I Ho 22:13 - Sơ̆p Hlabơar Nơ̆r 'Bok Kei-Dei

¹³ Thoi noh ih gô đei tơdrong kĕ jei, tơdah ih pơ'lơ̆ng wei răk pơm kiơ̆ tơdrong juăt păng nơ̆r tơtă Kră Yang athei Môis khan ăn kơ lu bơngai Isơrael. Pran kơjăp, păng nuih kơtang bĕ 'nĕ kơ hli, 'nĕ kơ tơrơ.

I Ho 22:13 ပူးပေါင်းရင်းမြစ်များ

I Pot 2:2

“Inh wă jê̆ năm boih tơ trong mă đĭ-đăng kon bơngai ala teh âu gô năm, ih athei pran kơtang bĕ păng pơdah ih jing minh 'nu bơngai yŏng nuih.

I Pot 2:3

Păng athei wei răk dôm nơ̆r Kră Yang 'Bok Kei-Dei đei pơkă, wă kơ ih pơm kiơ̆, yak năm rok trong Sư, wei răk dôm tơdrong juăt Sư păng dôm nơ̆r Sư tơtă, păng dôm nơ̆r Sư bơtho, thoi đei chih boih lăm tơdrong juăt Môis, wă kơ dôm tơdrong ih jang kiơ, pơm kiơ, dah năm tơ yơ gô hiôk jơnap

I Ho 28:10

Dang ei, lăng bĕ yua kơ Kră Yang rơih iŏk ih boih wă pơm tơiung minh pôm hnam 'măn anih 'lơ̆ng rơgoh. Nuih pran kơtang bĕ na pơm.”

I Ho 28:20

Đawit khan kơ Sôlômôn kon drŏ-nglo sư: “Mă pran kơjăp jơhngơ̆m đon na bơ̆jang; 'nĕ kơ hli, 'nĕ kơ bơ̆l hăl, yua kơ Kră Yang 'Bok Kei-Dei 'bă oei hơdai hăm kon; Sư ưh kơ đei layơ achăng hŭt kon, dĭng truh tơ tơiung hnam Kră Yang keh đang.

I Ho 28:7

Inh gô ăn kơ dêh char pơtao sư kơjăp ling-lang tơdah sư đei jơhngơ̆m đon kơjăp wei răk dôm nơ̆r Inh păng tơdrong juăt Inh nhen thoi dang ei.

II Ho 14:6

Sư đei man pơjing lu pơlei kơjăp lăm char Juđa, yua kơ lăm dôm sơnăm sư pơgơ̆r dêh char sư đei hiôk-hian ưh kơ đei tơblah, Kră Yang ăn hiôk-hian kơ sư.

II Ho 20:20

Truh pơgê đơ̆ng rŏng, lu sư iung đơ̆ng hrôih lĕch năm tơ tơmăn glă Têkôa; kơplah lu sư oei yak, Jêhôsaphat dơ̆ng tơ noh, khan: “Ơ lu bơngai Juđa păng kon pơlei oei lăm pơlei Jêrusalem mơ̆ng bĕ inh: Lui gơnang bĕ kơ Kră Yang 'Bok Kei-Dei lu iĕm, na lu iĕm pran kơjăp; lui bĕ kơ 'bok khan lê̆ adrol Kră Yang, lei na lu iĕm kĕ jei,”

II Ho 26:5

Sư chă Kră Yang 'Bok Kei-Dei đĭ lăm chăl Sachari, bơngai bơtho sư băt hli yom kơ Kră Yang 'Bok Kei-Dei. Sư chă Kră Yang dang yơ Kră Yang 'Bok Kei-Dei ăn kơ sư đei hiôk jơnap dang noh.

II Ho 32:7

“Athei chơ̆n jơhngơ̆m nuih pran, 'nĕ kơ hli, 'nĕ kơ tơrơ 'bơ̆t anăp pơtao Asiri păng 'bơ̆t anăp lu linh kiơ̆ sư yua kơ đei Kră Yang Tih Hloh oei hơdai bơ̆n pran hloh kơ lu bơngai oei hăm sư:

Horiso 1:3

Bơngai noh nhen thoi tơm 'long chăt cheng đak glung, Đei plei kiơ̆ kơ bơyan, Hla sư ưh kơ đei layơ jô kro, Rim tơdrong jang sư pơm jing ngăl.

