I Ho 22:7 - Sơ̆p Hlabơar Nơ̆r 'Bok Kei-Dei

⁷ Đawit khan kơ Sôlômôn: “Ơ dăm, jơhngơ̆m inh 'maih pơm hnam kơ Anăn Kră Yang 'Bok Kei-Dei inh.

I Ho 22:7 ပူးပေါင်းရင်းမြစ်များ

II Sam 7:1

Kơplah pơtao oei lăm hnam pơtao sư, păng Kră Yang ăn kơ sư pơdơh hiôk huay pă đei ayăt jum dăr kơ sư,

I Pot 8:29

Apinh măt Ih măng năr wei-lăng Hnam âu, anih mă Ih khan: Anăn Ih gô oei lăm hnam noh, wă kơ Ih mơ̆ng dôm nơ̆r lu đĭch đam Ih krao khan kơ anih 'nâu.

I Pot 9:3

Kră Yang khan kơ sư: “Inh kơtơ̆ng bơih dôm nơ̆r ih krao khan apinh 'bơ̆t anăp Inh. Inh 'măn lê̆ pha bơih Hnam 'nâu mă ih pơm wă kơ rơgoh, wă kơ anăn Inh oei lăm noh ling-lang; măt păng jơhngơ̆m Inh gô oei tơ noh ling-lang.

I Ho 22:19

Dang ei đĭ jơhngơ̆m, đĭ bơhngol chơchă bĕ Kră Yang 'Bok Kei-Dei lu iĕm; iung bĕ păng pơm minh pôm anih 'lơ̆ng rơgoh kơ Kră Yang 'Bok Kei-Dei, lu iĕm tung ba bĕ Hom pơgơ̆p Kră Yang păng lu tơmam rơgoh 'lơ̆ng Kră Yang 'Bok Kei-Dei tơmơ̆t lăm hnam mă lu iĕm pơm boih hăm Anăn Kră Yang.”

I Ho 29:3

Yua kơ đei jơhngơ̆m 'mêm kơ hnam Kră Yang 'Bok Kei-Dei bơ̆n, na 'nguaih kơ dôm tơmam inh ăn wă pơm hnam 'lơ̆ng rơgoh, inh kư̆m pơyơ̆r ăn kơ pơm hnam Kră Yang 'Bok Kei-Dei inh lu tơmam maih hu đơ̆ng hnam tah tơmam inh kơdih.

II Ho 2:4

Dang ei inh wă pơm hnam kơ Anăn Kră Yang 'Bok Kei-Dei inh, wă 'măn lê̆ Hnam noh kơ Sư, wă soh 'long 'bâu phu 'bơ̆t anăp Sư, dan 'bĕng rơgoh ling-lang, pơyơ̆r tơmam soi 'buh kiơ̆ pơgê păng gah kơsơ̆, păng lăm năr Sa'bat, năr Khei Tơ'bang blŭng-a Khei Tơ'bang, păng lăm lu năr giĕng Kră Yang 'Bok Kei-Dei nhôn; noh bơih minh tơdrong pơkă kơ lu bơngai Isơrael athei kiơ̆ ling-lang hloi.

Esơra 6:12

Apinh Kră Yang 'Bok Kei-Dei, Tơ'ngla mă pơm ăn kơ anăn Sư oei lăm hnam akŭm noh, pơrăm lê̆ pơtao ayơ, kon pơlei ayơ mă pơ̆n yơ̆r ti pơjah hăm nơ̆r đei tơjur âu wă pơrăm hnam akŭm Kră Yang 'Bok Kei-Dei tơ pơlei Jêrusalem. Inh Đarius đei chih tơjur nơ̆r tơtă âu. Athei pơm kiơ̆ nơ̆r âu mă pơ'lơ̆ng!

Horiso 132:5

Dĭng truh tơ inh mă chă đei anih ăn kơ Kră Yang. Minh anih oei ăn kơ Kră Yang mơsêh mơyang Jakôp!”

Both 12:11

Kơplah noh lu iĕm gô chĕp ba tơmam soi 'buh, tơmam iĕm soi pơyơ̆r iŏk minh lăm mơjĭt, tơmam soi pha, lu tơmam soi 'lơ̆ng hloh, mă lu iĕm drơ̆ng pơkă wă pơyơ̆r ăn kơ Kră Yang tơ anih mă Kră Yang 'Bok Kei-Dei iĕm gô rơih wă ăn Anăn Sư oei.

Both 12:21

Tơdah anih mă Kră Yang 'Bok Kei-Dei iĕm rơih boih wă dan Anăn Sư, ataih đơ̆ng iĕm oei, iĕm gơh 'bet sa rơmo dah triu lăm khŭl mă Kră Yang iĕm ăn kơ iĕm kư̆m thoi Inh pơkă kơ iĕm; iĕm gơh sa 'nhĕm mơ̆ng kơ wă sa lăm pơlei iĕm kơdih.

Both 12:5

Mă-lei lu iĕm athei chă anih ayơ lăm adrĕch Isơrael, mă Kră Yang 'Bok Kei-Dei lu iĕm gô rơih iŏk pơm anih oei păng 'măn Anăn Sư, lu iĕm akŭm kơkuh.