đawit Sađôk păng Ahimelek, hăm 'bơ̆t anăp lu yŏng kơdră adrĕch 'bă lu 'bok soi păng lu bơngai Lêwi: Lu yŏng kơdră adrĕch 'bă kư̆m athei hlang lăng lei-lăi thoi lu oh sư kơdih.

I Ho 24:7

Hlang mă mônh 'bơm trŏ kơ Jêhôiarip; hlang mă 'bar trŏ kơ Jêđaia.

II Ho 34:13

Lu bơngai 'nâu wei-lăng lu bơngai jang păng wei-lăng tôm tơdrong jang; lu mơ'nah bơngai Lêwi chih hla bơar, lu kai păng lu bơngai gak 'măng.

Esơra 7:6

Esơra âu sư wih brŏk đơ̆ng Babilôn. Sư jơ̆ minh 'nu bơngai bơtho hơgei hlôh kloh klĕch khôi juăt Môis, mă Kră Yang Kră Yang 'Bok Kei-Dei đe Isơrael đei chih roi. Yua kơ ti Kră Yang tơgŭm sư, thoi noh pơtao asong ăn dôm tơdrong sư apinh.

Ne 8:1

Kon pơlei pơgơ̆p akŭm băl jing thoi minh 'nu bơngai, tơ lăm pơlei tih 'bơ̆t anăp 'măng jang Đak lu sư pơma hăm Esơra thây bơtho, apinh sư chĕp sơ̆p hla bơar khôi juăt Môis mă đơ̆ng Kră Yang đei bơtho ăn kơ Isơrael.

Mathiơ 13:52

Yêsu khan: “Thoi noh na lu iĕm bơngai mă pơhrăm păng Inh, iĕm gô jing thây bơtho đe tơdrong 'Bok Kei-Dei pơgơ̆r kon bơngai, na iĕm bơtho đe tơdrong 'nao tơdrong so kư̆m thoi 'bok tơ'ngla hnam chă asong kơ đe tơmam 'nao păng tơmam so sư, gô mơ̆ng kơ sư wă.”

Mathiơ 8:19

Lăp lu sư wă yak đei minh 'nu thây bơtho tơdrong juăt đe Juđê apinh Sư: “Ơ 'Bok Thây, mă Ih năm tơ yơ yơ, inh wă kiơ̆ Ih ngăl.”

Markôs 2:26

Lu sư mơ̆t lăm hnam akŭm 'Bok Kei-Dei tơm, Abiatha oei pơm 'bok soi tơm sơ̆. Đawit sư ưh kơ pơm 'bok soi ôh, mă-lei sư kư̆m gơh iŏk sa 'bĕng đe pơyơ̆r kơ 'Bok Kei-Dei mơ̆n. 'Bĕng đe pơyơ̆r kơ 'Bok Kei-Dei pôm lu 'bok soi đĕch gơh sa; mă-lei 'bok Đawit sư iŏk asong kơ lu bôl sư sa mơ̆n.”