I Ho 22:6 - Sơ̆p Hlabơar Nơ̆r 'Bok Kei-Dei

⁶ Sư krao Sôlômôn kon drŏ-nglo sư păng pơkă kơ sư athei pơm hnam kơ Kră Yang 'Bok Kei-Dei Isơrael.

I Ho 22:6 ပူးပေါင်းရင်းမြစ်များ

Bl 12:20

Na Pharaôn khan pơkă kơ lu linh sư, ba klo kăn Abram hăm đĭ-đăng mŭk tơmam sư năm tơ nai.

II Sam 7:1

Kơplah pơtao oei lăm hnam pơtao sư, păng Kră Yang ăn kơ sư pơdơh hiôk huay pă đei ayăt jum dăr kơ sư,

I Pot 2:1

Năr Đawit lôch wă jê̆ truh boih, na sư tơtă kơ Sôlômôn kon drŏ-nglo sư:

I Ho 17:1

Lăp Đawit oei lăm hnam pơtao sư boih, Đawit khan kơ Nathan bơngai khan lê̆ adrol: “Âu inh oei lăm hnam pơtao pơm păng 'long hơngo, mă-lei Hom Pơgơ̆p Kră Yang tơ lăm bơsŭn.”

I Ho 28:2

Pơtao Đawit iung pơma khan: “Ơ lu 'nhŏng oh păng kon pơlei inh, mơ̆ng bĕ inh! Inh đei đon tơchĕng pơm minh pôm hnam Hom Pơgơ̆p Kră Yang, anih Kră Yang 'Bok Kei-Dei sư dan jơ̆ng, inh chă đon hơmet lê̆ tơmam tôm boih wă pơm.

Jo 27:23

Dan ti kơpal kơ̆l sư păng pơjao ăn, kiơ̆ thoi Kră Yang đei pơkă athei Môis pơm thoi noh.

Jang 1:2

tơm hmơm truh tơ năr 'Bok Kei-Dei atŏk Sư tơ plĕnh. Hơdrol kơ Sư wă tŏk tơ plĕnh, Yang Bơhngol 'Lơ̆ng ăn kơ Sư bơtho lu jơ̆ng 'bang mă đêl Sư rơih.

Both 31:14

Kră Yang khan kơ Môis: Năr ih lôch wă jê̆ boih; ih krao Jôsuê na măr iĕm năm 'bơ̆t anăp Inh tơ Bơsŭn Anih Akŭm. Tơ noh Inh wă pơjao ăn kơ Jôsuê jang. Thoi noh, Môis păng Jôsuê năm truh tơ Bơsŭn Anih Akŭm.

Both 31:23

Kră Yang pơjao ăn tơdrong jang kơ Jôsuê kon drŏ-nglo Nun, khan: Ih athei chơ̆n jơhngơ̆m nuih kơtang, yua kơ ih gô ba kon pơlei Isơrael mơ̆t lăm dêh char mă Inh pơkă boih wă ăn kơ lu sư; Inh gô oei hơdai ih.

I Tim 5:21

Kră Yang bơ̆n 'Bok Kei-Dei, Yŏng bơ̆n Yêsu Krist păng linh jang 'lơ̆ng Sư 'bôh bơ̆n ling-lang na ih athei kơchăng pơm kiơ̆ dôm tơdrong inh pơkă kơ ih 'noh. Inh wă kơ ih lăng đĭ-đăng bơngai lei-lăi đĕch, ih 'nĕ kơ lăng minh 'nu bơngai hloh kơ đe nai.

II Tim 4:1

Năr tôch kơnh Kră Yang Yêsu Krist gô jur tơ ala teh wă pơgơ̆r păng sek tơlang đĭ-đăng bơngai, mă bơngai lôch, mă bơngai arih. Kră Yang 'Bok Kei-Dei păng Kră Yang Yêsu Krist 'bôh bơ̆n ling-lang na ih athei kơchăng, athei bơtho tơdrong Sư ling-lang; mă đe mơ̆ng mă đe ưh, ih kư̆ bơtho đĕch. Ih athei khă đe 'nĕ pă pơm tơdrong yoch păng bơtho đe lui mă kơjăp, bơtho pơlung sư adar adeh.