I Ho 2:17 - Sơ̆p Hlabơar Nơ̆r 'Bok Kei-Dei

¹⁷ Abigail pơjing kơ Amasa; 'bă Amasa noh Jêther bơngai Ismael.

I Ho 2:17 ပူးပေါင်းရင်းမြစ်များ

II Sam 17:25

Apsalôm pôk Amasa pơm yŏng linh pơtrơp đơ̆ng Jôap. Amasa kon drŏ-nglo Jether adrĕch bơngai Isơrael. Jether sơ̆ sư oei kơ Abigail, kon adruh Nahas, mŏ Sêruia, mĕ Jôap.

II Sam 19:13

Apinh măr iĕm kư̆m athei khan kơ Amasa: ‘Ih jơ̆ sĕch akar inh. Tơdah đơ̆ng âu tơ anăp ih ưh kơ pơm yŏng pơgơ̆r linh tơplih Jôap lei apinh Kră Yang 'Bok Kei-Dei phak inh trăp hloh!’ ”

I Pot 2:32

Kră Yang gô pơm tơwih kơ Jôap đêl sư pơlôch tuh pham tuh plơ̆ tơ kơ̆l sư dơ̆ng, mă-lei Đawit 'bă inh, ưh kơ băt sư pơlôch 'bar 'nu bơngai 'lơ̆ng tơpăt hloh kơ sư, hăm đao gưm noh bre Apner kon drŏ-nglo Nêr, yŏng linh bơngai Isơrael păng Amasa kon drŏ-nglo Jêther, yŏng linh bơngai Juđa.

I Pot 2:5

Ih băt mơ̆n tơdrong kiơ Jôap kon drŏ-nglo Sêruia pơm boih kơ 'bă păng pơm boih kơ 'bar 'nu yŏng linh Isơrael, Apner kon drŏ-nglo Nêr păng Amasa kon drŏ-nglo Jêther, sư pơlôch bre noh kơplah rơngei hiôk-hian nhen thoi kơplah oei tơblah wang hrang tơ'bet, pham oei klep 'bơ̆t tơlei tơ̆n sư păng tơ chơkhŏ sư oei 'bot.

I Ho 12:18

Na Yang Bơhngol 'lơ̆ng jur tơ Amasai pơm yŏng kơ pêng-jĭt 'nu bơngai, na sư khan: “Ơ Đawit, lu nhôn gah ih ngăl! Ơ kon drŏ-nglo Jese, lu nhôn oei hăm ih! Hiôk-hian, hiôk-hian bĕ kơ ih; hiôk-hian kơ bơngai bu tơgŭm ih Kră Yang 'Bok Kei-Dei gô tơgŭm ih!” Na Đawit sơng iŏk lu sư, pơchĕp ăn kơ lu sư pơm yŏng pơgơ̆r linh.

I Ho 2:16

Mŏ oh lu sư Sêruia păng Abigail. Sêruia đei pêng 'nu kon drŏ-nglo Abisai, Jôap păng Asahel.

I Ho 2:18

Kalep kon drŏ-nglo Hêsrôn. Kalep oei kơ Asuba păng Jêriôt kon bre sư noh: Jeser, Sôbap păng Arđôn.