I Ho 21:5 - Sơ̆p Hlabơar Nơ̆r 'Bok Kei-Dei

⁵ Jôap roi ăn gơsô̆ kơ̆l kon bơngai kơ pơtao Đawit. Đĭ kơ bơngai Isơrael đei minh-triê̆u minh-hrĕng rơbâu bơngai drŏ-nglo gơh chĕp đao hơlă lăm noh bơngai Juđa đei puăn-hrĕng tơpơh-jĭt rơbâu 'nu bơngai gơh chĕp đao hơlă.

I Ho 21:5 ပူးပေါင်းရင်းမြစ်များ

II Sam 24:9

Jôap tơbăt ăn kơ pơtao tơdrong jô̆ kơ̆l bơngai Isơrael đei tơhngam-hrĕng rơbâu 'nu bơngai linh tơblah gơh hơgei chĕp đao, păng lăm Juđa đei pơđăm-hrĕng rơbâu 'nu.

I Ho 21:4

Mă-lei jei nơ̆r pơtao tơtă hloh kơ nơ̆r Jôap găn, na Jôap năm tơ jơ̆p-jang kơ dêh char Isơrael wơ̆t brŏk dơ̆ng tơ pơlei Jêrusalem,

I Ho 27:23

Đawit ưh kơ đei iŏk bơngai Isơrael đơ̆ng 'bar-jĭt sơnăm tơ ala, yua kơ Kră Yang đei pơkă Sư gô ăn kơ kon pơlei Isơrael lơlap lơlang thoi sơnglŏng kơpal plĕnh.

I Ho 27:24

Jôap kon drŏ-nglo Sêruia pơtơm jô̆ kon pơlei, mă-lei ưh kơ keh đang. Yua kơ tơdrong noh, na Kră Yang 'Bok Kei-Dei hil mĭl truh kơ Isơrael păng lu kon pơlei mă ưh tam jô̆ 'noh ưh kơ đei chih tơmơ̆t lăm Sơ̆p hla bơar tơdrong hơ'mon pơtao Đawit.