Horiso 119:6

Inh ưh kơ đei mơlâu ôh. Kơplah inh lăng tơ lu nơ̆r Ih tơtă,

Horiso 72:1

Ơ Kră Yang 'Bok Kei-Dei, apinh Ih ăn kơ pơtao gơh sek tơlang, Păng ăn kơ kon pơtao tơdrong 'lơ̆ng tơpăt đơ̆ng Ih.

Hagai 2:4

Dang ei Kră Yang khan: ‘Ơ Sôrôbabel ih athei nuih kơtang bĕ; ih Jôsua, kon drŏ-nglo Jêhôsađak, 'bok soi tơm, kư̆m athei nuih kơtang Kră Yang khan dơ̆ng: Đĭ-đăng kon pơlei kơpal teh, lu iĕm kư̆m athei nuih kơtang păng bơ̆jang bĕ; yua kơ Inh oei hăm iĕm,’ Kră Yang Tih Hloh khan thoi noh.

Sa 8:9

Kră Yang Tih Hloh khan thoi âu: “Ơ lu iĕm jơ̆ bơngai mă kơtơ̆ng năr 'nâu, kơtơ̆ng dôm lu nơ̆r noh đơ̆ng lu bơngai khan lê̆ adrol lăm năr mă hnam akŭm Kră Yang Tih Hloh đei pơdơ̆ng pơjing boih, na lu iĕm pơm bĕ kơ ti lu iĕm jing pran.

Mathiơ 3:15

Yêsu khan kơ sư: “Bĕ ih jah pơm kơ Inh, ba pơm kiơ̆ thoi noh, wă kơ ba pơm trŏ thoi 'Bok Kei-Dei wă.” Thoi noh na Yôhan chu kơ nơ̆r Sư.

Jang 13:22

Klaih kơ noh 'Bok Kei-Dei tơlĕch 'bok pơtao Sôl, tơplih Đawit dơ̆ng pơm pơtao lu sư. Na 'Bok Kei-Dei jô̆ kơ Đawit thoi âu: ‘Inh lăp đon păng Đawit kon 'bok Jesê, sư gô pơm kiơ̆ kơ Inh wă ling-lang.’

I Kor 16:13

Inh athei iĕm kơchăng ling-lang pơkrơ̆ng mă kơjăp tơdrong lui 'nĕ kơdŭn.

Galati 6:2

Iĕm gơh tơgŭm dih băl thoi noh trŏ tơpă, thoi Kră Yang Yêsu Krist pơkă.

Êphêsô 6:10

Tơdrong inh chih hơpong kơ iĕm wă jê̆ tôch boih, mă-lei oei đei pă minh tơdrong âu kăl tơpă, na inh wă roi tơbăt ăn kơ iĕm: Bơ̆n athei gơnang kơ Yêsu hăm đĭ jơhngơ̆m, yua kơ Sư Kră Yang mơsêh tăp pang mơyang tăp dăr gơh pơm tôm tơdrong, na wă kơ Sư tơgŭm bơ̆n gơh đei jơhngơ̆m pran.

II Tim 2:1

Ơ dăm, ih athei adrin jang tơdrong Kră Yang Yêsu Krist pran kơtang. Sư boih gô ăn kơ ih jing pran.

Ya 2:8

Dah iĕm rok kiơ̆ tơdrong juăt 'Bok Kei-Dei mă đe chih tơ lăm sơ̆p hla bơar Sư, Sư athei bơ̆n 'mêm kơ bôl buăl thoi bơ̆n 'mêm kơ akâu kơdih, tơ̆ng iĕm pơm thoi noh tơpă lei 'lơ̆ng boih.

Jôsuê 1:18

Bơngai bu ưh kơ chu pơm kiơ̆ nơ̆r ih bơtho pơkă păng dôm tơdrong jang kiơ ih athei, lu bơngai noh gô pơlôch sư, ih athei chơ̆n jơhngơ̆m nuih pran.”