I Ho 21:3 - Sơ̆p Hlabơar Nơ̆r 'Bok Kei-Dei

³ Mă-lei Jôap khan: “Apinh Kră Yang pơthim kon pơlei pơla Sư minh-hrĕng wơ̆t lơ hloh! Ơ yŏng pơtao inh, ưh kơ trŏ đĭ-đăng lu sư jing kon pơlei ih hă? Yua kơ kiơ ih wă pơm tơdrong âu? Ih wă kơ bơngai Isơrael pơm yoch hă?”

I Ho 21:3 ပူးပေါင်းရင်းမြစ်များ

Bl 20:9

Đơ̆ng noh pơtao Abimêlek krao Abraham păng khan: “Ih pơm kiơ kơ inh thoi noh? Inh hăm đei pơm kiơ kơ ih ưh kơ hiôk mă ih đei pơm kơ inh păng đĭ lăm char inh đei yoch tih thoi noh? Ih pơm kơ inh mă đe ưh kơ biơh ôh kơ pơm.”

I Pot 14:16

Yua kơ Jêrôbôam pơm yoch păng pơm ăn kơ lu bơngai Isơrael jing yoch na Kră Yang achăng hŭt lu sư.”

II Pot 12:7

Na Jôas krao hloi 'bok soi Jêhôiada păng lu 'bok soi nai, na jet: “Liơ iĕm ưh kơ chă hơmet ming Hnam akŭm dơ̆ng? Đơ̆ng âu tơ anăp, 'nĕ pă chă iŏk jên đơ̆ng lu bơngai mă pơyơ̆r 'noh dơ̆ng, mă-lei athei lê̆ jên noh wă hơmet ming Hnam akŭm.”

I Ho 19:13

Athei mă nuih pran kơtang bĕ tơblah ăn kơ kon pơlei pơla bơ̆n păng kơ pơlei Kră Yang 'Bok Kei-Dei bơ̆n, Kră Yang gô pơm tơdrong kiơ 'lơ̆ng kiơ̆ thoi măt sư lăng lăp.”

I Ho 21:4

Mă-lei jei nơ̆r pơtao tơtă hloh kơ nơ̆r Jôap găn, na Jôap năm tơ jơ̆p-jang kơ dêh char Isơrael wơ̆t brŏk dơ̆ng tơ pơlei Jêrusalem,

Horiso 115:14

Apinh Kră Yang ăn kơ iĕm hrôh ngôh. Ăn kơ lu iĕm păng lu kon sâu iĕm.

Le 30:12

Layơ ih chih jô̆ tơmơ̆t kơsô̆ kơ̆l bơngai Isơrael, rim 'nu kơ lu sư athei ăn jên wă huai tơdrong arih kơdih ăn kơ Kră Yang wă huay kơ đei tơdrong jĭ apoh truh lăm kơplah ih oei chih tơmơ̆t jô̆ lu sư.

Le 32:21

Môis khan kơ Arôn: Kon pơlei đei pơm kiơ kơ ih na dĭng ih mah pơm ăn kơ kon pơlei pơla pơm yoch tih krưp thoi noh.

Tơdrông Pơđơk 14:28

Kon pơlei đei lơ noh jing ư-ang kơ pơtao. Bơngai kơtuei kon pơlei tŏ sĕt noh răm kơ bơngai pơgơ̆r.

Êsai 26:15

Ơ Kră Yang Ih đei ăn kon bơngai dêh char âu rai lơ, Ih thim ăn kon bơngai dêh char âu rai lơ, Ih bơih đei tơdrong ư-ang, ih pơih ăn kơ hơdral teh đak nhôn rai să.

Êsai 48:19

Kon sâu iĕm thoi pơlao chuơh adrĕch adrung iĕm thoi găr chuơh, anăn lu sư ưh kơ đei sut ưh kơ lôch hiong đơ̆ng anăp Inh.

Both 1:11

Apinh Kră Yang 'Bok Kei-Dei 'bok lu iĕm pơm kơ lu iĕm chek lar rai lơ rơbâu hơtăl păng ăn pŭn hiôk, kiơ̆ kơ Sư đei khan pơkă boih kơ lu iĕm.

Jôsuê 22:15

Lăp lu sư năm truh tơ adrĕch Rubên, adrĕch Gat păng minh puăt adrĕch Manase lăm char Gileat, khan:

I Sam 2:24

'Nĕ pă pơm thoi noh, ơ bre kon drŏ-nglo inh, ưh kơ 'lơ̆ng ôh tơdrong inh kơtơ̆ng lu kon pơlei Kră Yang roi pơdah rai să.