I Ho 20:1 - Sơ̆p Hlabơar Nơ̆r 'Bok Kei-Dei

¹ Bơyan choh pơtăm lăm sơnăm noh kơplah lu pơtao lĕch năm wă tơblah, Jôap ba lu linh pơrăm lăm char Ammôn, sư năm wang pơlei Rapba mă-lei Đawit oei tơ pơlei Jêrusalem. Jôap blah pơlei Rapba păng pơrăm đĭ-đăng.

I Ho 20:1 ပူးပေါင်းရင်းမြစ်များ

II Sam 11:1

Lăm bơyan puih lu pơtao juăt kơ năm tơblah, Đawit wơh Jôap hăm lu đĭch đam sư păng đĭ-đăng lu linh bơngai Isơrael năm tơblah; lu sư tơgar iŏk dêh kon pơlei Ammôn păng wang tăp kơ pơlei Rapba. Gah pơtao Đawit oei lăm pơlei Jêrusalem.

II Sam 17:27

Lăp pơtao Đawit truh tơ pơlei Mahanaim, na Sôbi kon drŏ-nglo Nahas đơ̆ng pơlei Rapba kon pơlei Ammôn Makir kon drŏ-nglo Ammiel đơ̆ng pơlei Lôdêbar păng Barsilai bơngai Gileat đơ̆ng pơlei Rôgelim,

I Pot 20:22

Kơplah noh 'bok khan lê̆ adrol năm dơ̆ng jê̆ pơtao đe Isơrael păng khan: “Ih athei năm pơjing ming lu linh ih mă pran kơtang đơ̆ng, ih athei lăng hơmet mă hơlen tơdrong kiơ wă pơm, yua kơ bơyan puih sơnăm anăp kơnh pơtao Siri gô năm blah ih dơ̆ng.

I Pot 20:26

Lăm sơnăm đơ̆ng rŏng Ben Hadat krao akŭm lu linh Siri tŏk năm tơ Pơlei Aphek wă tơblah hăm lu bơngai Isơrael.

II Pot 13:20

Na Êlisê lôch, đe 'bŭ sư. Lăm char noh truh lăm sơnăm 'nao đei khŭl linh đe Môap ngăl mơ̆t wă blah dêh char sư.

I Ho 19:19

Mưh lu pơtao kiơ̆ Hadadêser 'bôh lu sư thuơ kơ lu bơngai Isơrael, lu sư apinh pơgơ̆p hiôk-hian hăm Đawit kiơ̆ sư. Lu bơngai Siri ưh kơ wă dŏng lu bơngai Ammôn dơ̆ng.

Êsai 54:16

'Nâu, Inh bơih pơjing bơngai hơjơ̆m dơhlu ŭnh soh ngar păng hơjơ̆m tơmam tơblah wă yua; păng kư̆m đơ̆ng Inh bơih pơjing lu bơngai chă pơrăm. Wă chă pơm tơdrong pơrăm.

Êsai 6:11

Na inh jet: “Ơ Kră Yang dĭng truh tơ layơ?” Na Kră Yang tơl: “Gô dĭng lu pơlei noh jing juơ, ưh kơ đei kon pơlei oei lăm noh, hnam ưh kơ đei bơngai oei, teh mir đĭ răm jing bri đĭ;

Êsêkiên 21:20

Athei chrek ăn trong kơ đao năm blah pơlei Rapba, bơngai Ammôn, păng minh trong năm blah dêh char Juđa truh tơ pơlei Jêrusalem pơlei kơjăp.

Êsêkiên 25:5

Inh gô ăn pơlei Raba jing tơmăn 'nhĕt ăn kơ seh lăk-đa păng đĭ-đăng pơlei lu bơngai Ammôn pơm anih lu sem dơrong oei pơdơh na lu iĕm gô băt Inh boih Kră Yang.

Am 1:14

Inh gô iŏk ŭnh soh dur pơlei Raba, sư gô sa lê̆ kơđông kơjăp lu sư, đe ôr tơkĕch lăm năr tơblah wang, thoi phŭt huơ̆r lăm năr hơbŭt hơbang.

Both 3:11

Gah adrĕch Rêphaim oei đei minh 'nu Ôka arih pơtao char Basan, giơng sư pơm păng mam tor giơng tơsĭn hơgăt, wơ̆l giơng puăn hơgăt. Oei đei tơ Raba pơlei tih kon sâu Ammôn,