I Ho 17:7 - Sơ̆p Hlabơar Nơ̆r 'Bok Kei-Dei

⁷ Na dang ei khan bĕ kơ Đawit đĭch đam Inh Kră Yang Tih Hloh khan: Inh iŏk ih đơ̆ng dơnih 'nhĕt, đơ̆ng bơngai wei triu wă kơ ih pơm kră wei-lăng pơgơ̆r kon pơlei Inh bơngai Isơrael.

I Ho 17:7 ပူးပေါင်းရင်းမြစ်များ

II Sam 6:21

Đawit tơl khan: “Inh suang wă ư-ang kơ Kră Yang Tơ'ngla mă rơih iŏk inh ưh kơ rơih 'bă ih păng đĭ kơ adrĕch sư, Sư pôk inh pơm pơtao kon pơlei Isơrael, jing kon pơlei Kră Yang, lei na inh suang chơt hiôk wă ư-ang kơ Kră Yang.”

II Sam 7:8

Thoi noh dang ei, ih athei roi kơ Đawit, đĭch đam Inh Kră Yang Tih Hloh đei khan thoi âu: “Inh boih đei krao ih đơ̆ng tơmăn 'nhĕt anih ih oei wei triu, pôk ih jing bơngai pơgơ̆r kon pơlei Inh.

I Ho 17:6

Lăm jơ̆p-jang anih Inh năm hơdai hăm lu bơngai Isơrael bơih. Inh hăm lah pơma hăm kră pơgơ̆r Isơrael, bơngai mă Inh đei athei boih wei kon pơlei Inh khan: “Thoi yơ iĕm ưh kơ đei pơm kơ Inh minh pôm hnam hăm 'long hơngo?”

I Ho 17:8

Inh đei oei hơdai hăm ih boih tơ rim anih ih năm păng Inh pơlôch đĭ-đăng lu ayăt 'bơ̆t anăp ih; păng Inh gô ăn anăn ih ư-ang nhen thoi anăn lu bơngai pơm tih hloh lăm teh đak,

II Ho 6:6

Mă-lei Inh đei rơih boih Jêrusalem, wă kơ Anăn Inh tơ noh păng rơih Đawit wă pơgơ̆r kon pơlei pơla Inh Isơrael.’ ”

Mathiơ 2:6

‘Ơ Pơlei Betlehem lăm dêh Juđê! Pơlei iĕm ưh kơ sĭ iĕ hloh kơ pơlei đe ôh, Yua kơ đơ̆ng pơlei iĕm gô đei minh 'nu 'Bok tih tơpă, Sư wă pơgơ̆r lu bơngai Isơrael.’ ”

Luka 5:10

Bôl mă jang hơdai sư ei kư̆m sơleng kơ đon mơ̆n. Anăn bre sư ei Yakơ păng Yôhan, kon Sêbêđê. Na Yêsu khan kơ Simôn: “Ih 'nĕ pă hli. Đơ̆ng âu tơ anăp kơnh ih gô krao chă kon bơngai wă kơ sư lui kơ 'Bok Kei-Dei.”

I Sam 17:15

Mă-lei Đawit kư̆m brŏk năm đơ̆ng anih Sôl, brŏk tơ pơlei Betlehem wei triu 'bă sư.