I Ho 22:15 - Sơ̆p Hlabơar Nơ̆r 'Bok Kei-Dei

¹⁵ Ih kư̆m gô đei lơ bơngai jang, bơngai teh tơmo, lu bơngai man, lu bơngai jang 'long păng lu bơngai gơh jang tôm tơdrong jang,

I Ho 22:15 ပူးပေါင်းရင်းမြစ်များ

II Sam 5:11

Hiram pơtao pơlei Tirơ, wơh bơngai năm tơ Đawit, chĕp ba 'long hơngo, chông ba thơ̆ jang 'long, thơ̆ teh tơmo wă man hnam pơtao kơ Đawit.

I Pot 7:14

Hiram minh 'nu kon drŏ-nglo, mĕ sư bơngai drŏ-kăn adro đơ̆ng lăm adrĕch Neptali, 'bă sư sơ̆ đơ̆ng bơngai Tirơ, 'bă sư pơm bơ̆jang hling đak kong, Huram sư kư̆m minh 'nu bơngai gơh hơgei thoi 'bă sư sơ̆ bơ̆jang hling đak kong, sư năm truh tơ pơtao Sôlômôn, sư jang ăn kơ pơtao Sôlômôn.

I Ho 22:14

'Nâu inh gleh hrat chă wă kơ đei tơmam pơm Hnam Kră Yang, pêng-rơbâu puăn-hrĕng pơđăm-jĭt tân maih, pêng-jĭt puăn-rơbâu tân hu, kong hăm bơsei ưh kơ kĕ jô̆ ôh, inh kư̆m chă 'long lơ păng tơmo. Ăn kơ lu iĕm chă thim dơ̆ng.

I Ho 22:16

hăm maih, hu, kong, păng bơsei, lơlap lơlang ưh kơ kĕ jô̆: Iung pơm bĕ! Apinh Kră Yang oei hơdai hăm ih!”

II Ho 2:6

Lei na bu kĕ pơm ăn hnam kơ Kră Yang? Mă lu plĕnh, plĕnh kơ lu tăl plĕnh kư̆m ưh kơ gơh 'măn kơ Sư mơ̆n! Lei inh âu bu, mă gơh pơm hnam ăn kơ Kră Yang? Pơm hnam lăp wă soh 'long 'bâu phu 'bơ̆t anăp Sư.

II Ho 2:7

Na dang ei pơtao athei chă gơih ăn kơ inh lu bơngai hơgei gơh hling maih, hu, kong, mam, bơngai tanh brai che 'brê hơhĭm, jơk 'brê gôh, kư̆m gơh chrek chhơ̆, wă kơ bơ̆jang hăm lu bơngai thơ̆ hơgei inh, tơ dêh Juđa păng pơlei Jêrusalem, mă 'bă inh Đawit đei ăn boih sơ̆.

Le 28:6

Lu sư gô pơm ao êphot păng brai rang, brai jơk, brai 'brê gôh, 'brê hơhĭm păng che 'bui tanh hăm brai se.

Le 35:32

Wă kơ gơh tuh hling pơm tơmam, hăm maih, hu, klaih kơ noh hăm kong,

Le 35:35

Kră Yang sư ăn kơ 'bar 'nu bre noh 'bĕnh blai tơdrong gơh hơgei, jang tôm tơdrong gơh sĭt, gơh reng gơh tanh brai jơk, 'brê gôh, 'brê hơhĭm, che 'bui brai se; păng pơm lơ tơdrong chă đon hơgei dôm tơdrong jang.