I Ho 19:2 - Sơ̆p Hlabơar Nơ̆r 'Bok Kei-Dei

² Đawit khan: “Inh gô pơm 'lơ̆ng hăm Hanun kon drŏ-nglo Nahas, yua kơ 'bă sư pơm 'lơ̆ng hăm inh.” Na Đawit wơh lu bơngai năm hơpong wă pơlung sư, yua kơ đei tơdrong truh kơ 'bă sư. Lu jơ̆ng 'bang Đawit năm truh tơ Hanun lăm char Ammôn wă ngôi pơlung sư.

I Ho 19:2 ပူးပေါင်းရင်းမြစ်များ

II Sam 9:1

Đawit jet lăm hnam Sôl hăm oei đei bu oei arih ưh? Inh wă tơ'bôh jơhngơ̆m pơm 'lơ̆ng kơ sư yua kơ đơ̆ng Jônathan.

II Sam 9:7

Đawit khan kơ sư: Mon 'nĕ kơ hli, inh wă tơgŭm ih yua kơ đơ̆ng Jônathan 'bă ih, inh gô pơdrâu kơ ih dôm mă bri seh teh choh đơ̆ng 'bok Sôl ih, păng ih gô oei sŏng sa hơdai inh minh pôm gơ'bang ling-lang hlŏng hloi.

II Pot 4:13

Êlisê khan kơ đam sư: “Ih khan kơ duch 'noh: Ih hiơ̆k hơmet ăn kơ nhi dôm tơmam 'nâu bơih na nhi pơm kiơ wă tơgŭm ih? Ih hăm wă kơ nhi pơma tơgŭm ih, apinh pơtao dah 'bok tih linh tơdrong kiơ ưh?” Duch ei tơl: “Inh oei arih hiôk hăm kon pơlei pơla inh.”

I Ho 19:1

Đunh 'biơ̆ đơ̆ng noh Nahas pơtao Ammôn lôch. Kon drŏ-nglo sư pơm pơtao pơgơ̆r pơtrơp sư.

I Ho 19:3

Mă-lei lu yŏng linh Ammôn khan kơ Hanun: “Ih ngeh kơ Đawit wơh lu bơngai năm ngôi pơlung ih, wă pơyom kơ 'bă ih hă? Ưh kơ trŏ ôh hă lu jơ̆ng 'bang sư năm tơ ih chă chop lăng wă blơ̆ blah iŏk char âu?”

Ne 13:1

Lăm năr noh, đe đŏk lăng lăm sơ̆p hla bơar Môis đei ăn kơ kon pơlei mơ̆ng; lăm noh đei chih roi kơ bơngai Ammôn păng bơngai Môap ưh kơ gơh mơ̆t akŭm ôh lăm hnam akŭm Kră Yang 'Bok Kei-Dei.

Ne 4:3

Tôbia, bơngai Ammôn, oei dơ̆ng 'bơ̆t cheng sư khan: Dur mă lu sư man păng tơmo thoi noh tơdah đei mơja tŏk hao kư̆m păk pơchah đĭ.

Ne 4:7

Mă-lei tơdah Sanbalat, Tôbia lu bơngai Arâp, kon pơlei Ammôn păng kon pơlei Asdôt băt kơ tơdrong jang pơm hơmet ming dur pơlei Jêrusalem rai tŏk 'net 'net, lu bơlôh pơchah man hơmet ming 'lơ̆ng na lu sư blĕk păng hil dêh.

Esther 6:3

Pơtao jet, lăm tơdrong 'nâu Morđêkai đe hăm ư-ang păng pôk pơyom kơ sư ưh? Lu bơngai bơ̆jang kơ pơtao tơl, đe ưh kơ đei pơm kiơ kơ sư.

Bôk Bơthô 9:15

Lăm pơlei đei minh 'nu bơngai dơnuh hin mă-lei hơgei, sư yua tơdrong hơgei sư pơklaih pơlei noh; mă-lei đơ̆ng rŏng kơ 'noh ưh kơ đei bu 'blŏk hơdơ̆r kơ bơngai dơnuh hin.

Yo 11:19

Na đei lơ bơngai Juđê đơ̆ng Pơlei Jêrusalem năm ngôi hơpong tơ bre Mathê păng Mari wă kơ bre sư huay sơ'ngon kơ 'nhŏng bre sư lôch.

I Sam 30:26

Đawit wih brŏk tơ Siklak păng asong ăn tơmam kơ lu đe kră lăm dêh Juđa păng kư̆m gơih nơ̆r pơma khan: Gơih ăn kơ iĕm tơmam âu. 'Nâu jơ̆ tơmam asong ăn kơ lu iĕm đơ̆ng tơmam bơ̆n blah tơgar iŏk đơ̆ng lu bơngai mă ayăt kơ Kră Yang.