I Ho 23:4 - Sơ̆p Hlabơar Nơ̆r 'Bok Kei-Dei

⁴ Đawit khan. “Lăm lu bơngai noh, đei 'bar-jĭt puăn-rơbâu 'nu bơngai wei-lăng tơdrong jang lăm hnam Kră Yang; tơdrâu 'nu bơngai pơm bơngai wei-lăng păng pơm kră sek tơlang.

I Ho 23:4 ပူးပေါင်းရင်းမြစ်များ

I Ho 6:48

Lu 'nhŏng oh sư nai bơngai Lêwi, bơ̆jang tơdrong jang lăm anih akŭm Kră Yang 'Bok Kei-Dei.

II Ho 19:8

Lăm pơlei tih Jêrusalem Jêhôsaphat kư̆m chă rơih iŏk đơ̆ng lăm lu bơngai Lêwi, lu 'bok soi păng yŏng kơdră Isơrael wă kơ sek tơlang lu tơdrong pơjah pơjăng băl kiơ̆ tơdrong juăt Kră Yang. Lu sư oei bơ̆jang lăm pơlei tih Jêrusalem.

II Ho 23:18

Jêhôiada jao kơ lu 'bok soi bơngai Lêwi wei-lăng hnam akŭm Kră Yang, wă pơyơ̆r tơmam soi 'buh kơ Kră Yang, rok thoi lăm sơ̆p hla bơar Khôi Juăt Môis đei chih boih, hơdai hăm hơri ư-ang chơt hiôk kiơ̆ kơ Đawit đei pơkă boih.

II Ho 34:13

Lu bơngai 'nâu wei-lăng lu bơngai jang păng wei-lăng tôm tơdrong jang; lu mơ'nah bơngai Lêwi chih hla bơar, lu kai păng lu bơngai gak 'măng.

Ne 11:22

Yŏng pơgơ̆r bơngai Lêwi oei lăm pơlei Jêrusalem noh Usi, kon drŏ-nglo Bani, sâu tơm Hasabia, sâu i Mattania sâu ach Mika adrĕch adrung Asap, khŭl bơngai hơri lu sư tă kơ oei tơ lăm Ôphel, noh kră wei-lăng tơdrong jang lăm hnam akŭm 'Bok Kei-Dei.

Ne 11:9

Jôel kon drŏ-nglo Sikri, pơm kră pơgơ̆r lu sư păng Juđa kon drŏ-nglo Hasenua, pơm kră kơiĕng wei-lăng pơlei.

Êsêkiên 44:24

Tơdah đei tơdrong kiơ truh tơhil pơma băl lu sư gô sek tơlang kiơ̆ thoi Inh tơtă. Lu sư gô wei răk khôi juăt păng lu tơdrong juăt lăm tôm tơdrong kơ̆m giĕng Inh păng wei năr Sa'bat jing năr 'lơ̆ng rơgoh.

Malachi 2:7

Yua kơ hơkŭng 'bơ̆r 'bok soi athei wei tơdrong hlôh wao, lu đe chă tơdrong juăt đơ̆ng lăm 'bơ̆r lu sư, yua kơ lu sư jơ̆ bơngai đơ̆ng Kră Yang Tih Hloh.

Jang 20:28

Na iĕm athei kơchăng akâu kơdih hăm wei-lăng đĭ-đăng lu bơngai lui. Yang Bơhngol 'Lơ̆ng ăn kơ iĕm wei-lăng bơngai lui kư̆m thoi lĕ bơngai wei-lăng triu sư. Lu bơngai lui, sư kon 'Bok Kei-Dei, yua Kon pôm Sư Yêsu lôch tuh pham tang kon bơngai yoch.

Both 16:18

Athei pôk ăn lu 'bok sek tơlang păng yŏng pơgơ̆r lăm lu adrĕch tơ lăm lu pơlei mă Kră Yang 'Bok Kei-Dei ăn kơ iĕm; wă gô sek tơlang kon pơlei hăm tơdrong tơpăt.