I Ho 22:5 - Sơ̆p Hlabơar Nơ̆r 'Bok Kei-Dei

⁵ Đawit khan: Sôlômôn kon drŏ-nglo inh oei tơdăm tam mă gơh jang ôh, mă pơm hnam Kră Yang athei pơm 'lơ̆ng rŏ krưp tơpă, đei tơdrong ư-ang, tơ jơ̆p-jang char, na inh gô chă hơmet lê̆ adrol. Thoi noh. Đawit chă hơmet tôm tơmam adrol kơ sư lôch.

I Ho 22:5 ပူးပေါင်းရင်းမြစ်များ

I Pot 3:7

Dang ei ơ Kră Yang 'Bok Kei-Dei inh, Ih ăn bơih kơ inh đĭch đam Ih pơm pơtao pơtrơp đơ̆ng Đawit, 'bă inh; mă-lei inh bơngai oei 'lơ̆p, ưh kơ băt wă pơgơ̆r teh đak thoi yơ.

I Pot 9:8

Hnam akŭm 'nâu, jing rơ̆m rĕk, rim 'nu bơngai năm rok trong Hnam akŭm 'noh lăng hlĭch, păng apinh tơduă khan; Yua kơ kiơ Kră Yang pơm kơ dêh char 'nâu păng Hnam akŭm 'nâu thoi âu.”

I Ho 29:1

Đawit khan kơ đĭ-đăng tơpôl akŭm: “Sôlômôn, kon drŏ-nglo inh mă Kră Yang 'Bok Kei-Dei đei rơih iŏk, oei hơ'lơ̆p, sư tam mă biơh băt tơdrong jang âu tih dêh, yua kơ pơm hnam ưh kơ trŏ pơm kơ bơngai ôh, mă-lei hnam 'noh pơm ăn kơ Kră Yang 'Bok Kei-Dei.

II Ho 13:7

Lu bơngai kơnê̆ kư̆ kă năm kiơ̆ ih; tơblah hăm Rêhôbôam, kon drŏ-nglo Sôlômôn; Rêhôbôam; sư oei mơlôh, ưh kơ kĕ tơblah hăm ih.

II Ho 2:4

Dang ei inh wă pơm hnam kơ Anăn Kră Yang 'Bok Kei-Dei inh, wă 'măn lê̆ Hnam noh kơ Sư, wă soh 'long 'bâu phu 'bơ̆t anăp Sư, dan 'bĕng rơgoh ling-lang, pơyơ̆r tơmam soi 'buh kiơ̆ pơgê păng gah kơsơ̆, păng lăm năr Sa'bat, năr Khei Tơ'bang blŭng-a Khei Tơ'bang, păng lăm lu năr giĕng Kră Yang 'Bok Kei-Dei nhôn; noh bơih minh tơdrong pơkă kơ lu bơngai Isơrael athei kiơ̆ ling-lang hloi.

II Ho 2:5

Hnam mă inh wă pơm tih dêh tơpă. Yua kơ Kră Yang 'Bok Kei-Dei lu nhôn tih dêh hloh kơ lu yang nai.

II Ho 2:8

Kŭm athei gơih ăn kơ inh 'long hơngo, 'long hơngo hla iĕ, 'long kơte đơ̆ng char Liban, yua kơ inh băt lu bơngai jang kơ ih juăt kơ kăl 'long đơ̆ng char Liban, lu bơngai jang kơ inh gô jang hơdai lu bơngai bơ̆jang đơ̆ng ih.

II Ho 7:21

Hnam 'nâu mă khan kơjung rŏ dang yơ, dah đei bu yak rok noh 'bôh hlĭch na jet! “Yua kơ kiơ Kră Yang pơm kơ char 'nâu păng hnam 'nâu thoi noh?”

Esơra 3:12

Lơ 'bok soi, bơngai Lêwi, kơdră adrĕch adrung, wă khan lu đe kră mă 'bôh hnam akŭm adrol, lu sư nhơ̆m re kơplah đe man hơnă hnam akŭm 'nao 'bơ̆t anăp lu sư. Kŭm đei lơ bơngai nai đei nơ̆r ôr re hiôk chơt 'nă hal;

Tơdrông Pơđơk 4:3

Kơplah Inh oei 'lơ̆p, Inh jing kon drŏ-nglo 'bă inh, Păng kon pôm mĕ inh.

Bôk Bơthô 9:10

Mă dôm kiơ ih gơh pơm jang bĕ đĭ jơhngơ̆m tôch kơ ih kĕ; yua kơ tơ anih lôch mă ih wă năm, tơ noh ưh pă đei minh tơdrong jang, kiơ mă ih gơh pơm, mă chă đon mă gơh hơgei, mă kơ̆l 'ngok, hlôh băt.

Êsai 64:11

Hnam Akŭm 'lơ̆ng rơgoh lu nhôn ư-ang, anih mă 'bok lu nhôn hơri bơnê ư-ang kơ Ih, ŭnh sa đĭ bơih. Đĭ-đăng dôm tơmam kiơ mă lu nhôn gĭt răm đĭ bơih.

Êsêkiên 7:20

Đơ̆ng lu tơmam drŏ-kăn pơguăng 'lơ̆ng rŏ mă lu sư pơang kơdih; lu sư yua tơmam noh pơm rup yang kơkuh kơnê̆ krưp. Lei na Inh gô pơm kơ tơmam noh jing tơmam 'mê̆-'mach kơ lu sư!

Hagai 2:3

‘Bơngai bu mă oei oei lăm lu iĕm mă đei 'bôh boih tơdrong ư-ang kơ hnam âu adrol sơ̆ păng dang ei iĕm 'bôh sư thoi yơ? Sư oei 'bơ̆t anăp hăm trŏ thoi răm đĭ?’

Hagai 2:9

Tơdrong ư-ang kơ hnam đơ̆ng rŏng âu, gô tih hloh kơ ư-ang hnam adrol ki sơ̆, Kră Yang khan thoi noh păng Inh gô ăn tơdrong rơnŭk rơnua lăm anih 'nâu.’ Kră Yang Tih Hloh khan thoi noh.”

Luka 21:5

Lu bơngai oei 'bơ̆t ei 'bôh hnam akŭm 'Bok Kei-Dei tơm pơm păng tơmo rŏ păng 'bôh tơmam đe pơyơ̆r kơ 'Bok Kei-Dei sơ̆ pơm tơmam pơrŏ tơ hnam akŭm Sư, lu sư pơma khan: “Ô rŏ dêh.”

Yo 13:1

Năr ei minh năr hơdrol kơ Năr Giĕng Năm Brih. Yêsu băt năr Sư wă jăk đơ̆ng ala teh âu tŏk brŏk tơ 'Bă Sư wă jê̆ truh boih. Sư 'mêm tơpă kơ lu bơngai lui kơ Sư, na Sư khŏm ăn akâu Sư lôch tang bơ̆n.

Yo 3:30

Sư rai đunh rai pơm tih; gah inh rai đunh rai sruh rai iĕ.

Yo 9:4

“Dang ei oei 'năr, na bơ̆n athei jang tơdrong 'Bă Inh mă wơh Inh. Dah 'năr mơ̆t boih, ưh kơ đei bu gơh jang dơ̆ng.