I Ho 20:3 - Sơ̆p Hlabơar Nơ̆r 'Bok Kei-Dei

³ Sư chông ba lu kon pơlei đơ̆ng pơlei noh, ăn kơ lu sư bơ̆jang hăm hơnuă, hăm hơbol bơsei păng sung bơsei. Đawit pơm thoi noh kơ đĭ-đăng pơlei lu bơngai Ammôn. Đang kơ noh Đawit hăm đĭ-đăng kon pơlei sư wơ̆t brŏk tơ pơlei Jêrusalem.

I Ho 20:3 ပူးပေါင်းရင်းမြစ်များ

II Sam 12:31

Sư kư̆m rôp kon pơlei lăm noh bơ̆jang kơ sư, jao ăn hơnuă, 'nhik, sung bơsei păng jang man gŏch; sư kư̆m pơm kơ đĭ-đăng lu pơlei bơngai Ammôn jang thoi noh. Đơ̆ng noh, Đawit păng lu linh sư wih brŏk đĭ tơ pơlei Jêrusalem.

I Pot 9:21

Dôm lu kon sâu sư mă oei arih lăm dêh char mă lu bơngai Isơrael ưh kơ kĕ pơlôch pơđĭ 'noh, na Sôlômôn rôp lu sư pơm đĭch bơ̆jang truh tơ dang ei.

Le 1:14

Lu sư pơmat kon pơlei Isơrael hăm tơdrong jang hrat pơjuă teh pơm găch păng lơ tơdrong jang nai lăm mir chŭn. Dôm tơdrong jang lu bơngai Êyiptơ rôp pơgŏ kon pơlei Isơrael jang gleh pơmat-tat dêh.

Hêbrơ 11:37

Lu mơ'nah đe klơ̆m sư păng tơmo, mơ'nah đe ot kơtĕch akâu sư păng juơ, mơ'nah đe koh pơlôch păng đao. Lu mơ'nah jơ̆l kơ dơnuh hin chă hrŭk hrăi ao pơm păng akar triu, akar bơbe. Lu sư dơnuh tơpă mă-lei đe oei areh kơ lu sư, pơm kơnê̆ kơ lu sư 'mơ̆i.

Jôsuê 9:23

Dang ei đe hiap pơtê̆ boih, đĭ-đăng lu iĕm gô pơm đĭch, mơ'nah lu iĕm chă kăl 'long ŭnh, tung đak, lăm hnam 'Bok Kei-Dei inh.