I Ho 22:19 - Sơ̆p Hlabơar Nơ̆r 'Bok Kei-Dei

¹⁹ Dang ei đĭ jơhngơ̆m, đĭ bơhngol chơchă bĕ Kră Yang 'Bok Kei-Dei lu iĕm; iung bĕ păng pơm minh pôm anih 'lơ̆ng rơgoh kơ Kră Yang 'Bok Kei-Dei, lu iĕm tung ba bĕ Hom pơgơ̆p Kră Yang păng lu tơmam rơgoh 'lơ̆ng Kră Yang 'Bok Kei-Dei tơmơ̆t lăm hnam mă lu iĕm pơm boih hăm Anăn Kră Yang.”

I Ho 22:19 ပူးပေါင်းရင်းမြစ်များ

I Pot 5:3

“Ih băt bơih yua kơ tơblah wang jơ̆p-jang tăp dăr, na Đawit 'bă inh sư tam mă gơh pơm Hnam Akŭm kơ anăn Kră Yang 'Bok Kei-Dei sư, dĭng truh tơ Kră Yang ăn kơ sư blah pơjuă lu ayăt tơ ala jơ̆ng sư.

I Pot 8:21

Tơ anih 'noh inh đei pơm wă 'măn Hom, pơgơ̆p lăm Hom 'noh đei nơ̆r Kră Yang pơkă pơkăm hăm lu 'bok bơ̆n sơ̆, kơplah Sư pơklaih lu sư đơ̆ng dêh char Êyiptơ.”

I Pot 8:6

Lu 'bok soi tơm tung ba Hom Pơgơ̆p Kră Yang tơ anih sư, anih rơgoh hloh lu sư 'măn gah ala pơnăr chêrubim.

I Ho 16:10

Ư-ang bĕ anăn rơgoh 'lơ̆ng Sư; Ăn jơhngơ̆m lu đe bu chă Kră Yang đei tơdrong chhôk hơnôk.

I Ho 16:11

Chă bĕ Kră Yang hăm tơdrong pran kơtang Sư. Chă bĕ muh măt Sư ling-lang!

I Ho 22:16

hăm maih, hu, kong, păng bơsei, lơlap lơlang ưh kơ kĕ jô̆: Iung pơm bĕ! Apinh Kră Yang oei hơdai hăm ih!”

I Ho 22:7

Đawit khan kơ Sôlômôn: “Ơ dăm, jơhngơ̆m inh 'maih pơm hnam kơ Anăn Kră Yang 'Bok Kei-Dei inh.

I Ho 28:9

Bĕ ih, ơ! Sôlômôn, kon drŏ-nglo inh, athei băt kơ Sư Kră Yang 'Bok Kei-Dei inh 'bă ih, athei đĭ jơhngơ̆m đĭ bơhngol bơ̆jang kơ Kră Yang yua kơ Kră Yang băt hlôh 'bôh nhen lăm jơhngơ̆m klơm klak, păng băt dôm đon tơchĕng. Tơdah ih chă Kră Yang, kon gô tơ'bơ̆p; mă-lei tơdah ih achăng lê̆ Kră Yang, sĭt Kră Yang gô achăng lê̆ ih ling-lang.

II Ho 20:3

Jêhôsaphat hli, na hơmet jơhngơ̆m sư chă Kră Yang, na kư̆m roi tơbăt jơ̆p kơ dêh char athei ơ̆t kơ sŏng sa.

II Ho 5:7

Lu 'bok soi tung tơmơ̆t Hom Pơgơ̆p Kră Yang tơ lăm anih 'măn lê̆ kơ Hom Pơgơ̆p, tơ anih 'Lơ̆ng Rơgoh Hloh lăm hnam Kră Yang 'Bok Kei-Dei, tơ ala lu pơnăr rup chêrubim.

II Ho 6:11

Tơ hnam noh inh đei tah boih Hom Pơgơ̆p đơ̆ng Kră Yang mă đei pơgơ̆p hăm bơngai Isơrael.”

Horiso 119:2

Pŭn dêh kơ bu wei răk dôm nơ̆r Sư tơtă. Păng đĭ jơhngơ̆m krao chă Sư.

Horiso 14:2

Kră Yang 'Bok Kei-Dei nger lăng đơ̆ng plĕnh ti tơ kon bơngai. Wă lăng hăm đei bu gơh băt. Chơchă Kră Yang 'Bok Kei-Dei ưh?

Horiso 27:4

Inh đei apinh boih Kră Yang minh tơdrong, Tơdrong mă inh chơchă, Noh inh wă kơ đĭ chăl arih inh oei lăm hnam Kră Yang. Wă kơ lăng dôm tơdrong 'lơ̆ng tơpăt Kră Yang păng wă chă Sư tơ lăm Hnam Sư.

Le 25:8

Lu sư gô pơm ăn kơ Inh minh anih kơkuh rơgoh păng Inh gô oei tŏk-bŏk lu sư.

Êsai 60:1

Iung bĕ pơchrang bĕ! Yua kơ tơdrong hơdah ih truh bơih, păng tơdrong ư-ang Kră Yang pơchrang kơpal ih.

Je 29:13

Lu iĕm gô chă Inh păng gơh tơ'bơ̆p tơdah lu iĕm chă Inh hăm đĭ jơhngơ̆m.”

Da 9:3

Inh lăng tơ Kră Yang 'Bok Kei-Dei, noh Kră Yang 'Bok Kei-Dei, inh krao khan, hơpơi apinh păng ơ̆t kơ sŏng sa, hrŭk ao 'bi, pung tơnuh tơ kơ̆l na krao chă.

Hagai 1:5

Thoi noh dang ei Kră Yang Tih Hloh khan thoi âu: ‘Lăng bĕ trong iĕm năm.

Hagai 1:8

Tŏk bĕ tơ kơpal kông, chĕp ba tơ̆r brŏk păng pơjing hnam, Inh gô iŏk chhơp jơhngơ̆m păng Inh đei ư-ang,’ Kră Yang khan thoi noh.

Jang 11:23

Lăp 'Barna'ba truh boih tơ Pơlei Antiôs, sư 'bôh 'Bok Kei-Dei tơgŭm lu sư tơpă. Na jơhngơ̆m 'Barna'ba chơt hiôk. Na 'Barna'ba pơlung lu sư khŏm khŏm wă kơ lu sư lui kơ Kră Yang Yêsu hăm đĭ jơhngơ̆m klơm klak lu sư kơdih.

Jang 22:16

Na dang ei ih gô kiơ? Ih iung wăi, năm iŏk 'batem, krao khan kơ Yêsu wă kơ ih klaih đơ̆ng tơdrong yoch.’

Both 4:29

Mă-lei đơ̆ng noh lu iĕm gô krao chă Kră Yang 'Bok Kei-Dei iĕm, layơ iĕm chă Kră Yang hăm đĭ jơhngơ̆m, đĭ tơdrong tơchĕng na gơh tơ'bơ̆p Sư.