I Ho 22:14 - Sơ̆p Hlabơar Nơ̆r 'Bok Kei-Dei

¹⁴ 'Nâu inh gleh hrat chă wă kơ đei tơmam pơm Hnam Kră Yang, pêng-rơbâu puăn-hrĕng pơđăm-jĭt tân maih, pêng-jĭt puăn-rơbâu tân hu, kong hăm bơsei ưh kơ kĕ jô̆ ôh, inh kư̆m chă 'long lơ păng tơmo. Ăn kơ lu iĕm chă thim dơ̆ng.

I Ho 22:14 ပူးပေါင်းရင်းမြစ်များ

I Pot 10:14

Lăm rim sơnăm Sôlômôn sư ra maih đei 'bar-jĭt 'bar-rơbâu pơđăm-hrĕng kĭ.

I Pot 7:47

Pơtao Sôlômôn sư ưh kơ đei kŏng lăng tơmam 'noh ôh, yua kơ tơmam lơ dêh, sư kư̆m ưh kơ đei kĕ hơlen kŏng lăng kong 'noh dôm yơ mơ̆n.

II Pot 25:16

Na 'bar tŏ jrăng kong, bơng đak pơm hăm kong, păng dôm lu 'long tơjră hăm kong tơmam mă Sôlômôn pơm lăm Hnam akŭm kơkuh kơ Kră Yang, ưh kơ đei bu gơh kŏng, gơh jô̆ kơsô̆ kong đơ̆ng lăm dôm tơmam.

I Ho 22:15

Ih kư̆m gô đei lơ bơngai jang, bơngai teh tơmo, lu bơngai man, lu bơngai jang 'long păng lu bơngai gơh jang tôm tơdrong jang,

I Ho 22:3

Pơtao Đawit ăn lơ bơsei wă pơm kơđĭnh pơm, măng jang, pơm lu gơwŏk sư ăn kong đei lơlap ưh kơ kĕ jô̆.

I Ho 29:2

Inh đĭ jơhngơ̆m klơm klak hơmet tơmam wă pơm hnam Kră Yang 'Bok Kei-Dei bơ̆n, maih kơ tơmam kiơ pơm hăm maih, hu kơ tơmam kiơ pơm hăm hu, kong kơ tơmam kiơ pơm hăm kong, bơsei kơ tơmam kiơ pơm hăm bơsei 'long kơ tơmam păng 'long tơmo rang păng lu tơmo gĭt hăm tơmo kok jơk tôm tĕch đak gôh găm.

Je 52:20

Bĕ kơ 'bar tŏ jrăng kong, bơng đak đak dơsĭ păng mơjĭt-'bar tŏ rup rơmo tơno pơm păng kong tơ ala, jơ̆ng dan bơng đei tang-wang wă tŭn mă pơtao Sôlômôn pơm lăm hnam Kră Yang. Kong mă đe pơm đĭ-đăng lu tơmam noh ưh pă kĕ kŏng ôh.

Jo 7:85

minh hlak chhĕr hu trăp sư minh-hrĕng pêng-jĭt seikơl păng minh hlak pơnhan trăp sư tơpơh-jĭt seikơl. Jô̆ akŭm đĭ chhĕr hu păng pơnhan hu noh đei 'bar-rơbâu puăn-hrĕng seikơl, kiơ̆ kơ seikơl lăm anih rơgoh.

II Kor 8:2

Lu sư đei tơdrong gleh pơmat-tat păng dơnuh tăm mă-lei jơhngơ̆m lu sư hiôk hơiă păng hơlăng băt kơ pơtơm băl ra jên tơgŭm lu bơngai lui dơnuh hin tơ Pơlei Jêrusalem.