I Ho 21:30 - Sơ̆p Hlabơar Nơ̆r 'Bok Kei-Dei

³⁰ Đawit ưh kơ gơh năm tơ noh wă krao apinh Kră Yang 'Bok Kei-Dei yua kơ sư hli kơ đao gưm linh jang 'lơ̆ng Kră Yang.

I Ho 21:30 ပူးပေါင်းရင်းမြစ်များ

II Sam 6:9

Lăm năr 'noh, Đawit hli kơ Kră Yang na pơma khan: “Hom pơgơ̆p Kră Yang 'Bok Kei-Dei liơ mă inh pơ̆n iŏk lê̆ tơ inh âu?”

I Ho 13:12

Lăm 'năr 'noh, Đawit hli kơ Kră Yang 'Bok Kei-Dei na apinh khan: “Lơliơ Inh gơh iŏk Hom Pơgơ̆p Kră Yang 'Bok Kei-Dei tơmơ̆t tơ hnam inh?”

I Ho 21:16

Đawit lăng 'bôh linh jang 'lơ̆ng Kră Yang dơ̆ng tŏk-bŏk teh hăm plĕnh. Ti sư chĕp đao yơ̆r tơ gah pơlei Jêrusalem. Kơplah noh Đawit hăm kră pơlei hrŭk 'bi sơtơ̆p kŭl-tăng kŭp muh măt tơ teh.

I Ho 21:29

Yua kơ lăm chăl noh bơsŭn anih akŭm Kră Yang mă Môis đei pơm tơ lăm char glă, păng chơnang soi tơmam soi 'buh tơ anih kơjung tơ pơlei Gibeôn,

I Ho 22:1

Na Đawit khan. “'Bơ̆t âu gô pơm hnam Kră Yang 'Bok Kei-Dei; păng 'bơ̆t âu boih anih chơnang soi 'buh kơ lu bơngai Isơrael.”

Jop 13:21

Apinh Ih dui bĕ ti Ih ataih đơ̆ng inh, apinh Ih 'nĕ pă pơm kơ inh hli tơrơ kơ Ih dơ̆ng.

Jop 21:6

Layơ inh 'blŏk kơ tơdrong noh, inh hli tơrơ dêh, Akâu akar inh pơpơ̆ tơtơ̆ đĭ.

Jop 23:15

Yua kơ noh boih na inh hli krưp dêh 'bơ̆t anăp Sư; Rai tơchĕng inh rai hli kơ Sư loi.

Horiso 119:120

Akâu inh pơpơ̆ yua kơ hli kơ Ih. Kŭm hli kơ tơdrong Ih sek tơlang.

Horiso 90:11

Bu băt tơdrong kơtang mă Kră Yang hil? Bu kĕ băt tơdrong Ih hil mĭl, sư gô jing thoi yơ?

Je 10:7

Bu mă ưh kơ hli yom kơ Ih, ơ Pơtao kơ đĭ-đăng dêh char! Ih trŏ tơpă thoi noh, lăm đĭ-đăng lu bơngai hơgei rim adrĕch adrung kon bơngai, lăm jơ̆p-jang kơ dêh char, ưh kơ đei bu thoi Ih.

Je 5:22

Kră Yang khan: “Hăm trŏ lu iĕm athei hli kơ Inh hă? Hăm trŏ lu iĕm athei tơtơ̆ tơrơ 'bơ̆t anăp Inh? Inh boih Tơ'ngla iŏk chuơh bơ̆ găn hơdral đak dơsĭ, Pơm bơnơ̆ hơdral ling-lang, Đak dơsĭ ưh kơ kĕ lĕch ro hlôi, Poh-yă tih tŭn kư̆m ưh kơ kĕ pơchah. Mă khan lu sư blŭng kư̆m ưh kơ kĕ klĕch hlôi.

Both 10:12

Ơ bơngai Isơrael, dang ei Kră Yang 'Bok Kei-Dei iĕm tơtă athei pơm kiơ? Athei băt hli yom kơ Kră Yang 'Bok Kei-Dei iĕm, yak kiơ̆ đĭ trong Sư, 'mêm kơ Sư păng bơ̆jang kơ Kră Yang 'Bok Kei-Dei iĕm hăm đĭ jơhngơ̆m, đĭ bơhngol iĕm,

Tơdrông Tơ'bôh 1:17

Kơplah noh lăp inh 'bôh Sư, inh pơ̆k hloi 'bơ̆t jơ̆ng Sư, inh hli tơrơ kơmăp lăl pă băt kơ akâu. Mă-lei ti 'ma Sư pel inh păng khan: “Ih 'nĕ kơ hli, Inh 'Bok tơm rơh hăm Inh ưh kơ đei layơ tôch.

Tơdrông Tơ'bôh 15:4

Ơ Kră Yang, đĭ-đăng bơngai băt hli kơ Ih, păng ư-ang anăn Ih, yua kơ pôm Ih đĕch pơm 'lơ̆ng tơpăt. Đĭ rim khŭl bơngai băt năm kơkuh 'bơ̆t anăp Ih, yua kơ Ih sek tơlang tơpăt ngăl.”