I Ho 21:12 - Sơ̆p Hlabơar Nơ̆r 'Bok Kei-Dei

¹² Pêng sơnăm pơngot rơwĕt dah pêng khei đei lu ayăt blah pơrăm đĭ, dah pêng năr đei đao gưm Kră Yang phak, đei tơdrong jĭ lôch hơbuh lăm char ih, linh jang 'lơ̆ng đơ̆ng Kră Yang pơrăm jơ̆p-jang dêh char Isơrael. Dang ei ih rơih iŏk ayơ wă kơ inh wih roi kơ Tơ'ngla mă wơh inh năm.

I Ho 21:12 ပူးပေါင်းရင်းမြစ်များ

II Sam 21:1

Lăm chăl Đawit đei pơngot rơwĕt tih truh tơ pêng sơnăm. Pơtao Đawit krao apinh Kră Yang; Kră Yang tơl: “Tơdrong pơngot rơwĕt truh yua kơ Sôl păng hnam dơnŏ sư đei hre pham, yua kơ Sôl đei pơlôch lu bơngai Gibeôn.”

I Pot 17:1

Êli bơngai Pơlei Tisbe, oei tơ Pơlei Tisbe lăm char Gileat, sư khan kơ Ahap: “Inh dơ̆ng 'bơ̆t anăp Kră Yang 'Bok Kei-Dei đe Isơrael mă arih khan: Lăm sơnăm tơ anăp 'nâu, gô đei tơdrong phang-ang, tŭk păng đak 'mi ưh kơ đei jur tơ teh, dĭng truh tơ Inh đei khan dơ̆ng.”

II Pot 19:35

Lăm măng noh, đei minh 'nu linh jang 'lơ̆ng Kră Yang năm tơ anih kơđông Asiri păng pơlôch minh-hrĕng tơhngam-jĭt pơđăm-rơbâu 'nu bơngai tơ noh. Đe iung đơ̆ng hrôih, lăng 'bôh khŭl linh ei lôch glơch glach bơih.

II Pot 8:1

Êlisê khan kơ bơngai drŏ-kăn mĕ bơngai 'lơ̆p drŏ-nglo đêl sư tơiung arih ki 'noh: “Iung bĕ, chông hnam dơnŏ ih jăk tơ anih ayơ mă iĕm gơh oei, yua kơ Kră Yang wă ăn kơ dêh char Isơrael pơngot rơwĕt lăm tơpơh sơnăm.”

I Ho 21:11

Gat năm roi kơ Đawit. Kră Yang khan. ‘Ih athei rơih iŏk.’

Horiso 91:6

Kŭm huay kơ hli tơdrong jĭ hơbuh truh lăm măng mu. Dah tơdrong đe pơlôch pơrăm kơplah 'năr dơ̆ng.

Le 12:23

Kơplah Kră Yang gô năm wă pơlôch bơngai Êyiptơ; mưh sư 'bôh pham tơ jrăng găn kơpơ̆ng 'măng păng 'bar pah jrăng dơ̆ng 'măng, Kră Yang gô năm yoh hloi; ưh kơ ăn linh jang mơ̆t pơlôch lăm hnam lu iĕm.

Êsai 66:16

Kră Yang gô iŏk ŭnh păng đao gưm wă phak lu bơngai pơm yoch. Đei lơ bơngai Kră Yang pơlôch.

Je 12:12

Lu bơngai wă pơrăm truh boih, tơ jơ̆p-jang kơ groi grôn kơjung tơ lăm tơmăn glă; yua kơ đao gưm Kră Yang oei pơrăm teh đơ̆ng teh âu dĭng tơ to; Ưh kơ đei kon bơngai dah Sem brem kiơ mă oei hiôk hơđơ̆ng.

Je 42:16

na đao gưm mă lu iĕm hli dêh gô druh tam lu iĕm lăm teh đak Êyiptơ, tơdrong pơngot rơwĕt mă lu iĕm hli tơtăm kư̆m druh kiơ̆ iĕm năm tơ Êyiptơ păng lu iĕm gô lôch tơ noh.

