I Ho 23:13 - Sơ̆p Hlabơar Nơ̆r 'Bok Kei-Dei

¹³ Kon drŏ-nglo Amram noh: Arôn păng Môis; Arôn păng kon sâu sư klah asong băl, wă pơyơ̆r lu tơmam soi 'lơ̆ng rơgoh păng ling-lang pơyơ̆r tơmam soi ăn kơ Kră Yang, bơ̆jang 'bơ̆t anăp Kră Yang hăm yua anăn Kră Yang sơkat ăn pŭn hiôk kơ kon pơlei pơla ling-lang.

I Ho 23:13 ပူးပေါင်းရင်းမြစ်များ

I Ho 23:12

Kon sâu Kôhat kon drŏ-nglo Kôhat noh: Amram, Ishar, Hêbrôn, Usiet, đei puăn 'nu.

I Ho 6:3

Kon drŏ-nglo Amram noh: Arôn, Môis păng Miriam. Kon drŏ-nglo Arôn: Nađap, Abihu, Êlêasar păng Ithamar.

I Ho 6:34

Samuel kon drŏ-nglo Êlkana, Êlkana kon drŏ-nglo Jêrôham, Jêrôham kon drŏ-nglo Êliel, Êliel kon drŏ-nglo Tôa,

Horiso 106:16

Lu sư hil areh kơ Môis. 'Bơ̆t anih lu sư pơdơh. Păng Arôn, bơngai mă 'lơ̆ng rơgoh Kră Yang.

Horiso 99:6

Lăm lu 'bok soi Sư, đei Môis păng Arôn; Lăm lu bơngai krao apinh hăm anăn Sư đei Samuel; Lu sư krao apinh Kră Yang păng Sư đei tơl tơwih.

Le 28:36

Ih athei pơm minh tŏ plăk maih rơgoh, ih athei chrek nhen thoi đe chrek pơm tơmam tơdra kơtĭt: Pơyơ̆r kơ Kră Yang.

Le 29:44

Inh gô pơm ăn kơ Bơsŭn Anih Akŭm hăm chơnang soi jing rơgoh; hăm ih kư̆m gô pơm kơ Arôn hăm lu kon drŏ-nglo sư jing rơgoh mơ̆n, wă kơ lu sư bơ̆jang pơm 'bok soi kơ Inh.

Le 6:20

Na, Amram iŏk akăn anăn Jôkêbêt, duch sư kơdih, pơm akăn; duch ei tơpŭ kơ sư Arôn păng Môis. Amram arih sot đei minh-hrĕng pêng-jĭt tơpơh sơnăm.

Lêwi 10:10

Wă kơ iĕm gơh kơnăl tơdrong 'lơ̆ng hăm tơdrong kơnê̆, tơdrong rơgoh păng tơdrong ưh kơ rơgoh.

Jo 18:1

Kră Yang khan kơ Arôn: Ih, lu kon drŏ-nglo ih păng adrĕch adrung ih kư̆m gô pŭ iŏk lu tơdrong yoch lăm anih rơgoh; gah ih lu kon drŏ-nglo ih gô pŭ tơdrong yoch lăm tơdrong jang 'bok soi.

Jo 26:59

Akăn Amram anăn Jôkêbêt kon drŏ-kăn Lêwi tơpŭ tơ lăm dêh char Êyiptơ; sư tơpŭ ăn kơ Aram, Arôn, Môis păng mŏ kơ bre sư anăn Miriam.

Jo 3:27

Adrĕch Amram, adrĕch Ishar adrĕch Hêbrôn păng adrĕch Usiêl, lu đe âu jing kon sâu adrĕch Kôhat.

Luka 1:9

Na lu 'bok soi juăt kơ pơpơn dih băl wă kơ băt bu gơh mơ̆t lăm hnam 'Bok Kei-Dei tơm noh soh 'long pơgang 'bâu phu yua wă kơkuh kơ 'Bok Kei-Dei. Na năr ei đe pơpơn dih băl na trŏ kơ 'bok Sachari gơh mơ̆t soh.

Jang 13:2

Minh năr ei, lu sư ơ̆t kơ por, yua kơ sư wă krao khan kơ 'Bok Kei-Dei. Na Yang Bơhngol 'Lơ̆ng khan kơ lu sư: “Iĕm ăn kơ Inh bre 'Barna'ba păng Sôl wă kơ bre sư gơh jang kiơ̆ kơ Inh ăn kơ bre sư.”

Rom 1:1

Inh Pôl chih hơpong kơ iĕm bơngai Rôm. Inh bơngai đĭch đam Yêsu Krist. 'Bok Kei-Dei krao inh pơm jơ̆ng 'bang Sư, wă kơ inh năm chă bơtho kơ đe tơdrong 'nao 'lơ̆ng Sư.

Galati 1:15

Mă-lei 'Bok Kei-Dei 'mêm mơnat kơ inh. Sư rơih iŏk inh đơ̆ng inh tam mă tơpŭ sơ̆. Sư krao inh wă kơ inh jang tơdrong Sư.

Both 10:8

Kơplah noh, Kră Yang klah lê̆ adrĕch Lêwi pha, wă tung hom pơgơ̆p Kră Yang dơ̆ng 'bơ̆t anăp Kră Yang wă bơ̆jang pơm 'bok soi kơ Sư păng yua anăn Kră Yang sơkat pŭn hiôk ăn kơ kon pơlei. Truh tơ dang ei,

Both 21:5

Lu 'bok soi, kon drŏ-nglo bơngai Lêwi, gô năm jê̆ tơ noh; yua kơ Kră Yang 'Bok Kei-Dei iĕm rơih iŏk lu sư boih wă jang kơ Sư păng yua anăn Kră Yang sơkat ăn pŭn hiôk athei sek tơlang lu tơdrong pơjah pơjăng păng đei pơjĭ băl.

Hêbrơ 5:4

Tơdrong pơm 'bok soi tih, tơ̆ng 'Bok Kei-Dei ưh kơ rơih iŏk, kon bơngai ưh kơ đei bu gơh pơm kơdih ôh; đơ̆ng 'Bok Kei-Dei rơih iŏk na kon bơngai gơh pơm. Thoi 'bok Arôn sơ̆ 'Bok Kei-Dei rơih iŏk 'mơ̆i na sư gơh pơm 'bok soi tih.

Tơdrông Tơ'bôh 8:3

Đei minh 'nu linh jang nai dơ̆ng, sư dơ̆ng 'bơ̆t anăp chơnang soi, sư chĕp minh pôm kơlăm maih păng đe ăn kơ sư minh achô̆ ŭnh nhang wă soh kơplah đĭ-đăng bơngai lui oei krao khan, wă kơ 'bâu phu. Na sư pơyơ̆r ŭnh nhang noh kơ 'Bok Kei-Dei 'măn 'bơ̆t chơnang soi tơklă tang-dŏ 'Bok Kei-Dei.

I Sam 2:28

Inh đei rơih iŏk 'bok sư bơih 'bok ih đơ̆ng lăm adrĕch bơngai Isơrael ăn kơ sư pơm 'bok soi Inh, tŏk tơ chơnang soi Inh, soh pơgang 'bâu phu, hrŭk ao Êphôt 'bơ̆t anăp Inh; Inh kư̆m ăn bơih kơ adrĕch ih dôm tơmam soi 'buh đơ̆ng adrĕch lu bơngai Isơrael.