I Ho 21:2 - Sơ̆p Hlabơar Nơ̆r 'Bok Kei-Dei

² Đawit khan kơ Jôap păng lu yŏng pơgơ̆r linh sư: Năm jô̆ bĕ đĭ lu bơngai Isơrael, đơ̆ng pơlei Bêrsêba truh tơ char Đan. Brŏk roi kơ inh. Wă kơ inh băt dôm yơ lu sư.

I Ho 21:2 ပူးပေါင်းရင်းမြစ်များ

Bl 21:14

Abraham iung đơ̆ng hrôih, iŏk 'bĕng păng minh pôm get đak ăn kơ Hagar; tơ'băk lu tơmam noh 'bơ̆t hơngiĕng sư păng jao ăn kơ sư kon drŏ-nglo sư noh, na puh tơweh. Hơgar sư weh, yak trong ataih wih rok thŭng Bêrsêba.

II Sam 17:11

“Na inh pơđâu khan kơ bơ̆n athei krao akŭm đĭ-đăng linh lăm kon pơlei Isơrael, iŏk ba dơ̆ng pơlei Đan truh tơ Bêrsêba, akŭm jum dăr kơ ih, lơ thoi chuơh đak dơsĭ, na ih kơdih gô pơgơ̆r lu sư năm tơblah.

II Sam 24:15

Na Kră Yang ăn tơdrong jĭ hơbuh jur tơ kon pơlei Isơrael đơ̆ng pơgê năr noh truh tơ tôch jơ Sư pơkă. Đơ̆ng Đan truh tơ Bêrsêba, đei tơpơh-jĭt rơbâu 'nu bơngai lôch.

II Sam 3:10

Kră Yang đei pơkă khan wă iŏk lê̆ tơdrong pơgơ̆r teh đak đơ̆ng pơtao Sôl, ăn kơ Đawit pơm pơtao pơgơ̆r Isơrael păng Juđa, iŏk đơ̆ng pơlei Đan truh tơ Bêrsêba.

I Pot 4:25

Lăm chăl pơtao Sôlômôn pơgơ̆r, bơngai Juđa păng bơngai Isơrael oei hiôk-hian, đơ̆ng pơlei Đan truh tơ pơlei Bêrsêba, rim 'nu kơ lu sư arih jang sa chơt hiôk ala tơnơm hơmu păng tơm hơra sư.

II Ho 30:5

Lu sư tơtă pơkă wă chă roi tơbăt jơ̆p-jang kơ char Isơrael, iŏk đơ̆ng pơlei Bêrsêba truh tơ pơlei Đan, wă kơ kon pơlei năm pơm giĕng Năm Brih 'blŏk hơdơ̆r Kră Yang 'Bok Kei-Dei Isơrael tơ pơlei Jêrusalem; yua kơ lu sư ưh tam mă biơh năm pơm giĕng năm brih wă kơ 'blŏk hơdơ̆r kiơ̆ kơ tơdrong juăt đei pơkă sơ̆.

Tơdrông Pơđơk 29:23

Bơngai pơang kang rai pơm kơ sư jur; Mă-lei bơngai bu đei iŏk đon ala đe gô pơyom.

II Kor 12:7

Yua kơ 'Bok Kei-Dei kuă ăn inh pơang kơ iĕm tơdrong noh, na dang ei inh đei tơdrong nhek nhek dang jơla trŏ akar, yang Satan pơm kơ inh.

Lu 20:1

Đơ̆ng 'noh đĭ-đăng lu bơngai Isơrael akŭm băl, đơ̆ng Đan truh tơ Bêrsêba păng đơ̆ng dêh Gileat. Akŭm băl minh jơhngơ̆m đon thoi minh 'nu 'bơ̆t anăp Kră Yang tơ pơlei Mispa.

I Sam 3:20

Đơ̆ng Đan truh tơ Bêrsêba, đĭ-đăng bơngai Isơrael băt ngăl kơ Samuel jing 'bok khan lê̆ adrol tơpăt đơ̆ng Kră Yang ăn.