I Ho 20:5 - Sơ̆p Hlabơar Nơ̆r 'Bok Kei-Dei

⁵ Păng đei tơblah dơ̆ng hăm lu bơngai Philistin; Êlhanan kon drŏ-nglo Jair pơlôch Lahmi oh drŏ-nglo Gôliat minh 'nu bơngai Gitit. Gơ̆r tơju sư tih tŏ 'long không đe tanh brai.

I Ho 20:5 ပူးပေါင်းရင်းမြစ်များ

II Sam 21:19

Tơblah minh 'măng nai dơ̆ng hăm bơngai Philistin kư̆m tơ pơlei Gop, Êlhanan kon drŏ-nglo Jaar Ôregim bơngai Betlehem, pơlôch Gôliat, bơngai pơlei Gat; đei tơju gơ̆r tih thoi 'long không đe tanh brai.

I Ho 11:23

Sư kư̆m pơlôch minh 'nu bơngai Êyiptơ kơjung 'bar hlok minh hơgăt mă bơngai Êyiptơ ti sư chĕp tơju tih tŏ 'long hơtơ̆ng brai, Bênaia năm tơblah sư chĕp minh pôm 'long tơnôn, na tơgar iŏk tơju đơ̆ng ti bơngai Êyiptơ na 'bet pơlôch bơngai noh.

I Ho 20:6

Đei minh tơdrong tơblah dơ̆ng tơ pơlei Gat. Tơ noh đei minh 'nu drŏ-nglo akâu jăn tih kơjung, đei tơdrâu tŏ hơnglâu ti păng đei tơdrâu tŏ hơnglâu jơ̆ng. Hơnglâu sư đei đĭ-đăng 'bar-jĭt puăn tŏ sư kư̆m kon sâu bơngai Rapha.

I Sam 17:4

Đei minh 'nu bơngai tih kơjung lĕch đơ̆ng kơđông Philistin, anăn sư Gôliat, đơ̆ng pơlei Gat; sư kơjung pêng hlok minh hơđa.

I Sam 17:7

Gôliat kư̆m đei tơju, pla dư tih tŏ khơng đe tanh brai, kơnhŏng tơju trăp loi kơ tơpơh kĭ.

I Sam 21:9

'Bok soi tơm tơl: Âu 'nâu đei đao Gôliat bơngai Philistin mă đêl ih pơlôch lăm thŭng Êlah oei pôn lê̆ lăm che, lê̆ 'bơ̆t cheng êphot to; tơdah ih wă iŏk, na iŏk wăi; tơ âu ưh kơ đei dao nai. Đawit tơl: Ưh kơ đei dao nai dang đao 'nâu, pơjao ăn kơ inh.

I Sam 22:10

Ahimelek krao apinh Kră Yang tơgŭm păng đei ăn tơmam sa kơ sư, kư̆m ăn kơ sư tơju Gôliat, bơngai Philistin.