Je 47:6

Ơ đao gưm Kră Yang, dang yơ e wă pơdơh? Dui tơmơ̆t bĕ lăm hơnglop; pơdơh, oei hơđơ̆ng bĕ.

Nhom 4:9

Lu bơngai lôch kơ đao gưm pŭn hloh kơ lu bơngai lôch kơ pơngot; Yua kơ tơmam sa đơ̆ng mir chŭn ưh kơmah, Sư rai hơkĕ hơkong thoi đe 'bet.

Lêwi 26:10

Lu iĕm oei sa tơmam lu iĕm 'măn lê̆ sơ̆. Đơ̆ng noh tuh hŭt lê̆ tơmam so noh wă 'măn mong tơmam 'nao.

Lêwi 26:17

Inh gô wih rŏng hil mĭl kơ iĕm, lu bơngai ayăt kơ iĕm gô teh dong iĕm, lu bơngai areh kơ iĕm gô pơgơ̆r iĕm, lu iĕm gô kơdâu ôn mă khan ưh kơ đei bu druh.

Luka 4:25

Na dang ei Inh roi pơtih gia kơ iĕm tơdrong noh: Kơplah Êli pơtruh nơ̆r 'Bok Kei-Dei tơ dêh char Isơrael âu sơ̆, kơplah lăm pêng sơnăm ưh kơ đei 'mi jơ̆p kơ dêh char Isơrael. Na đei tơdrong pơngot rơwĕt tơpă. Kơplah noh sơ̆ đei lơ yă adro tơ dêh char Isơrael.

Jang 12:23

Linh jang 'lơ̆ng Kră Yang pơm hloi kơ pơtao Hêrôt đei tơdrong jĭ, kơlih kơ sư ưh kơ ư-ang kơ 'Bok Kei-Dei ôh. Sư lăp đon kơ đe ư-ang kơ sư khan yang. Na sư lôch kơ hơmơng sa.

Both 28:15

Mă-lei tơdah iĕm ưh kơ chu mơ̆ng kiơ̆ nơ̆r Kră Yang 'Bok Kei-Dei iĕm, ưh kơ pơ'lơ̆ng pơm kiơ̆ dôm nơ̆r tơtă păng khôi juăt đơ̆ng Sư mă inh bơtho khan ăn kơ iĕm năr 'nâu, na 'nâu boih dôm tơdrong hiap pơtê̆ gô truh kơ iĕm, đei hloi:

Both 28:22

Kră Yang gô pơrăm iĕm hăm tơdrong jĭ dơsoh hiĕn-hiok, bơlŏ chĕp tơngiĕt, rơka rơkĕch, jĭ bơôr, tŏ, phang-ang, 'long pơlei 'nhĕt 'nhot kro đĭ phơ̆k phok dôm tơdrong noh druh kiơ̆ iĕm dĭng truh tơ iĕm lôch hiong đĭ.

Both 28:25

Kră Yang gô ăn lu bơngai ayăt blah pơrăm iĕm jei lu sư; lu iĕm gô năm blah sư minh trong, lĕch kơdâu ôn kơ lu sư tơpơh trong; lu adrĕch adrung kơpal teh 'bôh iĕm gô hli tơrơ.

Both 28:27

Kră Yang gô ăn kơ iĕm jĭ pơtôch đuh đơ̆ng dêh Êyiptơ, pơ'ngeh đek, rơka tơlŏng, đơđik, lu iĕm hơmet ưh kơ klaih.

Both 28:35

Kră Yang gô ăn kơ iĕm jĭ pơtôch đuh tơ kŭl-tăng păng tơ 'bar pah jơ̆ng jĭ dêh, hơmet ưh kơ gơh klaih, lanh rai să đơ̆ng kơnơl jơ̆ng truh tơ kơpal kơ̆l.