I Ho 22:3 - Sơ̆p Hlabơar Nơ̆r 'Bok Kei-Dei

³ Pơtao Đawit ăn lơ bơsei wă pơm kơđĭnh pơm, măng jang, pơm lu gơwŏk sư ăn kong đei lơlap ưh kơ kĕ jô̆.

I Ho 22:3 ပူးပေါင်းရင်းမြစ်များ

I Pot 7:47

Pơtao Sôlômôn sư ưh kơ đei kŏng lăng tơmam 'noh ôh, yua kơ tơmam lơ dêh, sư kư̆m ưh kơ đei kĕ hơlen kŏng lăng kong 'noh dôm yơ mơ̆n.

I Ho 22:14

'Nâu inh gleh hrat chă wă kơ đei tơmam pơm Hnam Kră Yang, pêng-rơbâu puăn-hrĕng pơđăm-jĭt tân maih, pêng-jĭt puăn-rơbâu tân hu, kong hăm bơsei ưh kơ kĕ jô̆ ôh, inh kư̆m chă 'long lơ păng tơmo. Ăn kơ lu iĕm chă thim dơ̆ng.

I Ho 29:2

Inh đĭ jơhngơ̆m klơm klak hơmet tơmam wă pơm hnam Kră Yang 'Bok Kei-Dei bơ̆n, maih kơ tơmam kiơ pơm hăm maih, hu kơ tơmam kiơ pơm hăm hu, kong kơ tơmam kiơ pơm hăm kong, bơsei kơ tơmam kiơ pơm hăm bơsei 'long kơ tơmam păng 'long tơmo rang păng lu tơmo gĭt hăm tơmo kok jơk tôm tĕch đak gôh găm.

I Ho 29:7

Lu sư pơyơ̆r gah tơdrong jang pơm hnam Kră Yang 'Bok Kei-Dei, minh-hrĕng tơpơh-jĭt tân maih mơjĭt-rơbâu jên maih, darik, pêng-hrĕng puăn-jĭt pơđăm tân hu, tơdrâu-hrĕng mơjĭt tân kong, păng pêng-rơbâu puăn-hrĕng pơđăm-jĭt tân bơsei.

II Ho 4:18

Pơtao Sôlômôn man pơm đĭ-đăng lu tơmam noh lơ tơpă yua kong pơm pă kĕ jô̆ dôm yơ.

Je 52:20

Bĕ kơ 'bar tŏ jrăng kong, bơng đak đak dơsĭ păng mơjĭt-'bar tŏ rup rơmo tơno pơm păng kong tơ ala, jơ̆ng dan bơng đei tang-wang wă tŭn mă pơtao Sôlômôn pơm lăm hnam Kră Yang. Kong mă đe pơm đĭ-đăng lu tơmam noh ưh pă kĕ kŏng ôh.

Both 8:9

Dêh noh đei tơmam sa mah rơkah rơkai; ưh kơ đei kơ'bah kiơ. Dêh noh đei tơmo bơsei păng đơ̆ng lăm kông iĕm gô sir iŏk kong,