I Ho 17:6 - Sơ̆p Hlabơar Nơ̆r 'Bok Kei-Dei

⁶ Lăm jơ̆p-jang anih Inh năm hơdai hăm lu bơngai Isơrael bơih. Inh hăm lah pơma hăm kră pơgơ̆r Isơrael, bơngai mă Inh đei athei boih wei kon pơlei Inh khan: “Thoi yơ iĕm ưh kơ đei pơm kơ Inh minh pôm hnam hăm 'long hơngo?”

I Ho 17:6 ပူးပေါင်းရင်းမြစ်များ

II Sam 7:7

Mă tơ anih ayơ Inh năm hăm kon pơlei Isơrael, Inh hăm đei layơ chă pơma chrih kơ lu bơngai mă Inh đei rơih wă wei-lăng kon pơlei Isơrael Inh: Liơ lu iĕm ưh kơ pơm kơ Inh minh pôm hnam hăm 'long hơngo?

I Pot 8:16

‘Iŏk đơ̆ng năr Ih pơklaih lu bơngai Isơrael đơ̆ng dêh Êyiptơ, Inh ưh kơ đei rơih iŏk ôh khŭl bơngai bu đơ̆ng lăm bơngai Isơrael, pơjing pơm Hnam akŭm wă kơ anăn Inh oei lăm noh. Mă-lei Inh đei iŏk bơih Đawit wă kơ sư pơgơ̆r lu bơngai Isơrael kon pơlei Inh.’

I Ho 11:2

Adrol sơ̆ mă kơplah Sôl oei pơm pơtao, ih boih pơgơ̆r chông kon pơlei Isơrael lĕch; dah wih brŏk. Kră Yang 'Bok Kei-Dei ih đei khan: ‘Ih gô wei rong kon pơlei Isơrael Inh; păng ih gô pơm yŏng pơgơ̆r lu sư.’ ”

I Ho 17:7

Na dang ei khan bĕ kơ Đawit đĭch đam Inh Kră Yang Tih Hloh khan: Inh iŏk ih đơ̆ng dơnih 'nhĕt, đơ̆ng bơngai wei triu wă kơ ih pơm kră wei-lăng pơgơ̆r kon pơlei Inh bơngai Isơrael.

Je 23:4

Inh gô chă lu bơngai wei rong lu sư; lu sư ưh pă hli kơ kiơ dơ̆ng păng ưh kơ đei hiong minh pôm ayơ,” noh Kră Yang khan.

Êsêkiên 34:2

Ơ kon bơngai, khan lê̆ adrol wă blah plơ̆ lu bơngai wei triu, lu bơngai wei rong Isơrael; khan lê̆ adrol pơma kơ lu sư, athei khan lê̆ kơ bơngai wei triu: Kră Yang khan thoi âu: Răm-'băm tơpă, ơ lu bơngai wei rong Isơrael, lăp hiơ̆k kơ wei rong kơdih akâu đĕch, hăm trŏ kơ lu bơngai wei triu noh wei rong khŭl triu dah kiơ?

Mi 5:4

Noh Sư boih gô pơm kơ bơ̆n rơnŭk rơnua. Tơdah lu bơngai Asiri wă truh tơ lăm teh đak lu bơ̆n păng pơjuă hnam yang bơ̆n, na lu bơ̆n gô iung tơpơh 'nu bơngai wei-lăng păng tơhngam 'nu kuan pơgơ̆r lu kon pơlei na iung blah plơ̆ lu sư.

Mathiơ 2:6

‘Ơ Pơlei Betlehem lăm dêh Juđê! Pơlei iĕm ưh kơ sĭ iĕ hloh kơ pơlei đe ôh, Yua kơ đơ̆ng pơlei iĕm gô đei minh 'nu 'Bok tih tơpă, Sư wă pơgơ̆r lu bơngai Isơrael.’ ”

II Kor 6:16

Hnam 'Bok Kei-Dei hăm rup yang nai ưh kơ gơh tơmơ̆t băl ôh. Lu bơ̆n kư̆m dang hnam oei 'Bok Kei-Dei mă arih ling-lang, yua kơ Sư khan boih thoi âu: “Inh wă oei hơdai iĕm, nơnăm hơdai iĕm; Inh pơm Kră Yang iĕm, iĕm jing kon pơlei pơla Inh.”

Both 23:14

Yua kơ Kră Yang 'Bok Kei-Dei iĕm năm lăng kơđông linh iĕm wă dŏng pơklaih lu iĕm đơ̆ng lu bơngai ayăt iĕm, kơđông iĕm athei rơgoh 'lơ̆ng, wă kơ Sư huay kơ 'bôh tơdrong kơnê̆ 'mê̆-'mach, na mah weh achăng lê̆ lu iĕm.

Tơdrông Tơ'bôh 2:1

“Ih chih kơthơ âu kơ kră wei-lăng hnam akŭm 'Bok Kei-Dei tơ Pơlei Êphêsô thoi âu: 'Bok mă chĕp tơpơh tŏ sơnglŏng tơ ti 'ma Sư, mă Sư nơnăm lăm tŏk-bŏk jơ̆ng kơđeng maih noh Sư wă pơma kơ iĕm thoi âu:

I Sam 12:11

Kră Yang wơh hĭ Jêrup Baal, Barak, Jeptha păng Samuel; lu sư dŏng pơklaih lu iĕm đơ̆ng ti lu ayăt tăp dăr kơ lu iĕm, ăn kơ lu iĕm oei arih hiôk-hian.