I Ho 21:24 - Sơ̆p Hlabơar Nơ̆r 'Bok Kei-Dei

²⁴ Pơtao Đawit tơl Ôrnan. “Ưh ôh inh ưh kơ wă ôh iŏk tơmam ih wă pơyơ̆r kơ Kră Yang inh gô ăn jên tôm, inh ưh kơ gơh ôh gô pơyơ̆r tơmam soi 'buh mă ưh kơ huach kiơ.”

I Ho 21:24 ပူးပေါင်းရင်းမြစ်များ

Bl 14:23

Mă tơmam kiơ gah ih, mă khan lăp minh ioi brai, dah minh dăng tơlei chơkhŏ, inh kư̆m ưh kơ đei iŏk; hli kơ pơtao gơh khan thoi âu: ‘Yua kơ đơ̆ng inh na mă pơm kơ Abram mơdrŏng.’

Bl 23:13

Păng pơma hloi thoi âu 'bơ̆t anăp Êphrôn păng kon tơring mơ̆ng: “Mơ̆ng inh bĕ, inh ăn jên kơ bri noh, iŏk bĕ, na mă inh gơh 'bŭ bơngai lôch âu.”

Bl 23:9

Wă kơ sư asong ăn kơ inh gơp tơmo tơ Makbêla, 'bơ̆t tơklă kơ̆l mir sư, tĕch mă trŏ, wă kơ inh gơh đei teh kơdih pơm bơsat wă 'bŭ.”

II Sam 24:24

Mă-lei pơtao tơl khan: “Ưh kơ gơh. Inh wă răt păng ăn kơ ih jên tôm, inh ưh kơ wă pơyơ̆r ăn kơ Kră Yang 'Bok Kei-Dei inh lu tơmam soi 'buh, mă inh ưh kơ đei hiong jên răt.” Na pơtao Đawit răt dơnih noh păng rơmo noh dang tơdrâu tơpei hu.

I Ho 21:23

Ôrnan drơ̆ng Đawit: “Iŏk wăi. Apinh yŏng tơ'ngla inh iŏk pơm bĕ kiơ̆ thoi Kră Yang lăp đon Inh kư̆m ăn rơmo pơm tơmam soi pơyơ̆r 'buh tơ̆r lơ̆k pơjuă 'ba pơm 'long ŭnh, 'ba mi pơm tơmam soi phe 'ba, inh gô pơyơ̆r đĭ-đăng.”

I Ho 21:25

Thoi noh Đawit ăn tơdrâu-hrĕng Seikơl maiha wă răt anih noh.

Rom 12:17

Đe pơm kơnê̆ kơ bơ̆n, bơ̆n 'nĕ pơm tơwih kơ đe, bơ̆n athei pơm 'lơ̆ng pơm trŏ, pơm kiơ̆ kơ tơdrong bôl buăl mă lăp đon; bơ̆n pơm thoi noh đĕch 'lơ̆ng.