I Ho 21:16 - Sơ̆p Hlabơar Nơ̆r 'Bok Kei-Dei

¹⁶ Đawit lăng 'bôh linh jang 'lơ̆ng Kră Yang dơ̆ng tŏk-bŏk teh hăm plĕnh. Ti sư chĕp đao yơ̆r tơ gah pơlei Jêrusalem. Kơplah noh Đawit hăm kră pơlei hrŭk 'bi sơtơ̆p kŭl-tăng kŭp muh măt tơ teh.

I Ho 21:16 ပူးပေါင်းရင်းမြစ်များ

Bl 3:24

Thoi noh Sư pơpuh tơweh kon bơngai đơ̆ng pơgar Êđen; đơ̆ng noh tơ gah hơlĕch Sư ăn Yang chêrubim hăm đao dăr rang mơnhal, wă kơ bơwei trong năm tơ tơnơm 'long tơdrong arih.

I Pot 21:27

Lăp Ahap kơtơ̆ng nơ̆r pơma noh, sư hek ao sư kơdih. Sư iŏk hrŭk ao 'bi păng ơ̆t kơ sŏng sa; sư 'bĭch kơpal 'bi păng chu iŏk đon ala.

II Pot 19:1

Lăp kơtơ̆ng tơdrong noh, Hesekia hek ao sư kơdih, na hrŭk ao 'bi păng năm mơ̆t lăm hnam akŭm kơkuh kơ Kră Yang.

II Pot 6:17

Đơ̆ng noh, Êlisê krao khan thoi âu: “Ơ Kră Yang apinh ih pơih ăn măt đĭch đam inh wă kơ sư gơh 'bôh.” Kră Yang pơih ăn măt đam noh, na sư 'bôh rơwơ̆nh rơwănh kơ aseh 'bĕnh kơ kông păng gre aseh ŭnh tăp tang kơ Êlisê.

Êsêkiên 30:25

Inh gô ăn kơ ti pơtao Babilôn jing pran kơtang. Mă-lei lu ti Pharaôn gô huŏng. Na lu sư gô băt Inh boih Kră Yang. Inh ăn boih đao lăm ti pơtao Babilôn păng sư yơ̆r đao blah char Êyiptơ.

Êsêkiên 9:8

Kơplah lu sư năm pơlôch đe, inh oei minh 'nu. Inh bon muh măt tơ teh ôr krao: “Ơ Kră Yang Tih Hloh, Ih hil mĭl kơ pơlei Jêrusalem, Ih wă pơlôch đĭ lu kon pơlei Isơrael hă?”

Jo 14:5

Bre Môis păng Arôn drap bon tơ teh 'bơ̆t anăp kon pơlei Isơrael akŭm.

Jo 16:22

Bre sư drap tơ teh kơkuh păng khan: Ơ Kră Yang 'Bok Kei-Dei, Ih Kră Yang 'Bok Kei-Dei ăn tơdrong arih kơ lu sĕch akar kon bơngai! Lăp minh 'nu đĕch pơm yoch lei Ih wă hil mĭl kơ đĭ-đăng kon pơlei hă?

Jo 22:23

Aseh sư 'bôh Linh jang Kră Yang dơ̆ng găn trong ti Linh jang chĕp đao gưm ưh kơ đei hơnglop, aseh weh trong lăm chŭn; Balaam teh aseh wă kơ sư rok trong.

Jo 22:31

Kră Yang pơih măt Balaam, na Balaam 'bôh Linh jang Kră Yang dơ̆ng tŏk-bŏk trong ti sư chĕp minh hlak đao gưm. Balaam kŭp kơ̆l drap tơ teh.

Lu 13:20

Kơplah 'bơ̆t pla ŭnh đơ̆ng chơnang soi dơng tŏk tơ plĕnh, linh jang 'lơ̆ng Kră Yang kư̆m tŏk hơdai hăm pla ŭnh 'noh; 'bôh thoi noh Manôa păng akăn sư kŭp kơ̆l bon tơ teh.