I Ho 21:1 - Sơ̆p Hlabơar Nơ̆r 'Bok Kei-Dei

¹ Yang Satan iung pơm kơ Isơrael păng pơdrŭt Đawit wă kơ jô̆ kơ̆l bơngai Isơrael.

I Ho 21:1 ပူးပေါင်းရင်းမြစ်များ

I Ho 20:8

Lu bơngai 'nâu lu kon sâu bơngai Rapha lăm pơlei Gat. Lu sư lôch kơ Đawit păng lu linh sư pơlôch.

I Ho 27:24

Jôap kon drŏ-nglo Sêruia pơtơm jô̆ kon pơlei, mă-lei ưh kơ keh đang. Yua kơ tơdrong noh, na Kră Yang 'Bok Kei-Dei hil mĭl truh kơ Isơrael păng lu kon pơlei mă ưh tam jô̆ 'noh ưh kơ đei chih tơmơ̆t lăm Sơ̆p hla bơar tơdrong hơ'mon pơtao Đawit.

I Ho 7:40

Dôm lu bơngai 'noh kon sâu Aser; pơm yŏng kơdră lăm adrĕch, mă đei rơih iŏk, lu sư linh tơblah nuih kơtang, wei-lăng păng pơm yŏng kơdră pơgơ̆r. Lu bơngai mă pơm linh tơblah, kiơ̆ kơ adrĕch adrung lu sư đei chih jô̆ 'bar-jĭt tơdrâu-rơbâu 'nu.

Jop 2:1

Lăm minh năr nai đơ̆ng đei lu linh jang năm akŭm 'bơ̆t anăp Kră Yang, na Satan kư̆m năm mơ̆n 'bơ̆t anăp Kră Yang.

Le 30:12

Layơ ih chih jô̆ tơmơ̆t kơsô̆ kơ̆l bơngai Isơrael, rim 'nu kơ lu sư athei ăn jên wă huai tơdrong arih kơdih ăn kơ Kră Yang wă huay kơ đei tơdrong jĭ apoh truh lăm kơplah ih oei chih tơmơ̆t jô̆ lu sư.

Sa 3:1

Đơ̆ng noh, Kră Yang ăn kơ inh 'bôh 'bok soi tơm Jôsua oei dơ̆ng 'bơ̆t anăp linh jang Kră Yang păng Satana oei gah 'ma kơ sư wă kêng sư.

Mathiơ 4:3

Na yang Satan năm tơ Sư păng khan: “Dah Ih Kon 'Bok Kei-Dei tơpă, Ih kuă kơ kiơ sơkat kơ tơmo âu jing 'bĕng?”

Luka 11:53

Kơplah Yêsu lĕch yak đơ̆ng hnam bơngai Pharisi ei, lu thây bơtho đe Juđê păng lu bơngai Pharisi areh kơ Sư dêh, na chă jet Sư lơ tơdrong,

Luka 22:31

“Ơ Pêtrôs, ih mơ̆ng Inh 'biơ̆ bĕ. Yang Satan apinh 'Bok Kei-Dei wă pơlong lăng tơdrong lui lu iĕm thoi lĕ đe wă um 'ba.

Yo 13:2

Yêsu hăm lu bơngai pơhrăm păng Sư sŏng sa hơdai. Yang Satan pơhlŭ Juđa Ikariôt, kon Simôn, na Juđa wă plơ̆ plĕch kơ Yêsu boih.

Jang 5:3

Mă-lei Pêtrôs khan: “Ơ Anania, lơliơ yang Satan pơhlŭ ih na ih hơlĕnh kơ Yang Bơhngol 'Lơ̆ng? Ih iŏk 'măn lê̆ jên mir ih minh pah mă-lei nơ̆r ih khan ăn đĭ hloi. Mă-lei nhôn ưh kơ đei pơgŏ ih ôh yua kơ mir noh mir ih kơdih, jên noh kư̆m lei-lăi mơ̆n. Kơlih kơ kiơ ih pơm tơdrong kơnê̆ thoi noh? Mă noh kơ sĭ ih hơlĕnh kơ bơngai ôh, ih hơlĕnh kơ 'Bok Kei-Dei đĕch mă tơpă 'noh.”

Hêbrơ 10:24

Bơ̆n athei băt tơchĕng gah tơdrong pơlung băl, wă kơ bơ̆n đei đon 'mêm mơnat hăm pơm 'lơ̆ng.

Ya 1:13

Tơ̆ng bơ̆n đei tơdrong pơhlŭ, pơm kơ bơ̆n yoch boih, bơ̆n 'nĕ khan 'Bok Kei-Dei pơhlŭ. Yua kơ ưh kơ đei bu gơh pơhlŭ 'Bok Kei-Dei pơm yoch păng 'Bok Kei-Dei ưh kơ đei layơ wă pơhlŭ kon bơngai pơm yoch.

Tơdrông Tơ'bôh 12:10

Klaih kơ noh na inh kơtơ̆ng 'bơ̆r pơma re tơ plĕnh ti khan: “Dang ei Kră Yang bơ̆n 'Bok Kei-Dei blah dŏng kon bơngai boih, Sư yua tơdrong mơsêh mơyang Sư blah iŏk kon bơngai đơ̆ng yang Satan pơgơ̆r, na Sư wă pơgơ̆r kơdih. Na Sư kư̆m ăn kơ 'Bok Krist pơgơ̆r mơ̆n, yua kơ yang Satan thuơ huŏng tơ teh boih. Sư boih nŏng kơ pơma 'bơ̆t anăp 'Bok Kei-Dei jô̆ kơ lu buăl bơ̆n khan bơngai yoch bơngai kơnê̆ wă kơ 'Bok Kei-Dei tŭk lu buăl bơ̆n.