I Ho 22:1 - Sơ̆p Hlabơar Nơ̆r 'Bok Kei-Dei

¹ Na Đawit khan. “'Bơ̆t âu gô pơm hnam Kră Yang 'Bok Kei-Dei; păng 'bơ̆t âu boih anih chơnang soi 'buh kơ lu bơngai Isơrael.”

I Ho 22:1 ပူးပေါင်းရင်းမြစ်များ

Bl 28:17

Sư hli păng khan thoi âu: Anih âu trŏ kơ hli krưp tơpă! 'Nâu trŏ kơ hnam Kră Yang 'Bok Kei-Dei tơpă, 'măng plĕnh tơpă.

II Sam 24:18

Lăm năr noh, Gat bơngai khan lê̆ adrol năm khan kơ pơtao Đawit: “Apinh pơtao năm truh tơ dơnih pơjuă 'ba Arauna bơngai Jêbus păng tơiung pơdơ̆ng 'bơ̆t doh minh pôm chơnang soi kơkuh kơ Kră Yang.”

II Pot 18:22

Mă-lei tơdah ih khan kơ inh: “Lu nhôn gơnang kơ Kră Yang 'Bok Kei-Dei nhôn. Hăm trŏ Hesekia hlôi yuih lê̆ chơnang soi Kră Yang tơ anih kơjung păng khan kơ lu bơngai Juđa kon pơlei Jêrusalem:” Iĕm athei kơkuh kơ Kră Yang 'bơ̆t chơnang soi tơ Jêrusalem đĕch dah kiơ?

I Ho 21:30

Đawit ưh kơ gơh năm tơ noh wă krao apinh Kră Yang 'Bok Kei-Dei yua kơ sư hli kơ đao gưm linh jang 'lơ̆ng Kră Yang.

II Ho 3:1

Sôlômôn pơtơm pơm hnam akŭm kơ Kră Yang lăm pơlei Jêrusalem, kơpal kông Môria, anih mă Kră Yang đei jur tơ'bôh kơ Đawit, 'bă sư, tơ anih mă Đawit đei rơ̆ng hơmet, 'bơ̆t anih pơjuă 'ba Arauna, bơngai Jêbus.

II Ho 32:12

Hăm trŏ kơ đơ̆ng Hesekia mă đei pơrăm lê̆ lu anih kơjung păng chơnang soi kơ Kră Yang păng krao pơtơm kon pơlei Juđa păng kon pơlei Jêrusalem khan: Lu iĕm athei kơkuh păng soh tơmam 'bâu phu 'bơ̆t anăp kơ minh pôm chơnang soi 'nâu đĕch?

Horiso 78:60

Sư weh lê̆ đơ̆ng anih akŭm Sư tơ Silô, Anih mă Sư oei hăm kon bơngai;

Mathiơ 25:16

Bơngai mă iŏk pơđăm hlak jên maih yŏng sư noh, hơloh năm chă mơdro sa hloi, đei lơi kơ sư pơđăm hlak jên maih dơ̆ng.

Both 12:11

Kơplah noh lu iĕm gô chĕp ba tơmam soi 'buh, tơmam iĕm soi pơyơ̆r iŏk minh lăm mơjĭt, tơmam soi pha, lu tơmam soi 'lơ̆ng hloh, mă lu iĕm drơ̆ng pơkă wă pơyơ̆r ăn kơ Kră Yang tơ anih mă Kră Yang 'Bok Kei-Dei iĕm gô rơih wă ăn Anăn Sư oei.

Both 12:14

Mă-lei lu iĕm athei pơyơ̆r tơmam soi 'buh tơ anih mă Kră Yang gô rơih minh anih đơ̆ng lăm teh đak lăm minh adrĕch, tơ anih noh lu iĕm athei pơm dôm tơdrong mă inh đei bơtho khan.