I Ho 22:18 - Sơ̆p Hlabơar Nơ̆r 'Bok Kei-Dei

¹⁸ Đawit khan: “Ưh kơ trŏ Kră Yang 'Bok Kei-Dei iĕm oei hơdai hăm lu iĕm hă? Sư ăn kơ iĕm tơdrong rơnŭk rơnua puăn pah yua kơ Sư ăn kơ inh kon pơlei oei lăm char 'nâu păng tơring 'nâu, chu kiơ̆ 'bơ̆t anăp Kră Yang păng 'bơ̆t anăp lu kon pơlei pơla Sư.

I Ho 22:18 ပူးပေါင်းရင်းမြစ်များ

II Sam 7:1

Kơplah pơtao oei lăm hnam pơtao sư, păng Kră Yang ăn kơ sư pơdơh hiôk huay pă đei ayăt jum dăr kơ sư,

I Ho 22:9

Ih gô đei minh 'nu kon drŏ-nglo; sư gô jing minh 'nu bơngai drŏ-nglo hiôk rơnŭk, inh gô ăn kơ sư rơnŭk rơnua păng ăn pơdơh đơ̆ng đĭ-đăng ayăt tăp dăr kơ sư. Krao anăn sư Sôlômôn, Inh gô ăn tơdrong hiôk rơnŭk kơ lu bơngai Isơrael lăm chăl sư pơgơ̆r.

I Ho 23:25

Yua kơ noh Đawit đei khan: Kră Yang 'Bok Kei-Dei Isơrael đei ăn tơdrong hiôk-hian kơ kon pơlei Sư păng Kră Yang oei tơ Jêrusalem ling-lang.

Jang 9:31

Yua kơ Sôl lui boih na lu bơngai lui kơ Yêsu oei jơ̆p-jang dêh Juđê păng dêh Galilê, dêh Samri hiôk-hian huay pă đei tơdrong truh tơ lu sư. Lu sư kư̆m rai đunh rai pran. Lu sư lui tơpă kơ Kră Yang păng Yang Bơhngol 'Lơ̆ng tơgŭm lu sư ling-lang, na lu sư rai đunh rai lơ.

Rom 8:31

'Bok Kei-Dei Sư 'mêm, Sư tơgŭm bơ̆n dang noh boih, na bơ̆n ưh pă hli kơ tơdrong kiơ dơ̆ng.

Both 20:4

Yua kơ Kră Yang 'Bok Kei-Dei lu iĕm gô năm hơdai hăm lu iĕm, tơblah lu ayăt dŏng lu iĕm păng ăn jei lu iĕm.

Jôsuê 10:42

Lăm minh kơchon noh Jôsuê blah rôp lu pơtao păng blah iŏk pơlei tơring char 'nâu, yua kơ Kră Yang 'Bok Kei-Dei Isơrael, tơblah ăn kơ Isơrael.

Jôsuê 22:4

Dang ei Kră Yang 'Bok Kei-Dei ăn boih kơ lu 'nhŏng oh iĕm pơdơh hiôk-hian kiơ̆ thoi nơ̆r Kră Yang đei pơkă boih, thoi noh wih brŏk bĕ tơ hnam tơ teh jang sa lăm char lu iĕm mă Môis đĭch đam Kră Yang hlôi ăn boih kơ lu iĕm gah hơlĕch kơ đak Krong Jôrđăn.

Jôsuê 23:1

Đunh tơpă đơ̆ng rŏng kơ Kră Yang ăn kơ lu bơngai Isơrael pơdơh hiôk-hian lu ayăt tăp dăr ưh pă đei tơblah păng Jôsuê đĭ kră, arih sot sơnăm đĭ lơ boih.

I Sam 25:28

Apinh 'nĕ jơ̆ yo kơ đĭch đam ih âu! Kră Yang tơpă gô ăn kơ teh đak pơtao ih kơjăp sot, yua kơ ih wang tơblah hơdai hăm Kră Yang păng đĭ lăm chăl arih ih ưh kơ đei 'bôh minh tơdrong răm kiơ.