I Ho 23:32 - Sơ̆p Hlabơar Nơ̆r 'Bok Kei-Dei

³² Thoi noh bơngai Lêwi lu sư kư̆m hiơ̆k wei-lăng bơsŭn anih akŭm păng anih rơgoh, pơm kiơ̆ kơ kon sâu Arôn, 'nhŏng oh lu sư, wă bơ̆jang lăm hnam Kră Yang.

I Ho 23:32 ပူးပေါင်းရင်းမြစ်များ

I Pot 8:4

Lu sư tung ba hloi hnam khăn anih akŭm. Hom Pơgơ̆p chĕp ba dôm tơmam rơgoh năm hloi tơ anih noh; lu 'bok soi păng bơngai Lêwi tung hom pơgơ̆p 'noh.

I Ho 9:27

Tơ kơmăng lu sư wei gak jum dăr anih akŭm Kră Yang 'Bok Kei-Dei; rim pơgê hrôih lu sư pơih 'măng jang.

Êsêkiên 44:14

Mă-lei Inh gô pơjao kơ lu sư bơ̆jang awih awăn lăm anih hnam akŭm, đĭ-đăng lu tơdrong jang wă kơ bơ̆jang keh păng dôm tơdrong jang athei pơm tơ lăm noh.

Jo 1:53

Mă-lei lu adrĕch Lêwi gô oei tăp dăr kơ Bơsŭn Anih Akŭm Pơgơ̆p Sĭt, wă kơ huay tơhil pơjăng pơjah hăm lu adrĕch bơngai Isơrael; adrĕch Lêwi lu sư gô wei-lăng bơ̆jang lăm Bơsŭn Anih Akŭm Pơgơ̆p Sĭt.

Jo 18:5

lu iĕm athei wei-lăng tôm tơdrong lăm bơsŭn 'lơ̆ng rơgoh păng chơnang soi, wă kơ huay pă đei tơdrong Kră Yang hil kơ bơngai Isơrael.

Jo 3:38

Môis, Arôn păng lu kon drŏ-nglo sư, đei pơdơ̆ng anih bơsŭn lu sư oei, tơ anăp gah hơlĕch kơ Bơsŭn Anih Akŭm, lu sư bơ̆jang lăm anih rơgoh tơplih kơ kon pơlei Isơrael. Lu bơngai nai năm jê̆ anih 'nâu đe gô pơlôch.

Jo 8:26

Mă-lei kư̆m oei tơgŭm lu 'nhŏng oh lu sư lăm Bơsŭn Anih Akŭm, wă jang wei-lăng dôm lu tơmam mă đei pơjao boih kơ lu sư bơngai Lêwi, mă-lei lu sư ưh pă đei bơ̆jang boih. Ăn kơ ih athei pơm kiơ̆ tơdrong juăt noh kơ bơngai Lêwi kơplah ih pơjao ăn kơ lu sư tơdrong jang.

Both 18:7

bơngai noh gơh bơ̆jang yua anăn Kră Yang 'Bok Kei-Dei sư, thoi đĭ-đăng lu 'nhŏng oh sư, bơngai Lêwi, oei bơ̆jang 'bơ̆t anăp Kră Yang.