I Ho 17:27 - Sơ̆p Hlabơar Nơ̆r 'Bok Kei-Dei

²⁷ Ih hiôk ăn tơdrong pŭn hiôk kơ hnam đĭch đam Ih, wă kơ sư gơh oei đei ling-lang khŏm khŏm 'bơ̆t anăp Ih, yua kơ, ơ Kră Yang, tơmam kiơ ih ăn pŭn hiôk, gô đei pŭn hiôk ling-lang khŏm khŏm!”

I Ho 17:27 ပူးပေါင်းရင်းမြစ်များ

Bl 27:33

Isăk kơtơ̆ng thoi noh sư 'brơ̆k lăm jơhngơ̆m dêh na khan: Thoi ei, bĭ bu mă chă lua 'nhĕm bri hei đei hơmet pôk ăn kơ 'bă sa boih? 'Nao adrol 'biơ̆ kơ e brŏk. 'Bă sa đĭ boih păng sơkat ăn boih kơ sư đei tơdrong pŭn hiôk, lei pŭn hiôk noh đei kơ sư boih.

I Pot 2:33

Thoi noh pham bre noh gô tuh tơ kơpal kơ̆l Jôap păng tơ kơpal kơ̆l adrĕch adrung sư ling-lang; mă-lei Đawit păng adrĕch adrung sư, hnam dơnŏ, tang-dŏ pơtao sư Kră Yang gô ăn đei tơdrong hiôk-hian ling-lang.”

I Pot 2:45

Mă-lei pơtao Sôlômôn gô đei tơdrong pŭn hiôk păng tang-dŏ pơtao Đawit oei kơjăp ling-lang 'bơ̆t anăp Kră Yang.”

I Ho 17:26

Ơ Kră Yang, Ih boih 'Bok Kei-Dei, Ih pơkă boih tơdrong 'lơ̆ng âu kơ đĭch đam Ih.

I Ho 18:1

Đang kơ noh Đawit tơblah hăm lu bơngai Philistin jei sư, păng lu sư chu kiơ̆, păng blah iŏk pơlei Gat hăm đĭ-đăng lu pơlei iĕ jum dăr đơ̆ng lu Philistin.

I Ho 28:4

Kră Yang 'Bok Kei-Dei Isơrael đei rơih boih inh đơ̆ng lăm hnam dơnŏ 'bă inh, wă pơm pơtao Isơrael ling-lang. Tơpă sư đei rơih boih adrĕch Juđa pơgơ̆r wei-lăng; đơ̆ng lăm adrĕch Juđa sư rơih iŏk hnam dơnŏ 'bă inh; lăm lu kon drŏ-nglo 'bă inh, Kră Yang lăp đon rơih iŏk inh, pôk inh pơm pơtao kơ đĭ-đăng lu bơngai Isơrael.

Horiso 21:6

Ih ăn kơ sư pŭn hiôk ling-lang, Pơm ăn kơ sư chơt hiôk 'bơ̆t anăp Ih.a

Horiso 72:17

Anăn sư gô oei đei ling-lang. Măt 'năr sư oei đei dang yơ, anăn sư gô oei dang noh; Kon pơlei đei pŭn hiôk đơ̆ng sư! Lu kon pơlei gô sơkat kơ sư đei pŭn hiôk.

Jo 23:20

Na 'nâu, inh đei iŏk boih nơ̆r tơtă hơpơi ăn pŭn hiôk Kră Yang ăn boih pŭn hiôk, Inh ưh kơ pơjah ôh.

Rom 11:29

Yua kơ nơ̆r 'Bok Kei-Dei pơkă wă rơih iŏk đe Isơrael, tơgŭm đe Isơrael, na Sư ưh kơ hŭt ôh lu bơngai Isơrael noh.

Êphêsô 1:3

Bơnê kơ Kră Yang 'Bok Kei-Dei 'Bă Yêsu Krist Yŏng bơ̆n, yua kơ Sư ăn kơ bơ̆n tôm tơdrong hiôk 'lơ̆ng tơ plĕnh ti. Bơ̆n đei tôm tơdrong noh yua kơ bơ̆n lui kơ Yêsu Krist.

Both 15:6

Kră Yang 'Bok Kei-Dei iĕm gô ăn pŭn hiôk kơ iĕm kiơ̆ thoi nơ̆r Sư đei pơkă; iĕm gô ăn kơ lơ teh đak gơh tŏk iŏk, mă gah iĕm huay kơ tŏk iŏk đơ̆ng teh đak nai; iĕm gô pơgơ̆r lơ teh đak, teh đak nai ưh kơ gơh pơgơ̆r teh đak iĕm.